ਪੰਜਾਬ

punjab

ETV Bharat / entertainment

'ਗੈਂਗਸ ਆਫ਼ ਵਾਸੇਪੁਰ' ਦੀ ਸ਼ੂਟਿੰਗ ਦੌਰਾਨ ਵਿੱਕੀ ਕੌਸ਼ਲ ਨੂੰ ਹੋਈ ਸੀ ਜੇਲ੍ਹ, ਅਨੁਰਾਗ ਕਸ਼ਯਪ ਨੇ ਕੀਤਾ ਖੁਲਾਸਾ - Vicky Kaushal - VICKY KAUSHAL

Vicky Kaushal: 'ਗੈਂਗਸ ਆਫ਼ ਵਾਸੇਪੁਰ' ਦੀ ਸ਼ੂਟਿੰਗ ਦੌਰਾਨ ਵਿੱਕੀ ਕੌਸ਼ਲ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ। ਇਸ ਗੱਲ ਦਾ ਖੁਲਾਸਾ ਨਿਰਦੇਸ਼ਕ ਅਨੁਰਾਗ ਕਸ਼ਯਪ ਨੇ ਕਪਿਲ ਸ਼ਰਮਾ ਦੇ ਸ਼ੋਅ 'ਤੇ ਕੀਤਾ।

Vicky Kaushal
Vicky Kaushal (instagram)

By ETV Bharat Entertainment Team

Published : May 16, 2024, 4:54 PM IST

ਮੁੰਬਈ: ਬਾਲੀਵੁੱਡ ਅਦਾਕਾਰ ਵਿੱਕੀ ਕੌਸ਼ਲ ਅੱਜ 16 ਮਈ ਨੂੰ ਆਪਣਾ ਜਨਮਦਿਨ ਸੈਲੀਬ੍ਰੇਟ ਕਰ ਰਹੇ ਹਨ। ਵਿੱਕੀ ਨੇ ਆਪਣੇ ਕਰੀਅਰ ਵਿੱਚ ਵੱਖ-ਵੱਖ ਤਰ੍ਹਾਂ ਦੇ ਕਿਰਦਾਰ ਨਿਭਾਏ ਹਨ। ਇੱਕ ਸਮਾਂ ਸੀ ਜਦੋਂ ਉਹ ਅਨੁਰਾਗ ਕਸ਼ਯਪ ਦੁਆਰਾ ਨਿਰਦੇਸ਼ਿਤ 'ਗੈਂਗਸ ਆਫ਼ ਵਾਸੇਪੁਰ' ਵਿੱਚ ਸਹਾਇਕ ਨਿਰਦੇਸ਼ਕ ਸਨ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ ਫਿਲਮ ਦੀ ਸ਼ੂਟਿੰਗ ਦੌਰਾਨ ਵਿੱਕੀ ਕੌਸ਼ਲ ਨੂੰ ਜੇਲ੍ਹ ਜਾਣਾ ਪਿਆ ਸੀ। ਆਓ ਜਾਣਦੇ ਹਾਂ ਕੀ ਸੀ ਪੂਰਾ ਮਾਮਲਾ?

ਅਨੁਰਾਗ ਕਸ਼ਯਪ ਨੇ ਕੀਤਾ ਖੁਲਾਸਾ:ਫਿਲਮ ਗੈਂਗਸ ਆਫ ਵਾਸੇਪੁਰ ਦੀ ਸ਼ੂਟਿੰਗ ਦੌਰਾਨ ਵਿੱਕੀ ਕੌਸ਼ਲ ਨੂੰ ਜੇਲ੍ਹ ਜਾਣਾ ਪਿਆ ਸੀ। ਇਸ ਗੱਲ ਦਾ ਖੁਲਾਸਾ ਨਿਰਦੇਸ਼ਕ ਅਨੁਰਾਗ ਕਸ਼ਯਪ ਨੇ ਫਿਲਮ ਦੀ ਦਸਵੀਂ ਵਰ੍ਹੇਗੰਢ 'ਤੇ ਕਪਿਲ ਸ਼ਰਮਾ ਦੇ ਸ਼ੋਅ 'ਚ ਕੀਤਾ।

