ਨਵੀਂ ਦਿੱਲੀ:ਕਰਜ਼ੇ ਵਿੱਚ ਡੁੱਬੀ ਵੋਡਾਫੋਨ ਆਈਡੀਆ (VI) ਦੇ ਬੋਰਡ ਨੇ ਪ੍ਰਮੋਟਰ ਆਦਿਤਿਆ ਬਿਰਲਾ ਸਮੂਹ ਤੋਂ 2075 ਕਰੋੜ ਰੁਪਏ ਜੁਟਾਉਣ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਟੈਲੀਕਾਮ ਆਪਰੇਟਰ ਨੇ ਸ਼ਨੀਵਾਰ ਨੂੰ ਰੈਗੂਲੇਟਰੀ ਫਾਈਲਿੰਗ 'ਚ ਇਹ ਜਾਣਕਾਰੀ ਦਿੱਤੀ।
ਫਾਈਲਿੰਗ 'ਚ ਕਿਹਾ ਗਿਆ ਹੈ ਕਿ ਵੋਡਾਫੋਨ ਆਈਡੀਆ ਬੋਰਡ ਨੇ 14.87 ਰੁਪਏ ਪ੍ਰਤੀ ਇਕੁਇਟੀ ਸ਼ੇਅਰ (ਪ੍ਰੀਮੀਅਮ 4.87 ਰੁਪਏ ਸਮੇਤ) ਦੇ ਇਸ਼ੂ ਮੁੱਲ 'ਤੇ 10 ਰੁਪਏ ਦੇ ਫੇਸ ਵੈਲਿਊ ਦੇ 1,395,427,034 ਇਕੁਇਟੀ ਸ਼ੇਅਰਾਂ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ, ਜਿਸ ਨਾਲ ਓਰੀਆਨਾ ਨੂੰ ਕੁੱਲ ਮਿਲਾ ਕੇ ਇਹ ਰੁ. 2075 ਕਰੋੜ ਹੋਏ ਹਨ।
ਓਰੀਆਨਾ ਇਨਵੈਸਟਮੈਂਟਸ ਆਦਿਤਿਆ ਬਿਰਲਾ ਸਮੂਹ ਦੇ ਅਧੀਨ ਇੱਕ ਇਕਾਈ ਹੈ। ਫਾਈਲਿੰਗ ਵਿੱਚ ਕਿਹਾ ਗਿਆ ਹੈ ਕਿ VI ਬੋਰਡ ਨੇ ਕੰਪਨੀ ਦੀ ਅਧਿਕਾਰਤ ਸ਼ੇਅਰ ਪੂੰਜੀ ਨੂੰ ਮੌਜੂਦਾ 75,000 ਕਰੋੜ ਰੁਪਏ ਤੋਂ ਵਧਾ ਕੇ 1 ਲੱਖ ਕਰੋੜ ਰੁਪਏ ਕਰਨ ਦੀ ਮਨਜ਼ੂਰੀ ਦਿੱਤੀ ਹੈ, ਵਧੀ ਹੋਈ ਅਧਿਕਾਰਤ ਸ਼ੇਅਰ ਪੂੰਜੀ ਨੂੰ 95,000 ਕਰੋੜ ਰੁਪਏ ਦੀ ਇਕੁਇਟੀ ਸ਼ੇਅਰ ਪੂੰਜੀ ਅਤੇ 5,000 ਕਰੋੜ ਰੁਪਏ ਦੀ ਤਰਜੀਹੀ ਸ਼ੇਅਰ ਪੂੰਜੀ ਵਿੱਚ ਵੰਡਿਆ ਜਾਵੇਗਾ।