ਬੈਂਗਲੁਰੂ: ਸ਼ੁੱਕਰਵਾਰ ਨੂੰ ਕੋਲਕਾਤਾ ਬਨਾਮ ਆਰਸੀਬੀ ਵਿਚਾਲੇ 10ਵਾਂ ਮੈਚ ਖੇਡਿਆ ਗਿਆ। ਇਸ ਮੈਚ ਵਿੱਚ ਕੋਲਕਾਤਾ ਨੇ 19 ਗੇਂਦਾਂ ਵਿੱਚ 7 ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ। ਕੋਲਕਾਤਾ ਨੇ ਇਹ ਮੈਚ ਜਿੱਤ ਕੇ ਆਈਪੀਐਲ ਲਈ ਚੰਗੀ ਸ਼ੁਰੂਆਤ ਕੀਤੀ ਹੈ ਅਤੇ ਦੋਵੇਂ ਮੈਚ ਜਿੱਤ ਲਏ ਹਨ। ਕੋਲਕਾਤਾ ਨੇ ਆਪਣੇ ਘਰੇਲੂ ਮੈਦਾਨ 'ਤੇ ਲਗਾਤਾਰ ਛੇਵੀਂ ਵਾਰ ਬੈਂਗਲੁਰੂ ਨੂੰ ਹਰਾਇਆ ਹੈ। ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਬੈਂਗਲੁਰੂ ਨੇ 182 ਦੌੜਾਂ ਬਣਾਈਆਂ, ਜੋ ਕੇਕੇਆਰ ਨੇ 16.5 ਓਵਰਾਂ ਵਿੱਚ 3 ਵਿਕਟਾਂ ਗੁਆ ਕੇ ਹਾਸਲ ਕਰ ਲਈਆਂ।
ਜਾਣੋ ਮੈਚ ਦੀਆਂ ਖਾਸ ਗੱਲਾਂ
ਅਈਅਰ ਆਪਣੀ ਟੀਮ ਨੂੰ ਭੁੱਲ ਗਏ: ਕੋਲਕਾਤਾ ਦੇ ਕਪਤਾਨ ਸ਼੍ਰੇਅਸ ਅਈਅਰ ਨੇ ਟਾਸ ਜਿੱਤਿਆ। ਟਾਸ ਜਿੱਤਣ ਤੋਂ ਬਾਅਦ ਅਈਅਰ ਨੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਪਰ ਅਈਅਰ ਨੂੰ ਟੀਮ ਭੁੱਲ ਗਈ। ਉਸ ਨੂੰ ਇਹ ਨਹੀਂ ਪਤਾ ਸੀ ਕਿ ਕਿਹੜੇ ਖਿਡਾਰੀ ਟੀਮ ਵਿੱਚ ਸ਼ਾਮਲ ਹੋਏ ਹਨ ਅਤੇ ਕਿਸ ਨੂੰ ਬਾਹਰ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਬਾਅਦ ਅਈਅਰ ਨੇ ਕਿਹਾ ਕਿ ਮੈਨੂੰ ਦੋ ਸੂਚੀਆਂ ਦਿੱਤੀਆਂ ਗਈਆਂ ਹਨ, ਮੈਂ ਉਲਝਣ ਵਿਚ ਹਾਂ ਕਿ ਕਿਹੜੀ ਸੂਚੀ ਸਹੀ ਹੈ।
