சூறைக்காற்றில் அடியோடு சாய்ந்த 25 ஆயிரம் வாழை மரங்கள்; ஈரோடு விவசாயிகள் வேதனை! - banana trees damaged

Banana trees damaged: ஈரோட்டில் அடித்த பலத்த காற்றின் காரணமாக அறுவடைக்குத் தயாராக இருந்த ரூ.2 கோடி மதிப்பிலான 25 ஆயிரத்திற்கும் மேற்பட்ட வாழை மரங்கள் முறிந்து சேதமாகியதால் விவசாயிகள் வேதனை அடைந்துள்ளனர்.

ஈரோடு:ஈரோடு மாவட்டத்தில் விவசாயம் முக்கிய தொழிலாக உள்ளது. மண் வளம் நன்றாக உள்ளதால் விவசாயிகள் பணப்பயிரான வாழை, கரும்பு சாகுபடி செய்து வருகின்றனர். 12 மாதப்பயிரான வாழைகள் குறிப்பாக, நேந்திரம் கேரளாவில் அதிகளவில் விற்யானையாவதால் இப்பகுதிகளில் குவின்டால் நேந்திரம் அதிகளவில் சாகுபடி செய்யப்படுகிறது.

அந்த வகையில், தாளவாடி, சத்தியமங்கலத்தில் சுமார் 25 ஆயிரம் ஏக்கரில் சாகுபடி பரப்பளவு உள்ளது. இதில், சத்தியமங்கலம் சுற்றுவட்டாரத்தில் விவசாயிகள் அதிகளவில் வாழை சாகுபடி செய்து வருகின்றனர். மேலும், ஒணம் பண்டிகையை எதிர்ப்பார்த்து நேந்திரம் வாழை சாகுபடி செய்துள்ளனர். தற்போது இந்த வாழை மரங்கள் முழுவதும் அறுவடைக்குத் தயாராக இருந்துள்ளது.

இந்நிலையில், சத்தியமங்கலம் சுற்று வட்டாரத்தில் வீசிய பலத்த காற்றின் காரணமாக, சிவியார் பாளையத்தில் அறுவடைக்குத் தயாராக இருந்த 30க்கு மேற்பட்ட விவசாயிகள் சாகுபடி செய்த ரூ.2 கோடி மதிப்பிலான 25 ஆயிரம் வாழை மரங்கள் காற்றில் முறிந்து விழுந்து சேதமாகியுள்ளது. இதனால், இப்பகுதிவிவசாயிகள் வேதனை தெரிவித்துள்ளனர்.

இதில், பாதிக்கப்பட்ட சத்தியமூர்த்தி என்பவர் கூறுகையில், “ இப்பகுதியில் அடித்த பலத்த காற்றின் காரணமாக பயிரடப்பட்ட வாழை மரங்கள் முற்றிலுமாக பாதிக்கப்பட்டுள்ளது. இவை தேன் நேந்திரம் வகையை சார்ந்தவை. தோட்டத்தில் பயிரிட்ட 3,000 வாழைகள் முற்றிலும் முறிந்து விழுந்ததால் ரூ.6 லட்சம் இழப்பீடு ஏற்பட்டுள்ளது. தனிநபர் விவசாய காப்பீட்டால் இழப்பீடு வழங்கலாம்.ஆனால், அரசு எந்த நடவடிக்கையும் எடுக்கவில்லை.

12 மாத உழைப்பு வீணாகிவிட்டது. இதனால், எங்களது வாழ்வாதாரம் கேள்விகுறியாக உள்ளது. வருவாய் மற்றும் தோட்டக்கலை அதிகாரிகள் நேரில் ஆய்வு செய்து உரிய இழப்பீடு வழங்க வேண்டும்” என்று கோரிக்கை விடுத்துள்ளனர்.

இதையும் படிங்க:கனமழை..மண்சரிவு ... தண்டவாளத்தில் சாய்ந்த மரங்கள்; உதகை - குன்னூர் மலை ரயில் சேவை ரத்து!