By ETV Bharat Entertainment Team
Published : Jul 4, 2024, 1:05 PM IST
ਮੁੰਬਈ:ਅਨੰਤ ਅੰਬਾਨੀ-ਰਾਧਿਕਾ ਮਰਚੈਂਟ ਦਾ ਵਿਆਹ ਇਨ੍ਹੀਂ ਦਿਨੀਂ ਸੁਰਖੀਆਂ ਵਿੱਚ ਹੈ। ਅੰਤਰਰਾਸ਼ਟਰੀ ਪੌਪ ਆਈਕਨ ਜਸਟਿਨ ਬੀਬਰ ਜੋੜੇ ਦੇ ਵਿਆਹ ਸਮਾਰੋਹ ਦੀ ਸ਼ਾਮ ਨੂੰ ਸ਼ਾਨਦਾਰ ਬਣਾਉਣ ਲਈ ਮੁੰਬਈ ਆਏ ਹਨ। ਅੱਜ (4 ਜੁਲਾਈ) ਇਸ ਗਾਇਕ ਨੂੰ ਮਹਾਂਨਗਰੀ ਵਿੱਚ ਦੇਖਿਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਜਸਟਿਨ ਬੀਬਰ ਅਨੰਤ ਅੰਬਾਨੀ-ਰਾਧਿਕਾ ਮਰਚੈਂਟ ਦੇ ਸੰਗੀਤ ਸਮਾਰੋਹ 'ਚ ਪਰਫਾਰਮ ਕਰਨਗੇ।
ਪਾਪਰਾਜ਼ੀ ਨੇ ਜਸਟਿਨ ਬੀਬਰ ਦੀ ਤਾਜ਼ਾ ਵੀਡੀਓ ਆਪਣੇ ਇੰਸਟਾਗ੍ਰਾਮ 'ਤੇ ਅਪਲੋਡ ਕੀਤੀ ਹੈ। ਵੀਡੀਓ 'ਚ ਜਸਟਿਨ ਬੀਬਰ ਦੀ ਕਾਰ ਅੰਬਾਨੀ ਦੀ ਰਿਹਾਇਸ਼ ਵੱਲ ਜਾਂਦੀ ਦਿਖਾਈ ਦੇ ਰਹੀ ਹੈ। ਉਸਦੀ ਕਾਰ ਦੇ ਅੱਗੇ ਅਤੇ ਪਿੱਛੇ ਪੁਲਿਸ ਦੀਆਂ ਗੱਡੀਆਂ ਹਨ।
ਉਲੇਖਯੋਗ ਹੈ ਕਿ ਪਿਛਲੇ ਕੁਝ ਦਿਨਾਂ ਤੋਂ ਖਬਰਾਂ ਆ ਰਹੀਆਂ ਸਨ ਕਿ ਜਸਟਿਨ ਬੀਬਰ ਨੇ ਸਿਹਤ ਸੰਬੰਧੀ ਸਮੱਸਿਆਵਾਂ ਕਾਰਨ ਆਪਣਾ ਕੰਸਰਟ ਰੱਦ ਕਰ ਦਿੱਤਾ ਹੈ। ਹਾਲਾਂਕਿ, ਤਾਜ਼ਾ ਮੀਡੀਆ ਰਿਪੋਰਟਾਂ ਹਨ ਕਿ 'ਬੇਬੀ' ਹਿੱਟਮੇਕਰ ਮੁੰਬਈ ਵਿੱਚ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੇ ਸੰਗੀਤ ਸਮਾਰੋਹ ਵਿੱਚ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਹਲਚਲ ਪੈਦਾ ਕਰਨ ਜਾ ਰਿਹਾ ਹੈ।
- ਕੀਮੋਥੈਰੇਪੀ ਤੋਂ ਬਾਅਦ ਹਿਨਾ ਖਾਨ ਨੇ ਕੱਟਵਾਏ ਆਪਣੇ ਵਾਲ਼, ਧੀ ਨੂੰ ਗਲੇ ਲਗਾ ਕੇ ਰੋ ਪਈ ਮਾਂ - Hina Khan
- ਸਿਧਾਰਥ ਮਲਹੋਤਰਾ ਦੀ ਜਾਨ ਨੂੰ ਖਤਰਾ ਬੋਲੇ ਕੇ ਪ੍ਰਸ਼ੰਸਕ ਤੋਂ ਠੱਗੇ 50 ਲੱਖ, ਹੁਣ 'ਸ਼ੇਰਸ਼ਾਹ' ਅਦਾਕਾਰ ਨੇ ਦਿੱਤੀ ਪ੍ਰਤੀਕਿਰਿਆ - Sidharth Malhotra
- ਕਰਨ ਔਜਲਾ ਅਤੇ ਵਿੱਕੀ ਕੌਸ਼ਲ ਦੀ ਜੋੜੀ ਨੇ ਮਚਾਈ ਤਬਾਹੀ, ਯੂਟਿਊਬ ਉਤੇ ਟ੍ਰੈਂਡ ਕਰ ਰਿਹਾ ਗੀਤ 'ਤੌਬਾ ਤੌਬਾ' - Tauba Tauba Trending On YouTube
ਜਸਟਿਨ ਬੀਬਰ ਤੋਂ ਇਲਾਵਾ ਇਹ ਗਾਇਕ ਵੀ ਕਰਨਗੇ ਪਰਫਾਰਮ: ਮੀਡੀਆ ਰਿਪੋਰਟਾਂ ਮੁਤਾਬਕ ਜਸਟਿਨ ਬੀਬਰ ਤੋਂ ਇਲਾਵਾ ਰੈਪਰ ਬਾਦਸ਼ਾਹ ਅਤੇ ਪੰਜਾਬੀ ਗਾਇਕ ਕਰਨ ਔਜਲਾ ਵੀ ਸੰਗੀਤ ਸਮਾਰੋਹ 'ਚ ਪਰਫਾਰਮ ਕਰਨਗੇ।
12 ਜੁਲਾਈ ਨੂੰ ਲੈਣਗੇ ਸੱਤ ਫੇਰੇ ਅਨੰਤ-ਰਾਧਿਕਾ: ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦਾ ਵਿਆਹ 12 ਜੁਲਾਈ ਨੂੰ ਬਾਂਦਰਾ ਕੁਰਲਾ ਕੰਪਲੈਕਸ (ਬੀਕੇਸੀ) ਮੁੰਬਈ ਦੇ ਜੀਓ ਵਰਲਡ ਕਨਵੈਨਸ਼ਨ ਸੈਂਟਰ ਵਿੱਚ ਹੋਣ ਜਾ ਰਿਹਾ ਹੈ। ਵਿਆਹ ਦੀ ਰਸਮ ਰਿਵਾਇਤੀ ਹਿੰਦੂ ਵੈਦਿਕ ਰੀਤੀ ਰਿਵਾਜਾਂ ਅਨੁਸਾਰ ਹੋਵੇਗੀ। ਇਸ ਜੋੜੇ ਦੇ ਵਿਆਹ ਦੀ ਰਿਸੈਪਸ਼ਨ 14 ਜੁਲਾਈ ਨੂੰ ਹੋਵੇਗੀ।
