ਐਮਐਲਏ ਗੋਗੀ ਦੇ ਹੱਕ 'ਚ ਅੱਗੇ ਆਏ ਵਿਧਾਇਕ ਪੱਪੀ, ਕਿਹਾ- ਬੁੱਢੇ ਨਾਲੇ ਲਈ ਪਿਛਲੀ ਸਰਕਾਰ ਜਿੰਮੇਵਾਰ - ludhiana s Budha Nala

MLA Pappi Prashar on Budha Nala: ਬੁੱਢੇ ਨਾਲੇ ਦੀ ਦੁਰਦਸ਼ਾ ਨੂੰ ਲੈ ਕੇ ਲਗਾਤਾਰ ਸਵਾਲਾਂ ਵਿੱਚ ਘਿਰ ਰਹੇ ਐਮਐਲਏ ਗੁਰਪ੍ਰੀਤ ਗੋਗੀ ਦੇ ਹੱਕ 'ਆਪ' ਦੇ ਵਿਧਾਇਕ ਪੱਪੀ ਪ੍ਰਾਸ਼ਰ ਅੱਗੇ ਆਏ ਹਨ ਅਤੇ ਉਹਨਾਂ ਨੇ ਕਿਹਾ ਕਿ ਬੁੱਢੇ ਨਾਲੇ ਲਈ ਇਸ ਹਾਲਤ ਲਈ ਪਿਛਲੀ ਸਰਕਾਰ ਜਿੰਮੇਵਾਰ ਹੈ। ਬਾਗ਼ੀ ਸਾਡੇ ਖਿਲਾਫ ਕਿਉਂ ਹੋਏ ਹਨ।

ਲੁਧਿਆਣਾ :15 ਸਤੰਬਰ ਨੂੰ ਬੁੱਢੇ ਨਾਲੇ 'ਤੇ ਬੰਨ ਲਗਾਉਣ ਦਾ ਜਿੱਥੇ ਵੱਖ-ਵੱਖ ਸਮਾਜ ਸੇਵੀ ਜਥੇਬੰਦੀਆਂ ਅਤੇ ਵਾਤਾਵਰਨ ਪ੍ਰੇਮੀਆਂ ਨੇ ਐਲਾਨ ਕੀਤਾ ਹੈ ਕਿ ਉੱਥੇ ਹੀ ਦੂਜੇ ਪਾਸੇ ਸੈਂਟਰ ਹਲਕੇ ਦੇ ਐਮਐਲਏ ਇਸ ਮੁੱਦੇ ਨੂੰ ਲੈ ਕੇ ਚਿੰਤਿਤ ਨੇ। ਉਹਨਾਂ ਕਿਹਾ ਕਿ ਅਜਿਹਾ ਨਹੀਂ ਕਰਨਾ ਚਾਹੀਦਾ ਕਿਉਂਕਿ ਉਹਨਾਂ ਦੀ ਸਰਕਾਰ ਵੀ ਇਸ ਮਸਲੇ ਦਾ ਹੱਲ ਚਾਹੁੰਦੀ ਹੈ, ਪਰ ਜੇਕਰ ਉਹ ਕਹਿਣ ਕਿ 50 ਸਾਲਾਂ ਦਾ ਮੁੱਦਾ ਦੋ ਸਾਲ ਦੇ ਵਿੱਚ ਹੱਲ ਕਰ ਦਿੱਤਾ ਜਾਵੇ ਤਾਂ ਇਹ ਨਹੀਂ ਹੋ ਸਕਦਾ। ਉਹਨਾਂ ਕਿਹਾ ਕਿ ਪਿਛਲੀ ਸਰਕਾਰ ਨੇ ਕੰਮ ਕੀਤੇ ਹਨ ਉਹ ਸਾਡੀ ਸਰਕਾਰ ਕਿਵੇਂ ਦੋ ਸਾਲ 'ਚ ਠੀਕ ਕਰ ਦੇਵੇਗੀ।


