ਕਰਾਚੀ: ਪਾਕਿਸਤਾਨ ਅਤੇ ਨਿਊਜ਼ੀਲੈਂਡ ਵਿਚਾਲੇ ਚੈਂਪੀਅਨਜ਼ ਟਰਾਫੀ 2025 ਦਾ ਪਹਿਲਾ ਮੈਚ 19 ਫਰਵਰੀ ਬੁੱਧਵਾਰ ਨੂੰ ਖੇਡਿਆ ਜਾ ਰਿਹਾ ਹੈ। ਇਹ ਮੈਚ ਨੈਸ਼ਨਲ ਬੈਂਕ ਸਟੇਡੀਅਮ, ਕਰਾਚੀ ਵਿੱਚ ਖੇਡਿਆ ਜਾਵੇਗਾ। ਮੈਚ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 2:30 ਵਜੇ ਸ਼ੁਰੂ ਹੋਵੇਗਾ, ਜਦਕਿ ਟਾੱਸ ਦੁਪਹਿਰ 2 ਵਜੇ ਹੋਵੇਗਾ। ਨਿਊਜ਼ੀਲੈਂਡ ਦੀ ਕਪਤਾਨੀ ਮਿਸ਼ੇਲ ਸੈਂਟਨਰ ਅਤੇ ਪਾਕਿਸਤਾਨ ਦੀ ਕਪਤਾਨੀ ਮੁਹੰਮਦ ਰਿਜ਼ਵਾਨ ਕਰਨਗੇ।
ਪਾਕਿਸਤਾਨ ਅਤੇ ਨਿਊਜ਼ੀਲੈਂਡ ਵਿਚਾਲੇ ਚੈਂਪੀਅਨਜ਼ ਟਰਾਫੀ ਦਾ ਪਹਿਲਾ ਮੈਚ
ਪਾਕਿਸਤਾਨ ਨੇ ਸਾਲ 2017 'ਚ ਚੈਂਪੀਅਨਜ਼ ਟਰਾਫੀ ਆਪਣੇ ਨਾਂ ਕੀਤੀ ਸੀ, ਜਦੋਂ ਪਾਕਿਸਤਾਨ ਦੇ ਕਪਤਾਨ ਸਰਫਰਾਜ਼ ਖਾਨ ਸਨ। ਹੁਣ ਰਿਜ਼ਵਾਨ ਦੀ ਟੀਮ ਨੂੰ 2025 ਵਿੱਚ ਆਪਣੇ ਖਿਤਾਬ ਦਾ ਬਚਾਅ ਕਰਨਾ ਹੋਵੇਗਾ। ਪਾਕਿਸਤਾਨ ਨੂੰ ਬੱਲੇਬਾਜ਼ੀ 'ਚ ਬਾਬਰ ਆਜ਼ਮ ਅਤੇ ਮੁਹੰਮਦ ਰਿਜ਼ਵਾਨ ਅਤੇ ਗੇਂਦਬਾਜ਼ੀ 'ਚ ਸ਼ਾਹੀਨ ਅਫਰੀਦੀ, ਨਸੀਮ ਸ਼ਾਹ ਅਤੇ ਹਰਿਸ ਰਾਊਫ ਤੋਂ ਚੰਗੇ ਪ੍ਰਦਰਸ਼ਨ ਦੀ ਉਮੀਦ ਹੈ।
A rich ensemble of up-and-coming stars to keep an eye on at #ChampionsTrophy 2025 🙌https://t.co/9nRE75gA8V
— ICC (@ICC) February 17, 2025
ਨਿਊਜ਼ੀਲੈਂਡ ਨੂੰ ਗੇਂਦਬਾਜ਼ੀ ਵਿਭਾਗ 'ਚ ਸੱਟ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਟੀਮ ਨੇ ਸੱਟ ਕਾਰਨ ਲਾਕੀ ਫਰਗੂਸਨ ਅਤੇ ਬੇਨ ਸੀਅਰਸ ਨੂੰ ਗੁਆ ਦਿੱਤਾ ਹੈ। ਤਜ਼ਰਬੇਕਾਰ ਮੈਟ ਹੈਨਰੀ ਹੁਣ ਤੇਜ਼ ਗੇਂਦਬਾਜ਼ੀ ਦੀ ਕਮਾਨ ਸੰਭਾਲਣਗੇ, ਜਦੋਂ ਕਿ ਉਨ੍ਹਾਂ ਨੂੰ ਕਾਈਲ ਜੈਮੀਸਨ ਅਤੇ ਜੈਕਬ ਡਫੀ ਦਾ ਸਮਰਥਨ ਮਿਲੇਗਾ, ਜੋ ਬਦਲ ਵਜੋਂ ਸ਼ਾਮਲ ਹੋਏ ਹਨ।
ਨੈਸ਼ਨਲ ਬੈਂਕ ਸਟੇਡੀਅਮ, ਕਰਾਚੀ ਦੀ ਪਿੱਚ ਰਿਪੋਰਟ
