சென்னை: இயக்குநர் விஷ்ணுவர்தன் இயக்கத்தில், ஆகாஷ் முரளி கதாநாயகனாக அறிமுகமாகும் புதிய திரைப்படத்தை தயாரிப்பாளர் சேவியர் பிரிட்டோவின் XB ஃபிலிம் கிரியேட்டர்ஸ் நிறுவனம் தயாரிக்கிறது என கடந்த ஏப்ரல் மாதம் அறிவிப்பு வெளியானது. இதில் சரத்குமார், குஷ்பு, அதிதி ஷங்கர் உள்ளிட்ட நடிகர், நடிகைகள் முக்கிய கதாபாத்திரங்களில் நடிக்கின்றனர். மேலும், இசையமைப்பாளர் யுவன் சங்கர் ராஜா இப்படத்திற்கு இசையமைக்கிறார்.
இந்நிலையில், இன்று (ஜூன் 25) இப்படத்திற்கு 'நேசிப்பாயா' என்று தலைப்பு வைக்கப்பட்டுள்ளது என படக்குழு வீடியோ ஒன்றை வெளியிட்டு படத்தின் தலைப்பை அறிவித்துள்ளது. மேலும், படம் விரைவில் வெளியாக உள்ளதாகவும் தயாரிப்பு நிறுவனம் அறிவித்துள்ளது. படத்தின் தலைப்பை வைத்து இப்படம் காதல் படமாக இருக்கும் என்பதை அறிய முடிகிறது. இந்த அறிவிப்பு ரசிகர்கள் மத்தியில் மிகுந்த எதிர்பார்ப்பை ஏற்படுத்தி உள்ளது.