ਵਿਰਾਟ ਕੋਹਲੀ ਦੀ ਪਾਰੀ :ਵਿਰਾਟ ਕੋਹਲੀ ਨੇ ਕੋਲਕਾਤਾ ਖਿਲਾਫ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ 59 ਗੇਂਦਾਂ 'ਤੇ 83 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਇਸ ਆਈਪੀਐਲ ਵਿੱਚ ਕੋਹਲੀ ਦਾ ਇਹ ਲਗਾਤਾਰ ਦੂਜਾ ਅਰਧ ਸੈਂਕੜਾ ਹੈ ਪਰ ਕੋਹਲੀ ਦੀ ਇਹ ਪਾਰੀ ਵਿਅਰਥ ਗਈ ਕਿਉਂਕਿ ਬੈਂਗਲੁਰੂ ਮੈਚ 7 ਵਿਕਟਾਂ ਨਾਲ ਹਾਰ ਗਿਆ। ਕੋਹਲੀ ਨੇ ਆਪਣੀ ਪਾਰੀ ਦੌਰਾਨ 4 ਛੱਕੇ ਅਤੇ 4 ਚੌਕੇ ਲਗਾਏ। ਇਸ ਦੇ ਨਾਲ ਹੀ ਵਿਰਾਟ ਕੋਹਲੀ 181 ਦੌੜਾਂ ਬਣਾ ਕੇ ਆਰੇਂਜ ਕੈਪ ਹੋਲਡਰ ਬਣ ਗਏ ਹਨ।
ਵੈਂਕਟੇਸ਼ ਅਤੇ ਨਾਰਾਇਣ ਦੀ ਜ਼ਬਰਦਸਤ ਬੱਲੇਬਾਜ਼ੀ: ਵੈਂਕਟੇਸ਼ ਅਈਅਰ ਅਤੇ ਸਪਿਨਰ ਸੁਨੀਲ ਨਾਰਾਇਣ ਦੀ ਪਾਰੀ ਨੇ ਬੈਂਗਲੁਰੂ ਦੇ ਜਬਾੜੇ ਤੋਂ ਜਿੱਤ ਖੋਹਣ ਦਾ ਕੰਮ ਕੀਤਾ। ਓਪਨਿੰਗ ਕਰਨ ਆਏ ਸੁਨੀਲ ਨਰਾਇਣ ਨੇ 20 ਗੇਂਦਾਂ 'ਚ 47 ਦੌੜਾਂ ਬਣਾਈਆਂ। ਜਿਸ 'ਚ 5 ਛੱਕੇ ਅਤੇ 2 ਚੌਕੇ ਸ਼ਾਮਲ ਸਨ ਜਦਕਿ ਵੈਂਕਟੇਸ਼ ਨੇ 30 ਗੇਂਦਾਂ ਦੀ ਆਪਣੀ ਪਾਰੀ 'ਚ 4 ਛੱਕੇ ਅਤੇ 3 ਚੌਕੇ ਲਗਾਏ। ਇਸ ਤੋਂ ਇਲਾਵਾ ਸ਼੍ਰੇਅਸ ਅਈਅਰ 24 ਗੇਂਦਾਂ 'ਚ 39 ਦੌੜਾਂ ਬਣਾ ਕੇ ਅਜੇਤੂ ਰਹੇ।
ਕੋਹਲੀ ਅਤੇ ਗੰਭੀਰ ਗਲੇ ਮਿਲੇ: ਇਸ ਮੈਚ ਤੋਂ ਪਹਿਲਾਂ ਗੌਤਮ ਗੰਭੀਰ ਅਤੇ ਵਿਰਾਟ ਕੋਹਲੀ ਸੋਸ਼ਲ ਮੀਡੀਆ 'ਤੇ ਟ੍ਰੈਂਡ ਕਰ ਰਹੇ ਸਨ ਕਿਉਂਕਿ ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਮੈਦਾਨ 'ਤੇ ਦੋਵਾਂ ਖਿਡਾਰੀਆਂ ਵਿਚਾਲੇ ਗਰਮਾ-ਗਰਮੀ ਹੋ ਚੁੱਕੀ ਹੈ ਪਰ ਅੱਜ ਮੈਚ ਤੋਂ ਬਾਅਦ ਗੌਤਮ ਗੰਭੀਰ ਨੇ ਵਿਰਾਟ ਕੋਹਲੀ ਨੂੰ ਉਸ ਦੀ ਪਾਰੀ ਲਈ ਵਧਾਈ ਦਿੱਤੀ ਅਤੇ ਦੋਵੇਂ ਖਿਡਾਰੀਆਂ ਨੇ ਇੱਕ ਦੂਜੇ ਨੂੰ ਜੱਫੀ ਵੀ ਪਾਈ।
