பரபரப்பான இன்றைய வாழ்க்கை சூழலில், காலை நேரம் இல்லாத காரணத்தினாலோ அல்லது வேறு சில காரணங்களினாலோ பலர் ஹோட்டல்களிலும் டிபன் சென்டர்களிலும் காலை உணவை சாப்பிடுகிறார்கள். அப்படிப்பட்டவர்களுக்குத்தான் இந்த இன்ஸ்டன்ட் தோசை. இதை 5 முதல் 10 நிமிடங்களில் சுலபமாக வீட்டிலேயே தயார் செய்து விடலாம். சுவையும் அட்டகாசமாக இருக்கும். இந்த இன்ஸ்டன்ட் தோசையை செய்ய தேவையான பொருட்கள் என்ன? எப்படி செய்வது? என்பதை பார்க்கலாம்..
தேவையான பொருட்கள்:
- கோதுமை மாவு - 1 கப்
- உப்பு - தேவையான அளவு
- சீரகம் - அரை தேக்கரண்டி
- மிளகு தூள் - அரை தேக்கரண்டி
- கறிவேப்பிலை - தேவையான அளவு
- பச்சை மிளகாய் - 1
- சில்லி ஃப்ளேக்ஸ் - 1 டீஸ்பூன்
- கொத்தமல்லி - தேவையான அளவு
செய்முறை:
- இதற்கு முதலில் பச்சை மிளகாயை குட்டி குட்டியாக நறுக்கவும். அப்புறம் கறிவேப்பிலை மற்றும் கொத்தமல்லியை பொடி பொடியாக நறுக்கி தனியாக வைக்கவும்.
- இப்போது ஒரு பாத்திரத்தை எடுத்து அதில் கோதுமை மாவு, உப்பு, சீரகம், மிளகுத்தூள், நறுக்கி வைத்த கறிவேப்பிலை, கொத்தமல்லி,பச்சை மிளகாய், சில்லி ஃப்ளேக்ஸ் என...ஒவ்வொன்றாக சேர்த்து அனைத்தையும் ஒன்றாக சேர்த்து நன்கு கலக்கவும்.
- அதன் பிறகு இந்த மாவில் கொஞ்சம் கொஞ்சமாக தண்ணீர் சேர்த்து தோசை மாவு பதத்திற்கு கலக்கவும். தண்ணீயாக கலந்து விடாதீர்கள்.
- அதன் பிறகு தோசை கல்லை அடுப்பில் வைத்து சூடாக்கவும். நன்கு சூடாகியதும், கலந்து வைத்த மாவை எடுத்து தோசை போல் பரப்பவும்
- இந்த தோசை ஒல்லியாக இருந்தால சரியாக வராது. எனவே இது சற்று தடிமனாக இருக்க வேண்டும். இருப்பினும், அதிக மாவை ஊற்ற வேண்டாம் என்பதையும் நினைவில் கொள்ளுங்கள்.
- இவ்வாறு ஊற்றி, அதன் மீதும் அதைச் சுற்றிலும் சிறிது எண்ணெய் தடவ வேண்டும்.இந்த ரெசிபியை குழந்தைகளுக்காக செய்தால் எண்ணெய்க்குப் பதிலாக நெய்யைப் பயன்படுத்தலாம். அப்போது தோசை இன்னும் சுவையாக இருக்கும். குழந்தைகளும் விரும்பி சாப்பிடுவார்கள்.
- இப்போது மிதமான தீயில் அடுப்பை வைத்து தோசையை ஒரு பக்கம் நன்றாக வேக விடவும். அப்புறம் மறுபக்கம் திருப்பி போட்டு சர்வ் செய்யுங்கள். அவ்வளவுதான்.. மிகவும் சுவையான "இன்ஸ்டன்ட் தோசை" ரெடி!
- இந்த தோசையை தக்காளி, வெங்காயம் மற்றும் பூண்டு சட்னி போன்ற புளிப்பு சுவை நிறைந்த சட்னியுடன் சாப்பிட்டால் மிகவும் சுவையாக இருக்கும். காலையில் என்ன செய்வது என்று தெரியாத போது, இந்த தோசைகள் செய்து அசத்துங்கள்
இதையும் படிங்க:
- மாவு அரைக்காமல் 'Instant' ராகி இட்லி செய்யலாமா? வெறும் 20 நிமிடம் போதும்!
- திரும்பத் திரும்ப சாப்பிடத் தோன்றும் ஸ்பானிஷ் ஆம்லெட்..ஈஸியா செய்வது எப்படி?
ஈடிவி பாரத் தமிழ் வாட்ஸ்ஆப் சேனலில் இணைய இங்கே கிளிக் செய்யவும்
