'ਕਾਸਮੈਟਿਕ ਸਰਜਰੀ ਤੋਂ ਬਚੋ', ਮਹਿਲਾ ਦਿਵਸ ਤੋਂ ਪਹਿਲਾਂ 'ਆਸ਼ਿਕੀ' ਅਦਾਕਾਰਾ ਅਨੂ ਅਗਰਵਾਲ ਦਾ ਖਾਸ ਸੰਦੇਸ਼

Anu Aggarwal Women Day Message: ਮਹਿਲਾ ਦਿਵਸ ਤੋਂ ਪਹਿਲਾਂ ਅਨੂ ਅਗਰਵਾਲ ਨੇ ਕਾਸਮੈਟਿਕ ਸਰਜਰੀ ਦੀ ਬਜਾਏ ਸਵੈ-ਪ੍ਰੇਮ ਕਰਨ ਨੂੰ ਤਰਜ਼ੀਹ ਦਿੱਤੀ ਹੈ। ਉਨ੍ਹਾਂ ਔਰਤਾਂ ਨੂੰ ਕਾਸਮੈਟਿਕ ਸਰਜਰੀ ਤੋਂ ਬਚਣ ਦੀ ਅਪੀਲ ਕੀਤੀ ਹੈ।

ਮੁੰਬਈ (ਬਿਊਰੋ): ਫਿਲਮ 'ਆਸ਼ਿਕੀ' 'ਚ ਅਦਾਕਾਰੀ ਨਾਲ ਮਸ਼ਹੂਰ ਹੋਈ ਅਦਾਕਾਰਾ ਅਨੂ ਅਗਰਵਾਲ ਮਹਿਲਾ ਦਿਵਸ ਤੋਂ ਪਹਿਲਾਂ ਕਾਸਮੈਟਿਕ ਸਰਜਰੀ ਦੀ ਬਜਾਏ ਸਵੈ-ਪ੍ਰੇਮ ਦੀ ਵਕਾਲਤ ਕਰਦੀ ਨਜ਼ਰ ਆਈ। 1990 ਦੇ ਦਹਾਕੇ 'ਚ 'ਆਸ਼ਿਕੀ' ਨਾਲ ਰਾਤੋ-ਰਾਤ ਪ੍ਰਸਿੱਧ ਹੋਈ ਇਹ ਅਦਾਕਾਰਾ ਸੜਕ ਹਾਦਸੇ ਦਾ ਸ਼ਿਕਾਰ ਹੋ ਗਈ, ਜਿਸ 'ਚ ਉਸ ਦੇ ਚਿਹਰੇ 'ਤੇ ਕਈ ਸੱਟਾਂ ਲੱਗੀਆਂ। ਇਨ੍ਹਾਂ ਸੱਟਾਂ ਤੋਂ ਉਭਰਨ 'ਚ ਉਸ ਨੂੰ ਕਾਫੀ ਸਮਾਂ ਲੱਗਿਆ। ਇਸ ਸਭ ਤੋਂ ਬਾਅਦ ਅਦਾਕਾਰਾ ਨੂੰ ਆਪਣੀ ਬਦਲੀ ਹੋਈ ਦਿੱਖ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ ਪਰ ਅਦਾਕਾਰਾ ਨੇ ਆਪਣੇ ਆਪ ਨੂੰ ਉਸੇ ਤਰ੍ਹਾਂ ਸਵੀਕਾਰ ਕਰ ਲਿਆ।

