ਫਰੀਦਕੋਟ:ਪੰਜਾਬੀ ਗਾਇਕੀ ਦੇ ਖੇਤਰ ਵਿੱਚ ਮਜ਼ਬੂਤ ਪੈੜਾ ਸਿਰਜਣ 'ਚ ਸਫ਼ਲ ਰਹੀ ਗਾਇਕਾ ਗੁਰਲੇਜ਼ ਅਖ਼ਤਰ ਵੱਲੋਂ ਲਗਾਤਾਰ ਦਰਸ਼ਕਾਂ ਸਨਮੁੱਖ ਕੀਤੇ ਜਾ ਰਹੇ ਸਫ਼ਲ ਗੀਤਾਂ ਵਿੱਚੋ ਹੀ ਇੱਕ ਹੋਰ ਉਨ੍ਹਾਂ ਦਾ ਨਵਾ ਗੀਤ 'ਹਟ ਪਿੱਛੇ' ਜਲਦ ਹੀ ਵੱਖ-ਵੱਖ ਸੰਗ਼ੀਤਕ ਪਲੇਟਫ਼ਾਰਮ 'ਤੇ ਰਿਲੀਜ਼ ਕੀਤਾ ਜਾਵੇਗਾ। 'ਜੀ ਲਕ ਮਿਊਜ਼ਿਕ ਅਤੇ ਪ੍ਰੀਤ ਸੰਘਰੇੜੀ' ਵੱਲੋ ਪ੍ਰਸਤੁਤ ਕੀਤੇ ਜਾ ਰਹੇ ਇਸ ਗੀਤ ਨੂੰ ਅਵਾਜ਼ਾਂ ਗੁਰਲੇਜ਼ ਅਖ਼ਤਰ ਅਤੇ ਦੀਪ ਸੈਫੀਪੁਰੀਆ ਵੱਲੋ ਦਿੱਤੀਆ ਗਈਆ ਹਨ ਜਦਕਿ ਇਸ ਦਾ ਸੰਗ਼ੀਤ ਡੀ.ਜੇ ਡਸਟਰ ਦੁਆਰਾ ਸੰਗ਼ੀਤਬਧ ਕੀਤਾ ਗਿਆ ਹੈ।
ਗੁਰਲੇਜ਼ ਅਖ਼ਤਰ ਫੀਚਰਿੰਗ ਕਰਦੀ ਵੀ ਆਵੇਗੀ ਨਜ਼ਰ
ਸੰਗ਼ੀਤ ਨਿਰਮਾਤਾ ਹੈਪੀ ਪੰਨਾਵਾਲੀਆਂ ਵੱਲੋ ਸੰਗ਼ੀਤਕ ਮਾਰਕੀਟ ਵਿੱਚ ਜਾਰੀ ਕੀਤੇ ਜਾ ਰਹੇ ਇਸ ਟ੍ਰੈਕ ਦੇ ਬੋਲਾਂ ਅਤੇ ਕੰਪੋਜੀਸ਼ਨ ਦੀ ਸਿਰਜਣਾ ਗੀਤਕਾਰ ਪ੍ਰੀਤ ਸੰਘਰੇੜੀ ਦੁਆਰਾ ਕੀਤੀ ਗਈ ਹੈ, ਜੋ ਗੀਤਕਾਰੀ ਦੇ ਨਾਲ-ਨਾਲ ਲੇਖ਼ਕ ਦੇ ਤੌਰ 'ਤੇ ਵੀ ਪਾਲੀਵੁੱਡ ਗਲਿਆਰਿਆ ਵਿੱਚ ਖਾਸੀ ਚਰਚਾ ਹਾਸਿਲ ਕਰ ਰਹੇ ਹਨ। ਨੌਕ-ਝੋਕ ਭਰੇ ਸੰਗ਼ੀਤਕ ਤਾਣੇ-ਬਾਣੇ ਅਧੀਨ ਬੁਣੇ ਗਏ ਇਸ ਗੀਤ ਦਾ ਸੰਗ਼ੀਤਕ ਵੀਡੀਓ ਵੀ ਬੇਹੱਦ ਖੂਬਸੂਰਤ ਬਣਾਇਆ ਗਿਆ ਹੈ, ਜਿਸ ਨੂੰ ਚਾਰ ਚੰਨ੍ਹ ਲਾਉਣ ਵਿੱਚ ਗੁਰਲੇਜ਼ ਅਖ਼ਤਰ ਦੁਆਰਾ ਕੀਤੀ ਫੀਚਰਿੰਗ ਨੇ ਅਹਿਮ ਭੂਮਿਕਾ ਨਿਭਾਈ ਹੈ।
ਗੀਤ 'ਹਟ ਪਿੱਛੇ' ਦਾ ਨਿਰਦੇਸ਼ਨ