ਵਿਧਾਨ ਸਭਾ ਦੇ ਵਿੱਚ ਵੀ ਬੋਲਣ ਦਾ ਪੂਰਾ ਹੱਕ: ਉੱਥੇ ਹੀ ਐਮਐਲਏ ਗੋਗੀ ਵੱਲੋਂ ਅਫਸਰਾਂ 'ਤੇ ਕੰਮ ਨਾ ਕਰਨ ਦੇ ਲਾਏ ਇਲਜ਼ਾਮਾਂ ਨੂੰ ਵੀ ਉਹਨਾਂ ਕਿਹਾ ਕਿ ਘੱਟੋ ਘੱਟ ਉਹਨਾਂ ਨੇ ਇਹ ਮੁੱਦਾ ਤਾਂ ਚੁੱਕਿਆ ਚੰਗੀ ਗੱਲ ਹੈ। ਉਹਨਾਂ ਕਿਹਾ ਕਿ ਉਹ ਲੋਕਾਂ ਦੇ ਚੁਣੇ ਹੋਏ ਨੁਮਾਇੰਦੇ ਹਨ। ਉਹਨਾਂ ਨੂੰ ਵਿਧਾਨ ਸਭਾ ਦੇ ਵਿੱਚ ਵੀ ਬੋਲਣ ਦਾ ਪੂਰਾ ਹੱਕ ਹੈ। ਉਹਨਾਂ ਕਿਹਾ ਕਿ ਉਹਨਾਂ ਨੇ ਅਸਲ ਸ਼ਾਹੀ ਦੇ ਮੁੱਦੇ 'ਤੇ ਗੱਲ ਕੀਤੀ ਹੈ। ਐਮਐਲਏ ਅਸ਼ੋਕ ਪਰਾਸ਼ਰ ਨੇ ਕਿਹਾ ਕਿ ਉਹਨਾਂ ਨੇ ਵੀ ਵਿਧਾਨ ਸਭਾ ਦੇ ਵਿੱਚ ਕਈ ਮੁੱਦੇ ਚੁੱਕੇ ਸਨ। ਉਹਨਾਂ ਕਿਹਾ ਕਿ ਸਾਰਿਆਂ ਨੂੰ ਬੋਲਣ ਦਾ ਸਮਾਂ ਮਿਲਿਆ ਸੀ। ਉਥੇ ਹੀ ਪੰਜਾਬ ਵਿਧਾਨ ਸਭਾ ਦੇ ਵਿੱਚ ਪਾਸ ਕੀਤੇ ਗਏ ਮੁੱਦਿਆਂ ਨੂੰ ਲੈ ਕੇ ਉਹਨਾਂ ਨੇ ਤਾਰੀਫ਼ ਕੀਤੀ।

15 ਸਤੰਬਰ ਨੂੰ ਬੰਨ ਲਾਉਣ ਦਾ ਐਲਾਨ: ਹਾਲਾਂਕਿ ਜਦੋਂ ਉਹਨਾਂ ਨੂੰ ਪੁੱਛਿਆ ਗਿਆ ਕਿ ਸਮਾਜ ਸੇਵੀ 15 ਸਤੰਬਰ ਨੂੰ ਬੰਨ ਲਾਉਣ ਜਾ ਰਹੇ ਹਨ ਕਿ ਇਸ ਨਾਲ ਵਿਵਾਦ ਨਹੀਂ ਛੱਡ ਜਾਵੇਗਾ ਇਸ ਸੰਬੰਧੀ ਤੁਸੀਂ ਉਹਨਾਂ ਨਾਲ ਕੋਈ ਰਾਬਤਾ ਕਾਇਮ ਕੀਤਾ ਹੈ ਜਾਂ ਨਹੀਂ ਤਾਂ ਉਹਨਾਂ ਕਿਹਾ ਕਿ ਕਾਨੂੰਨ ਨੂੰ ਹੱਥ ਦੇ ਵਿੱਚ ਨਹੀਂ ਲੈਣਾ ਚਾਹੀਦਾ ਜੋ ਉਹਨਾਂ ਦੀ ਦਿੱਕਤ ਹੈ ਜੋ ਪਰੇਸ਼ਾਨੀ ਹੈ ਉਸ ਦਾ ਮਸਲੇ ਦਾ ਹੱਲ ਕਰਨ ਲਈ ਅਸੀਂ ਵੀ ਯਤਨ ਕਰ ਰਹੇ ਹਨ। ਉਹਨਾਂ ਕਿਹਾ ਜੇਕਰ ਬੰਨ ਲਾਉਣਾ ਹੀ ਹੱਲ ਹੁੰਦਾ ਤਾਂ ਅਸੀਂ ਵੀ ਉਹਨਾਂ ਦੇ ਨਾਲ ਬੰਨ ਲਾਉਣ ਦੇ ਵਿੱਚ ਸ਼ਾਮਿਲ ਹੁੰਦੇ ਪਰ ਬੰਨ ਲਾਉਣ ਨਾਲ ਇਸ ਦਾ ਹੱਲ ਨਹੀਂ ਹੋਵੇਗਾ।