ਨਵੀਂ ਦਿੱਲੀ: IPL 2024 ਦਾ 11ਵਾਂ ਮੈਚ ਪੰਜਾਬ ਕਿੰਗਜ਼ ਅਤੇ ਲਖਨਊ ਸੁਪਰਜਾਇੰਟਸ ਵਿਚਾਲੇ ਖੇਡਿਆ ਗਿਆ। ਇਸ ਮੈਚ ਵਿੱਚ ਲਖਨਊ ਸੁਪਰਜਾਇੰਟਸ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ 21 ਦੌੜਾਂ ਨਾਲ ਜਿੱਤ ਦਰਜ ਕੀਤੀ। ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ ਲਖਨਊ ਨੇ ਕਵਿੰਟਨ ਡੀ ਕਾਕ ਦੇ ਅਰਧ ਸੈਂਕੜੇ ਅਤੇ ਕਰਨਲ ਪੰਡਯਾ ਅਤੇ ਨਿਕੋਲਸ ਪੂਰਨ ਦੀਆਂ ਤੇਜ਼ ਪਾਰੀਆਂ ਦੀ ਬਦੌਲਤ 199 ਦੌੜਾਂ ਬਣਾਈਆਂ। ਜਵਾਬ ਵਿੱਚ ਪੰਜਾਬ ਕਿੰਗਜ਼ ਦੀ ਟੀਮ 178 ਦੌੜਾਂ ਹੀ ਬਣਾ ਸਕੀ ਅਤੇ 21 ਦੌੜਾਂ ਨਾਲ ਮੈਚ ਹਾਰ ਗਈ।
ਲਖਨਊ ਲਈ ਇੱਕ ਵਾਰ ਫਿਰ ਕੇਐਲ ਰਾਹੁਲ ਦਾ ਬੱਲਾ ਕੰਮ ਨਹੀਂ ਕਰ ਸਕਿਆ। ਕਵਿੰਟਨ ਡੀ ਕਾਕ ਨੇ 38 ਗੇਂਦਾਂ 'ਚ 2 ਛੱਕਿਆਂ ਅਤੇ 5 ਚੌਕਿਆਂ ਦੀ ਮਦਦ ਨਾਲ 54 ਦੌੜਾਂ ਬਣਾਈਆਂ। ਦੇਵਦੱਤ ਪੈਡਿਕਲ ਇਕ ਵਾਰ ਫਿਰ ਲਗਾਤਾਰ ਫਲਾਪ ਰਹੇ, ਉਹ 6 ਦੌੜਾਂ ਬਣਾ ਕੇ ਆਊਟ ਹੋ ਗਏ।ਮਾਰਕਸ ਸਟੋਇਨਿਸ ਇਕ ਵਾਰ ਫਿਰ ਜਲਦੀ ਆਊਟ ਹੋ ਗਏ, ਹਾਲਾਂਕਿ ਉਨ੍ਹਾਂ ਨੇ 2 ਛੱਕੇ ਜ਼ਰੂਰ ਲਗਾਏ। ਨਿਕੋਲਸ ਪੂਰਨ ਨੇ ਕਪਤਾਨੀ ਪਾਰੀ ਖੇਡਦੇ ਹੋਏ 21 ਗੇਂਦਾਂ ਵਿੱਚ 42 ਦੌੜਾਂ ਬਣਾਈਆਂ ਜਿਸ ਵਿੱਚ 3 ਛੱਕੇ ਅਤੇ 3 ਚੌਕੇ ਸ਼ਾਮਲ ਸਨ। ਕਰਨਲ ਪੰਡਯਾ ਨੇ 2 ਛੱਕਿਆਂ ਅਤੇ 4 ਚੌਕਿਆਂ ਦੀ ਮਦਦ ਨਾਲ 43 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ।