கோயம்புத்தூர் : கோயம்புத்தூர் மாவட்டம், பொள்ளாச்சி அருகே உள்ள கஞ்சம்பட்டி ஊராட்சிக்குட்பட்ட அம்மே கவுண்டனூர் கிராமத்தில் கார்த்திக் - சத்யா என்ற தம்பதியினர் வசித்து வருகின்றனர். இந்த தம்பதியினருக்கு நைநிதா(3) என்ற பெண் குழந்தை ஒன்று உள்ளது.
இக்குழந்தை வீட்டின் பின்புறம் உள்ள வராண்டாவில் இன்று(நவ 4) காலை 10 மணியளவில் விளையாடிக் கொண்டிருந்த போது அருகில் இருந்த 6 உயர தண்ணீர் தொட்டியில் எதிர்பாராத விதமாக குழந்தை விழுந்துள்ளது. இந்நிலையில் விளையாடிக் கொண்டிருந்த குழந்தையை காணவில்லை என பெற்றோர்கள் தேடியபோது, குழந்தை தண்ணீர் தொட்டிக்குள் விழுந்து உயிரிழந்தது தெரிய வந்தது. பின்னர் உடனடியாக குழந்தையின் உடலை மீட்டு 108 ஆம்புலன்ஸ் மூலம் பொள்ளாச்சி அரசு மருத்துவமனைக்கு பிரேதப் பரிசோதனைக்காக கொண்டு சென்றனர்.