ਹੈਦਰਾਬਾਦ:ਪ੍ਰਭਾਸ ਸਟਾਰਰ ਮਿਥਿਹਾਸ ਅਤੇ ਸਾਇੰਸ ਫਿਕਸ਼ਨ ਫਿਲਮ 'ਕਲਕੀ 2898 AD' ਬਾਕਸ ਆਫਿਸ 'ਤੇ ਧੂੰਮਾਂ ਪਾ ਰਹੀ ਹੈ। ਪ੍ਰਭਾਸ, ਅਮਿਤਾਭ ਬੱਚਨ, ਦੀਪਿਕਾ ਪਾਦੂਕੋਣ ਅਤੇ ਕਮਲ ਹਾਸਨ ਸਟਾਰਰ ਫਿਲਮ 'ਕਲਕੀ 2898 AD' ਪ੍ਰਸ਼ੰਸਕਾਂ ਨੂੰ ਕਾਫੀ ਪਸੰਦ ਆ ਰਹੀ ਹੈ। 'ਕਲਕੀ 2898 AD' 27 ਜੂਨ ਨੂੰ ਰਿਲੀਜ਼ ਹੋਈ ਸੀ ਅਤੇ 'ਕਲਕੀ 2898 AD' ਨੇ 30 ਜੂਨ ਨੂੰ ਆਪਣਾ ਪਹਿਲਾਂ ਵੀਕੈਂਡ ਪੂਰਾ ਕਰ ਲਿਆ ਹੈ।
'ਕਲਕੀ 2898 AD' ਦੀ ਚੌਥੇ ਦਿਨ ਦੀ ਕਮਾਈ: ਪ੍ਰਭਾਸ ਦੀ ਫਿਲਮ 'ਕਲਕੀ 2898 AD' ਨੇ ਚੌਥੇ ਦਿਨ ਦੁਨੀਆ ਭਰ ਦੇ ਬਾਕਸ ਆਫਿਸ 'ਤੇ 140 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਐਤਵਾਰ ਨੂੰ 'ਕਲਕੀ 2898 AD' ਦਾ ਕਲੈਕਸ਼ਨ ਜ਼ਬਰਦਸਤ ਰਿਹਾ। ਇਸ ਦੇ ਨਾਲ ਫਿਲਮ ਨੇ ਆਪਣੇ ਚਾਰ ਦਿਨਾਂ ਦੇ ਓਪਨਿੰਗ ਵੀਕੈਂਡ 'ਚ 555 ਕਰੋੜ ਰੁਪਏ ਕਮਾ ਲਏ ਹਨ। ਤਿੰਨ ਦਿਨਾਂ 'ਚ ਫਿਲਮ ਦੀ ਕਮਾਈ ਦੀ ਗੱਲ ਕਰੀਏ ਤਾਂ ਇਸ ਨੇ ਦੁਨੀਆ ਭਰ 'ਚ 415 ਕਰੋੜ ਰੁਪਏ ਕਮਾ ਲਏ ਸਨ।