ਫਿਲਮ 'ਚ ਖਾਸ ਭੂਮਿਕਾ ਨਿਭਾਉਣ ਵਾਲੇ ਅਦਾਕਾਰ ਪੀਯੂਸ਼ ਮਿਸ਼ਰਾ ਨੇ ਮਜ਼ਾਕੀਆ ਅੰਦਾਜ਼ 'ਚ ਕਿਹਾ ਕਿ ਉਹ ਉਦੋਂ ਹੈਰਾਨ ਰਹਿ ਗਏ ਜਦੋਂ ਕਸ਼ਯਪ ਦੇ ਕਰੂ ਮੈਂਬਰ 'ਚੋਂ ਇੱਕ ਗ੍ਰਿਫਤਾਰੀ ਤੋਂ ਬਚਣ 'ਚ ਕਾਮਯਾਬ ਹੋ ਗਿਆ। ਫਿਰ ਅਨੁਰਾਗ ਕਸ਼ਯਪ ਨੇ ਖੁਲਾਸਾ ਕੀਤਾ ਕਿ ਅਦਾਕਾਰ ਵਿੱਕੀ ਕੌਸ਼ਲ ਨੂੰ ਅਸਲ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ ਜਦੋਂ ਉਹ 'ਗੈਂਗਸ ਆਫ਼ ਵਾਸੇਪੁਰ' ਦੀ ਸ਼ੂਟਿੰਗ ਕਰ ਰਿਹਾ ਸੀ। ਅਨੁਰਾਗ ਨੇ ਦੱਸਿਆ, 'ਵਿੱਕੀ ਕੌਸ਼ਲ ਵਾਸੇਪੁਰ ਦੌਰਾਨ ਇੱਕ ਵਾਰ ਜੇਲ੍ਹ ਵੀ ਗਿਆ ਸੀ। ਦਰਅਸਲ ਅਸੀਂ ਬਿਨ੍ਹਾਂ ਮਨਜ਼ੂਰੀ ਦੇ ਸ਼ੂਟਿੰਗ ਕਰ ਰਹੇ ਸੀ ਅਤੇ ਉਹ ਵੀ ਰੇਤ ਦੀ ਨਾਜਾਇਜ਼ ਮਾਈਨਿੰਗ ਦੀ...ਵਿੱਕੀ ਉਥੇ ਹੀ ਫੜਿਆ ਗਿਆ।'

ਵਿੱਕੀ ਅਤੇ ਅਨੁਰਾਗ ਨੇ ਤਿੰਨ ਵਾਰ ਕੀਤਾ ਸਹਿਯੋਗ: ਰਾਸ਼ਟਰੀ ਪੁਰਸਕਾਰ ਵਿਜੇਤਾ ਵਿੱਕੀ ਕੌਸ਼ਲ ਨੇ ਨੀਰਜ ਘੇਵਾਨ ਦੁਆਰਾ ਨਿਰਦੇਸ਼ਿਤ ਫਿਲਮ 'ਮਸਾਨ' ਨਾਲ ਆਪਣੇ ਅਭਿਨੈ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਗੈਂਗਸ ਆਫ ਵਾਸੇਪੁਰ ਤੋਂ ਬਾਅਦ ਵਿੱਕੀ ਅਤੇ ਅਨੁਰਾਗ ਕਸ਼ਯਪ ਤਿੰਨ ਵਾਰ ਇਕੱਠੇ ਕੰਮ ਕਰ ਚੁੱਕੇ ਹਨ। ਉਹ 'ਰਮਨ ਰਾਘਵ 2.0' ਅਤੇ ਰੁਮਾਂਟਿਕ ਡਰਾਮਾ 'ਮਨਮਰਜ਼ੀਆਂ' ਵਿੱਚ ਪ੍ਰਦਰਸ਼ਿਤ ਕਲਾਕਾਰਾਂ ਵਿੱਚੋਂ ਇੱਕ ਸੀ, ਜਿਸ ਵਿੱਚ ਅਭਿਸ਼ੇਕ ਬੱਚਨ ਅਤੇ ਤਾਪਸੀ ਪੰਨੂ ਵੀ ਮੌਜੂਦ ਸਨ। ਵਿੱਕੀ ਨੇ ਕਸ਼ਯਪ ਦੀ 'ਅਲਮਾਸਟ ਪਿਆਰ ਵਿਦ ਡੀਜੇ ਮੁਹੱਬਤ' ਵਿੱਚ ਕੈਮਿਓ ਵੀ ਕੀਤਾ ਸੀ। ਇਸ ਸਮੇਂ ਵਿੱਕੀ ਕੌਸ਼ਲ ਕੋਲ 'ਬੈਡ ਨਿਊਜ਼' ਅਤੇ 'ਛਾਵ' ਪਾਈਪਲਾਈਨ ਵਿੱਚ ਹੈ।

ABOUT THE AUTHOR

...view details