ਕੋਹਲੀ-ਗੰਭੀਰ ਨੇ ਗਲੇ ਮਿਲ ਕੇ ਮਿਟਾਈਆਂ ਦੂਰੀਆਂ, ਫੋਟੋ ਹੋਈ ਵਾਇਰਲ, ਪ੍ਰਸ਼ੰਸਕਾਂ ਨੇ ਮਨਾਈ ਖੁਸ਼ੀ - Virat Kohli Gautam Gambhir

IPL 2024: ਗੌਤਮ ਗੰਭੀਰ ਅਤੇ ਕੋਹਲੀ ਦੀ ਲੜਾਈ ਕਿਸੇ ਤੋਂ ਲੁਕੀ ਨਹੀਂ ਹੈ। ਪਿਛਲੇ ਸਾਲ ਨਵੀਨ ਉਲ ਹੱਕ ਦੇ ਮਾਮਲੇ 'ਚ ਇਹ ਵੱਡਾ ਮੁੱਦਾ ਬਣ ਗਿਆ ਸੀ। ਪਰ ਸ਼ੁੱਕਰਵਾਰ ਨੂੰ ਇਨ੍ਹਾਂ ਦੋਵਾਂ ਖਿਡਾਰੀਆਂ ਨੇ ਆਪਸ ਚ ਗਲੇ ਮਿਲ ਕੇ ਦੂਰੀਆਂ ਖਤਮ ਕਰ ਦਿੱਤੀਆਂ ਹਨ।

ਬੈਂਗਲੁਰੂ:ਕੋਲਕਾਤਾ ਬਨਾਮ ਆਰਸੀਬੀ ਵਿਚਾਲੇ ਮੈਚ ਖੇਡਿਆ ਗਿਆ। ਇਸ ਮੈਚ 'ਚ ਕੋਲਕਾਤਾ ਨੇ 7 ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ। ਇਸ ਜਿੱਤ ਨਾਲ ਕੋਲਕਾਤਾ ਅੰਕ ਸੂਚੀ 'ਚ ਦੂਜੇ ਸਥਾਨ 'ਤੇ ਪਹੁੰਚ ਗਿਆ ਹੈ। ਇਸ ਸੈਸ਼ਨ 'ਚ ਕੋਲਕਾਤਾ ਦੀ ਇਹ ਲਗਾਤਾਰ ਦੂਜੀ ਜਿੱਤ ਹੈ। ਕੋਲਕਾਤਾ ਦੀ ਇਸ ਜਿੱਤ ਨੇ ਘਰੇਲੂ ਮੈਦਾਨ 'ਤੇ ਜਾਰੀ ਜਿੱਤ ਦੇ ਸਿਲਸਿਲੇ ਨੂੰ ਵੀ ਰੋਕ ਦਿੱਤਾ ਹੈ। ਇਸ ਤੋਂ ਪਹਿਲਾਂ ਘਰੇਲੂ ਮੈਦਾਨ 'ਤੇ ਖੇਡਣ ਵਾਲੀ ਟੀਮ 9 ਮੈਚ ਜਿੱਤ ਚੁੱਕੀ ਹੈ।

ਇਸ ਮੈਚ ਦੀ ਸਭ ਤੋਂ ਖਾਸ ਗੱਲ ਵਿਰਾਟ ਕੋਹਲੀ ਅਤੇ ਗੌਤਮ ਗੰਭੀਰ ਦੀ ਮੁਲਾਕਾਤ ਸੀ। ਵਿਰਾਟ ਕੋਹਲੀ ਦੀ ਇਸ ਸ਼ਾਨਦਾਰ ਪਾਰੀ ਤੋਂ ਬਾਅਦ ਗੌਤਮ ਗੰਭੀਰ ਉਨ੍ਹਾਂ ਕੋਲ ਆਏ ਅਤੇ ਉਨ੍ਹਾਂ ਨਾਲ ਹੱਥ ਮਿਲਾਇਆ ਅਤੇ ਉਨ੍ਹਾਂ ਦੀ ਪਾਰੀ ਲਈ ਵਧਾਈ ਦਿੱਤੀ। ਇੰਨਾ ਹੀ ਨਹੀਂ ਦੋਵਾਂ ਖਿਡਾਰੀਆਂ ਨੇ ਗਲੇ ਮਿਲ ਕੇ ਕੁਝ ਗੱਲਾਂ ਵੀ ਕੀਤੀਆਂ। ਉਨ੍ਹਾਂ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਿਆ ਹੈ। ਦੋਵਾਂ ਖਿਡਾਰੀਆਂ ਨੂੰ ਹੱਥ ਮਿਲਾਉਂਦੇ ਦੇਖ ਪ੍ਰਸ਼ੰਸਕ ਖੁਸ਼ੀ ਨਾਲ ਉਛਲ ਪਏ।

ਦੋਵਾਂ ਖਿਡਾਰੀਆਂ ਵਿਚਾਲੇ ਦੂਰੀ ਖਤਮ ਹੋਣ ਤੋਂ ਬਾਅਦ ਦਿੱਲੀ ਪੁਲਿਸ ਦਾ ਟਵੀਟ ਵਾਇਰਲ ਹੋ ਗਿਆ। ਕੋਹਲੀ ਅਤੇ ਗੰਭੀਰ ਦੀ ਮੁਲਾਕਾਤ ਦੀ ਫੋਟੋ ਸ਼ੇਅਰ ਕਰਦੇ ਹੋਏ ਦਿੱਲੀ ਪੁਲਿਸ ਨੇ ਲਿਖਿਆ ਕਿ ਲੜਾਈ ਹੋਈ? 112 ਡਾਇਲ ਕਰੋ ਅਤੇ ਲੜਾਈ ਦਾ ਨਿਪਟਾਰਾ ਕਰੋ, ਕੋਈ ਵੀ ਲੜਾਈ 'ਵੱਡੀ' ਜਾਂ 'ਗੰਭੀਰ' ਨਹੀਂ ਹੈ। ਨਾਲ ਹੀ ਦਿੱਲੀ ਪੁਲਿਸ ਨੇ ਕੈਪਸ਼ਨ ਦਿੱਤਾ ਕਿ 112 ਕਿਸੇ ਦੀ ਵੀ ਮਦਦ ਕਰਨ ਲਈ ਤਿਆਰ ਹੈ।

ਵਿਰਾਟ ਕੋਹਲੀ ਅਤੇ ਗੌਤਮ ਗੰਭੀਰ ਦੇ ਇਨ੍ਹਾਂ ਪਲਾਂ ਦੀ ਸੋਸ਼ਲ ਮੀਡੀਆ 'ਤੇ ਕਾਫੀ ਤਾਰੀਫ ਹੋ ਰਹੀ ਹੈ। ਇਕ ਯੂਜ਼ਰ ਨੇ ਲਿਖਿਆ ਕਿ 'ਵੱਡੀ ਦੁਸ਼ਮਣੀ ਦਾ ਅੰਤ' ਹਾਲਾਂਕਿ ਕੁਝ ਪ੍ਰਸ਼ੰਸਕ ਇਸ ਗੱਲ ਦਾ ਵੀ ਆਨੰਦ ਲੈ ਰਹੇ ਹਨ ਕਿ ਉਨ੍ਹਾਂ ਨੂੰ ਹੁਣ ਮੈਦਾਨ 'ਚ ਹਾਈ ਵੋਲਟੇਜ ਡਰਾਮਾ ਦੇਖਣ ਨੂੰ ਨਹੀਂ ਮਿਲੇਗਾ।