கோவையில் நடனமாடி வேட்டையனை வரவேற்ற இளம் பெண்கள்!

Vettaiyan release celebration: கோவையில் ’வேட்டையன்’ திரைப்படத்தின் முதல் காட்சியை காண்பதற்கு திரண்ட ரசிகர்கள், திரையரங்குகளில் மேளதாளம் முழங்க கொண்டாடினர்.

கோவை: டி.ஜே.ஞானவேல் இயக்கத்தில் நடிகர் ரஜினிகாந்த், அமிதாப் பச்சன் ஃபகத் ஃபாசில் உள்ளிட்ட முன்னணி நடிகர்கள் நடித்துள்ள ’வேட்டையன்’ திரைப்படம் இன்று (அக்.10) வெளியானது. கோவையில் இந்த திரைப்படத்தை காண காலை முதலே ரசிகர்கள் திரையரங்கம் முன்பு குவிந்தனர். கோவை ரயில் நிலையம் அருகே உள்ள திரையரங்கம் முன்பு குவிந்த ரசிகர்கள் மேள தாளம் முழங்க நடனமாடி கொண்டாட்டங்களில் ஈடுபட்டனர்.

மேலும் திரையரங்கம் முன்பு வைக்கப்பட்டு இருந்த ரஜினியின் பிளக்ஸ் பேனருக்கு பால் அபிஷேகம் செய்தும், சூடம் காட்டி தேங்காய் உடைத்தும், பட்டாசு வெடித்தும் கொண்டாட்டங்களில் ஈடுபட்டனர். மேலும் 60 கிலோ எடையில் ரஜினியின் படம் பொறித்த பிரமாண்ட கேக்கினை வெட்டி ரசிகர்கள் உற்சாக கொண்டாட்டங்களில் ஈடுபட்டனர்.

இதையும் படிங்க:"ரஜினி பட FDFS விஜய், அஜித் படங்களை விட மாஸா இருக்கு"... திருச்சியில் ’வேட்டையன்’ ரிலீஸ் கொண்டாட்டம்!

வேட்டையன் திரைப்பட சிறப்புக் காட்சிக்கு தமிழக அரசு அனுமதி வழங்கியுள்ள நிலையில், கோவையில் காலை 9 மணிக்கு படம் திரையிடப்பட்டது. இந்நிலையில் ரசிகர்கள் ஆரவாரத்துடன் திரைப்படத்தை பார்த்து வருகின்றனர். கோவை நகரில் 15க்கும் மேற்பட்ட திரையரங்குகளிலும், 5 மால்களில் உள்ள திரையரங்குகளிலும் ’வேட்டையன்’ திரைப்படம் திரையிடப்பட்டுள்ளது.

ஈடிவி பாரத் வாட்ஸ்அப் சேனலில் இணைய இங்கே கிளிக் செய்யவும்