ਨੈਸ਼ਨਲ ਬੈਂਕ ਸਟੇਡੀਅਮ, ਕਰਾਚੀ ਦੀ ਪਿੱਚ ਬੱਲੇਬਾਜ਼ ਲਈ ਮਦਦਗਾਰ ਹੈ। ਪਰ ਪਿੱਚ 'ਤੇ ਤੇਜ਼ ਗੇਂਦਬਾਜ਼ਾਂ ਨੂੰ ਵੀ ਕੁਝ ਮਦਦ ਮਿਲਦੀ ਹੈ। ਇੱਥੇ ਬੱਲੇਬਾਜ਼ ਸੈੱਟ ਹੋਣ ਤੋਂ ਬਾਅਦ ਲੰਬੀ ਪਾਰੀ ਖੇਡ ਸਕਦੇ ਹਨ, ਜਦਕਿ ਤੇਜ਼ ਗੇਂਦਬਾਜ਼ ਨਵੀਂ ਗੇਂਦ ਨਾਲ ਵਿਕਟਾਂ ਲੈਂਦੇ ਹਨ। ਇਸ ਪਿੱਚ 'ਤੇ ਸਪਿਨ ਗੇਂਦਬਾਜ਼ਾਂ ਨੂੰ ਵੀ ਮਦਦ ਮਿਲਦੀ ਹੈ।
ਇਸ ਮੈਦਾਨ 'ਤੇ ਖੇਡੇ ਗਏ 78 ਵਨਡੇ ਮੈਚਾਂ 'ਚੋਂ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ 36 ਮੈਚ ਜਿੱਤੇ ਹਨ, ਜਦਕਿ ਦੂਜੀ ਪਾਰੀ 'ਚ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ 39 ਮੈਚ ਜਿੱਤੇ ਹਨ। ਇਸ ਪਿੱਚ ਦਾ ਸਭ ਤੋਂ ਵੱਧ ਸਕੋਰ 374 ਅਤੇ ਘੱਟ ਤੋਂ ਘੱਟ ਸਕੋਰ 115 ਦੌੜਾਂ ਹੈ।
ਪਾਕਿਸਤਾਨ ਜਾਂ ਨਿਊਜ਼ੀਲੈਂਡ, ਕੌਣ ਕਿਸ ਤੋਂ ਤਾਕਤਵਰ?
ਪੀਅਨਸ ਟਰਾਫੀ ਤੋਂ ਪਹਿਲਾਂ ਦੋਵਾਂ ਟੀਮਾਂ ਨੇ ਹਾਲ ਹੀ 'ਚ ਪਾਕਿਸਤਾਨ 'ਚ ਤਿਕੋਣੀ ਸੀਰੀਜ਼ ਖੇਡੀ ਸੀ। ਮਿਸ਼ੇਲ ਸੈਂਟਨਰ ਦੀ ਅਗਵਾਈ ਵਾਲੀ ਨਿਊਜ਼ੀਲੈਂਡ ਨੇ ਸ਼ਾਨਦਾਰ ਫਾਰਮ ਦਿਖਾਉਂਦੇ ਹੋਏ ਫਾਈਨਲ ਸਮੇਤ ਸਾਰੇ ਮੈਚ ਜਿੱਤ ਕੇ ਟਰਾਫੀ 'ਤੇ ਕਬਜ਼ਾ ਕੀਤਾ। ਪਾਕਿਸਤਾਨ ਨੂੰ ਨਿਊਜ਼ੀਲੈਂਡ ਤੋਂ ਦੋ ਮੈਚਾਂ ਵਿੱਚ ਹਾਰ ਮਿਲੀ। ਨਿਊਜ਼ੀਲੈਂਡ ਨੇ ਪਹਿਲਾ ਮੈਚ ਪੰਜ ਵਿਕਟਾਂ ਨਾਲ ਅਤੇ ਫਾਈਨਲ 78 ਦੌੜਾਂ ਨਾਲ ਜਿੱਤਿਆ ਸੀ।
ਇਨ੍ਹਾਂ ਦੋਵਾਂ ਟੀਮਾਂ ਨੇ ਹੁਣ ਤੱਕ ਕੁੱਲ 118 ਵਨਡੇ ਮੈਚ ਖੇਡੇ ਹਨ। ਇਸ ਦੌਰਾਨ ਪਾਕਿਸਤਾਨ ਨੇ 61 ਅਤੇ ਨਿਊਜ਼ੀਲੈਂਡ ਨੇ 53 ਮੈਚ ਜਿੱਤੇ ਹਨ। ਇਨ੍ਹਾਂ ਦੋਵਾਂ ਟੀਮਾਂ ਵਿਚਾਲੇ 1 ਮੈਚ ਟਾਈ ਰਿਹਾ ਹੈ, ਜਦਕਿ 3 ਮੈਚਾਂ ਦਾ ਨਤੀਜਾ ਨਹੀਂ ਆਇਆ ਹੈ।
Pakistan. Home soil. One mission – #ChampionsTrophy glory 🌟
— ICC (@ICC) February 17, 2025
In frame:
Mohammad Rizwan
Babar Azam
Naseem Shah
Shaheen Afridi pic.twitter.com/vqCyNrSrmG
ਕਿਹੜੇ ਖਿਡਾਰੀ ਹੋਣਗੇ ਦੋਵਾਂ ਟੀਮਾਂ ਦੀ ਤਾਕਤ?
