சென்னை: பிரபல நடிகை நயன்தாரா சமீப காலமாக சமூக வலைதளத்தில் பயங்கர ஆக்டிவாக இருக்கிறார். வெளிநாடுகள் மற்றும் ஏதோ ஒரு புதிய இடத்திற்கு சென்றாலும் சரி, தன் கணவரும், இயக்குநருமான விக்னேஷ் சிவன் மற்றும் தனது செல்லக் குழந்தைகளுடன் எடுத்த புகைப்படங்களை பகிர்ந்து வருகிறார்.
நயன்தாரா சமீபத்தில் வெளிநாட்டில் மூக்கு குத்திக் கொண்ட போது எடுத்த வீடியோ சமூக வலைதளத்தில் வெளியானது. அதே போல் விக்னேஷ் சிவனும் சமூக வலைதளத்தில் தனது மனைவி நயன்தாரா மற்றும் குழந்தைகளுடன் எடுத்த புகைப்படஙக்ளை பதிவிட்டு வருகிறார். இந்நிலையில் நயன்தாரா இன்று ஆயுத பூஜை மற்றும் நவராத்திரி விழாவை தனது கணவர் விக்னேஷ் சிவனுடன் கொண்டாடியுள்ளார்.
அதனை முன்னிட்டு சிவப்பு புடவை அணிந்து தனது கணவரோடு எடுத்த புகைப்படங்களை தனது சமூக வலைதள பக்கத்தில் பகிர்ந்துள்ளார். இதனை தனது இன்ஸ்டாகிராம் பக்கத்தில் பகிர்ந்த விக்னேஷ் சிவன் “என் உயிர்” என பதிவிட்டுள்ளார். நயன்தாரா சிவப்பு புடவையுடன் வெளியிட்ட பதிவு இன்ஸ்டாகிராமில் பல இதயங்களை வென்று வருகிறது.