சென்னை: லைகா புரோடக்ஷன்ஸ் தயாரிப்பில், ஐஷ்வர்யா ரஜினிகாந்த் இயக்கத்தில் விஷ்ணு விஷால், விக்ராந்த் கதாநாயகனாக நடித்துள்ள திரைப்படம் ‘லால் சலாம்’. இந்த படத்தில் தமிழ் சினிமாவின் முன்னணி நடிகர் ரஜினிகாந்த் கேமியோ வேடத்தில் நடித்துள்ளார்.
கிரிக்கெட் விளையாட்டில் உள்ள அரசியலை மையமாகக் கொண்டு உருவாகியுள்ள இப்படத்திற்கு ஏ.ஆர்.ரஹ்மான் இசையமைத்துள்ளார். மேலும், இந்த படத்தில் லிவிங்ஸ்டன், செந்தில், ஜீவிதா, கே.எஸ்.ரவிக்குமார், தம்பி ராமையா, நிரோஷா உள்ளிட்ட பலர் நடித்துள்ளனர். ரெட் ஜெயன்ட் மூவிஸ் வெளியிடும் செய்யும் இப்படத்திற்கு விஷ்ணு ரங்கசாமி ஒளிப்பதிவு செய்துள்ளார்.
ஏற்கனவே ரஜினிகாந்த் பிறந்தநாளுக்கு லால் சலாம் படத்தின் டீசர் வெளியான நிலையில், பொங்கல் பண்டிகைக்கு லால் சலாம் திரைப்படம் வெளியாகும் என அறிவிக்கப்பட்டிருந்தது. ஆனால், பல்வேறு காரணங்களால் ரீலிஸ் தேதி பிப்ரவரி 9ஆம் தேதிக்கு ஒத்திவைக்கப்பட்டது.