ਪਾਕਿਸਤਾਨ ਦੇ ਆਲਰਾਊਂਡਰ ਸਲਮਾਨ ਅਲੀ ਆਗਾ ਬੱਲੇ ਨਾਲ ਸ਼ਾਨਦਾਰ ਫਾਰਮ 'ਚ ਹਨ ਅਤੇ ਨਿਊਜ਼ੀਲੈਂਡ ਅਤੇ ਦੱਖਣੀ ਅਫਰੀਕਾ ਖਿਲਾਫ ਤਿਕੋਣੀ ਸੀਰੀਜ਼ 'ਚ ਪਾਕਿਸਤਾਨ ਦੇ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਸਨ। ਆਗਾ ਨੇ ਤਿੰਨ ਪਾਰੀਆਂ ਵਿੱਚ 73 ਦੀ ਔਸਤ ਅਤੇ 100 ਦੇ ਸਟ੍ਰਾਈਕ ਰੇਟ ਨਾਲ 219 ਦੌੜਾਂ ਬਣਾਈਆਂ, ਜਿਸ ਵਿੱਚ ਉਨ੍ਹਾਂ ਦਾ ਸਰਵੋਤਮ ਸਕੋਰ 134 ਰਿਹਾ। ਸਲਮਾਨ ਗੇਂਦ ਨਾਲ ਪਾਰਟ-ਟਾਈਮ ਸਪਿਨਰ ਵੀ ਹਨ।
ਨਿਊਜ਼ੀਲੈਂਡ ਦੇ ਸਾਬਕਾ ਕਪਤਾਨ ਅਤੇ ਸਟਾਰ ਬੱਲੇਬਾਜ਼ ਕੇਨ ਵਿਲੀਅਮਸਨ ਨੇ ਤਿਕੋਣੀ ਸੀਰੀਜ਼ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਦੂਜੇ ਨੰਬਰ 'ਤੇ ਰਹੇ। ਵਿਲੀਅਮਸਨ ਨੇ 89.64 ਦੀ ਸਟ੍ਰਾਈਕ ਰੇਟ ਨਾਲ 112.50 ਦੀ ਪ੍ਰਭਾਵਸ਼ਾਲੀ ਔਸਤ ਨਾਲ ਤਿੰਨ ਪਾਰੀਆਂ ਵਿੱਚ 225 ਦੌੜਾਂ ਬਣਾਈਆਂ ਅਤੇ ਦੱਖਣੀ ਅਫ਼ਰੀਕਾ ਵਿਰੁੱਧ ਉਸਦਾ ਸਰਵੋਤਮ ਸਕੋਰ ਨਾਬਾਦ 133 ਰਿਹਾ ਸੀ।
It all starts tomorrow in Karachi! Watch the ICC Champions Trophy 2025 opener LIVE in NZ on @skysportnz 📺 LIVE scoring at https://t.co/3YsfR1Y3Sm or the NZC app 📲 #ChampionsTrophy #CricketNation pic.twitter.com/XSWMwCV8Ai
— BLACKCAPS (@BLACKCAPS) February 17, 2025
ਪਾਕਿਸਤਾਨ ਅਤੇ ਨਿਊਜ਼ੀਲੈਂਡ ਦੀ ਸੰਭਾਵਿਤ ਪਲੇਇੰਗ-11
ਪਾਕਿਸਤਾਨ
ਮੁਹੰਮਦ ਰਿਜ਼ਵਾਨ (ਕਪਤਾਨ), ਬਾਬਰ ਆਜ਼ਮ, ਫਖਰ ਜ਼ਮਾਨ, ਸੌਦ ਸ਼ਕੀਲ, ਫਹੀਮ ਅਸ਼ਰਫ, ਖੁਸ਼ਦਿਲ ਸ਼ਾਹ, ਸਲਮਾਨ ਅਲੀ ਆਗਾ, ਅਬਰਾਰ ਅਹਿਮਦ, ਹਰਿਸ ਰਾਊਫ, ਨਸੀਮ ਸ਼ਾਹ, ਸ਼ਾਹੀਨ ਅਫਰੀਦੀ।
ਨਿਊਜ਼ੀਲੈਂਡ
ਮਿਸ਼ੇਲ ਸੈਂਟਨਰ (ਕਪਤਾਨ), ਵਿਲ ਯੰਗ, ਡੇਵੋਨ ਕੋਨਵੇ, ਰਚਿਨ ਰਵਿੰਦਰਾ, ਕੇਨ ਵਿਲੀਅਮਸਨ, ਟੌਮ ਲੈਥਮ, ਡੇਰਿਲ ਮਿਸ਼ੇਲ, ਮਾਈਕਲ ਬ੍ਰੇਸਵੈਲ, ਕਾਇਲ ਜੈਮੀਸਨ, ਮੈਟ ਹੈਨਰੀ, ਜੈਕਬ ਡਫੀ।