ਮਹਿਲਾ ਦਿਵਸ ਤੋਂ ਪਹਿਲਾਂ ਅਨੂ ਨੇ ਔਰਤਾਂ ਲਈ ਇੱਕ ਸੰਦੇਸ਼ ਸਾਂਝਾ ਕੀਤਾ, ਜਿਸ ਵਿੱਚ ਉਸਨੇ ਜ਼ਿੰਦਗੀ ਨੂੰ ਬਦਲਣ ਵਾਲੇ ਹਾਦਸੇ ਤੋਂ ਬਾਅਦ ਉਨ੍ਹਾਂ ਨੂੰ ਦਰਪੇਸ਼ ਚੁਣੌਤੀਆਂ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ। ਉਸ ਨੇ ਕਿਹਾ, 'ਜ਼ਿੰਦਗੀ ਨੂੰ ਬਦਲਣ ਵਾਲੇ ਹਾਦਸੇ ਦਾ ਸਾਹਮਣਾ ਕਰਨ ਅਤੇ ਆਪਣੀ ਦਿੱਖ ਨੂੰ ਲੈ ਕੇ ਟ੍ਰੋਲਿੰਗ ਦੇ ਬਾਵਜੂਦ, ਮੈਂ ਸਵੈ-ਸਵੀਕਾਰ ਕਰਨ 'ਤੇ ਜ਼ੋਰ ਦਿੰਦੀ ਹਾਂ ਅਤੇ ਹਮੇਸ਼ਾ ਆਪਣੇ ਆਪ ਨੂੰ ਸਵੀਕਾਰ ਕਰਦੀ ਹਾਂ ਕਿ ਮੈਂ ਜੋ ਹਾਂ।' ਅਦਾਕਾਰਾ ਨੇ ਕਦੇ ਵੀ ਕਾਸਮੈਟਿਕ ਸਰਜਰੀ 'ਤੇ ਵਿਚਾਰ ਨਹੀਂ ਕੀਤਾ, ਔਰਤਾਂ ਨੂੰ ਸਵੈ-ਪਿਆਰ ਨੂੰ ਤਰਜੀਹ ਦੇਣ ਅਤੇ ਸੰਭਾਵੀ ਤੌਰ 'ਤੇ ਖਤਰਨਾਕ ਕਾਸਮੈਟਿਕ ਇਲਾਜਾਂ ਤੋਂ ਬਚਣ ਦੀ ਅਪੀਲ ਕੀਤੀ।

ਕਾਸਮੈਟਿਕ ਸਰਜਰੀ ਵਰਗੀਆਂ ਪ੍ਰਕਿਰਿਆ ਦੀ ਵੱਧਦੀ ਲੋਕਪ੍ਰਿਯਤਾ ਅਤੇ ਸੰਬੰਧਿਤ ਜੋਖਮਾਂ ਬਾਰੇ ਘੱਟ ਰਹੀ ਜਾਗਰੂਕਤਾ 'ਤੇ ਚਿੰਤਾ ਜ਼ਾਹਰ ਕਰਦੇ ਹੋਏ ਅਨੂ ਨੇ ਕਿਹਾ, 'ਅੱਜ ਦੀਆਂ ਔਰਤਾਂ ਨੂੰ ਸਵੈ-ਪ੍ਰੇਮ ਨੂੰ ਤਰਜੀਹ ਦੇਣੀ ਚਾਹੀਦੀ ਹੈ ਅਤੇ ਜੋਖਮ ਭਰੀਆਂ ਕਾਸਮੈਟਿਕ ਸਰਜਰੀਆਂ ਤੋਂ ਬਚਣਾ ਚਾਹੀਦਾ ਹੈ। ਬਦਕਿਸਮਤੀ ਨਾਲ ਇਹ ਚੀਜ਼ਾਂ ਵਧੇਰੇ ਪ੍ਰਸਿੱਧ ਹੋ ਰਹੀਆਂ ਹਨ। ਇਫਲੂਐਂਸਰ ਮਾਰਕੀਟਿੰਗ ਅੱਜ ਇਹ ਤੈਅ ਕਰ ਰਹੀ ਹੈ ਕਿ ਔਰਤਾਂ ਨੂੰ ਕਿਵੇਂ ਦਿਖਾਈ ਦੇਣਾ ਚਾਹੀਦਾ ਹੈ ਅਤੇ ਇਸ ਲਈ 16 ਸਾਲ ਤੋਂ ਘੱਟ ਉਮਰ ਦੀਆਂ ਕੁੜੀਆਂ ਨੂੰ ਬੋਟੌਕਸ ਕਰਵਾਉਣ ਲਈ ਕਿਹਾ ਜਾ ਰਿਹਾ ਹੈ ਅਤੇ ਔਰਤਾਂ ਇਸ ਨਾਲ ਜੁੜੇ ਜੋਖਮਾਂ ਬਾਰੇ ਘੱਟ ਚਿੰਤਤ ਹਨ।"