ਪੈਰਿਸ (ਫਰਾਂਸ): ਭਾਰਤ ਦੇ ਸਟਾਰ ਪਹਿਲਵਾਨ ਅਮਨ ਸਹਿਰਾਵਤ ਨੇ ਪੈਰਿਸ ਓਲੰਪਿਕ 2024 ਵਿਚ ਕੁਸ਼ਤੀ ਵਿਚ ਭਾਰਤ ਦੀਆਂ ਤਮਗੇ ਦੀਆਂ ਉਮੀਦਾਂ ਨੂੰ ਫਿਰ ਤੋਂ ਜਗਾਇਆ ਹੈ। ਅਮਨ ਨੇ ਵੀਰਵਾਰ ਨੂੰ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਪੁਰਸ਼ਾਂ ਦੀ ਫ੍ਰੀਸਟਾਈਲ 57 ਕਿਲੋਗ੍ਰਾਮ ਕੁਸ਼ਤੀ ਦੇ ਕੁਆਰਟਰ ਫਾਈਨਲ ਵਿੱਚ ਥਾਂ ਬਣਾਈ। ਉਨ੍ਹਾਂ ਨੇ ਪ੍ਰੀ ਕੁਆਰਟਰ ਵਿੱਚ ਆਪਣੇ ਵਿਰੋਧੀ ਵਲਾਦੀਮੀਰ ਇਗੋਰੋਵ ਖ਼ਿਲਾਫ਼ 10-0 ਨਾਲ ਜਿੱਤ ਦਰਜ ਕੀਤੀ।
ਅਮਨ ਸਹਿਰਾਵਤ ਕੁਆਰਟਰ ਫਾਈਨਲ ਵਿੱਚ ਪਹੁੰਚੇ: 5ਵਾਂ ਦਰਜਾ ਪ੍ਰਾਪਤ ਭਾਰਤੀ ਪਹਿਲਵਾਨ ਅਮਨ ਸਹਿਰਾਵਤ ਨੇ ਪੁਰਸ਼ਾਂ ਦੇ 57 ਕਿਲੋ ਗੇੜ ਦੇ 16 ਦੇ ਮੁਕਾਬਲੇ ਵਿੱਚ ਯੂਰਪੀਅਨ ਚੈਂਪੀਅਨਸ਼ਿਪ ਦੇ ਸੋਨ ਤਗ਼ਮਾ ਜੇਤੂ ਉੱਤਰੀ ਮੈਸੇਡੋਨੀਆ ਦੇ ਵਲਾਦੀਮੀਰ ਇਗੋਰੋਵ ਨੂੰ 10-0 ਨਾਲ ਹਰਾਇਆ।
ਤਕਨੀਕੀ ਉੱਤਮਤਾ ਦੁਆਰਾ ਜਿੱਤਿਆ ਮੁਕਾਬਲਾ: ਅਮਨ ਪੂਰੇ ਮੁਕਾਬਲੇ ਦੌਰਾਨ ਆਪਣੇ ਵਿਰੋਧੀ 'ਤੇ ਭਾਰੂ ਨਜ਼ਰ ਆਇਆ। ਉਨ੍ਹਾਂ ਨੇ ਦੂਜੇ ਪੀਰੀਅਡ ਵਿੱਚ 2 ਮਿੰਟ ਬਾਕੀ ਰਹਿੰਦਿਆਂ ਤਕਨੀਕੀ ਉੱਤਮਤਾ ਦੇ ਆਧਾਰ ’ਤੇ ਆਪਣਾ ਪਹਿਲਾ ਬਾਊਟ ਜਿੱਤ ਕੇ ਕੁਆਰਟਰ ਫਾਈਨਲ ਵਿੱਚ ਥਾਂ ਪੱਕੀ ਕੀਤੀ। ਤੁਹਾਨੂੰ ਦੱਸ ਦਈਏ ਕਿ ਜੇਕਰ ਅਮਨ ਫਾਈਨਲ ਵਿੱਚ ਪਹੁੰਚ ਜਾਂਦੇ ਹਨ ਤਾਂ ਏਗੋਰੋਵ ਰੇਪੇਚੇਜ ਰਾਊਂਡ ਵਿੱਚ ਪਹੁੰਚ ਸਕਦੇ ਹਨ।
ਵਿਸ਼ਵ ਚੈਂਪੀਅਨ ਨਾਲ ਕੁਆਰਟਰ ਫਾਈਨਲ ਮੈਚ: ਏਸ਼ੀਆਈ ਚੈਂਪੀਅਨ ਭਾਰਤ ਦੇ ਅਮਨ ਸਹਿਰਾਵਤ ਆਪਣੇ ਅਗਲੇ ਕੁਆਰਟਰ ਫਾਈਨਲ ਮੁਕਾਬਲੇ ਵਿੱਚ ਅਲਬਾਨੀਆ ਦੇ ਵਿਸ਼ਵ ਚੈਂਪੀਅਨ ਪਹਿਲਵਾਨ ਜ਼ੇਲਿਮਖਾਨ ਅਬਾਕਾਰੋਵ ਨਾਲ ਭਿੜੇਗਾ। ਇਹ ਮੈਚ ਅੱਜ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 3:47 ਵਜੇ ਸ਼ੁਰੂ ਹੋਵੇਗਾ। ਭਾਰਤੀ ਪਹਿਲਵਾਨ ਦੀ ਨਜ਼ਰ ਇਹ ਮੈਚ ਜਿੱਤ ਕੇ ਸੈਮੀਫਾਈਨਲ 'ਚ ਪਹੁੰਚਣ 'ਤੇ ਹੋਵੇਗੀ। ਭਾਰਤ ਨੂੰ ਉਮੀਦ ਹੈ ਕਿ ਅਮਨ ਪੈਰਿਸ ਓਲੰਪਿਕ ਵਿੱਚ ਤਮਗਾ ਜਿੱਤੇਗਾ।
