ਹੈਦਰਾਬਾਦ: ਸੁਕੰਨਿਆ ਸਮ੍ਰਿਧੀ ਯੋਜਨਾ ਭਾਰਤ ਸਰਕਾਰ ਦੁਆਰਾ 22 ਜਨਵਰੀ 2015 ਨੂੰ ਸ਼ੁਰੂ ਕੀਤੀ ਗਈ ਸੀ। ਇਸ ਦਾ ਉਦੇਸ਼ ਧੀਆਂ ਨੂੰ ਵਿੱਤੀ ਸੁਰੱਖਿਆ ਪ੍ਰਦਾਨ ਕਰਨਾ ਹੈ। ਮਾਪੇ ਆਪਣੇ ਸੁਰੱਖਿਅਤ ਭਵਿੱਖ ਲਈ ਧੀਆਂ ਦੇ ਨਾਂ 'ਤੇ ਨਿਵੇਸ਼ ਕਰ ਸਕਦੇ ਹਨ। ਨਿਯਮਾਂ ਦੇ ਅਨੁਸਾਰ, ਮਾਪੇ ਜਾਂ ਸਰਪ੍ਰਸਤ ਸੁਕੰਨਿਆ ਸਮ੍ਰਿਧੀ ਯੋਜਨਾ ਦੇ ਤਹਿਤ ਬੱਚੀ ਦੇ ਜਨਮ ਤੋਂ ਲੈ ਕੇ 10 ਸਾਲ ਦੀ ਉਮਰ ਤੱਕ ਉਸ ਦੇ ਨਾਮ 'ਤੇ ਖਾਤਾ ਖੋਲ੍ਹ ਸਕਦੇ ਹਨ। ਜੇਕਰ ਕਿਸੇ ਮਾਤਾ-ਪਿਤਾ ਦੀ ਦੂਜੀ ਵਾਰ ਜੁੜਵਾਂ ਧੀਆਂ ਹਨ, ਤਾਂ ਉਹ ਵੱਧ ਤੋਂ ਵੱਧ ਤਿੰਨ ਧੀਆਂ ਦੇ ਨਾਂ 'ਤੇ ਖਾਤਾ ਖੋਲ੍ਹ ਸਕਦੇ ਹਨ।
ਫਿਲਹਾਲ, ਇਸ ਸਕੀਮ ਤਹਿਤ ਔਨਲਾਈਨ ਖਾਤਾ ਖੋਲ੍ਹਣ ਦੀ ਕੋਈ ਸਹੂਲਤ ਨਹੀਂ ਹੈ। ਇਸ ਲਈ ਤੁਹਾਨੂੰ ਬੈਂਕ ਜਾਂ ਪੋਸਟ ਆਫਿਸ ਜਾਣਾ ਹੋਵੇਗਾ। ਇੱਕ ਵਾਰ ਖਾਤਾ ਖੁੱਲ੍ਹਣ ਤੋਂ ਬਾਅਦ ਤੁਸੀਂ ਇਸਨੂੰ ਔਨਲਾਈਨ ਪ੍ਰਬੰਧਿਤ ਕਰ ਸਕਦੇ ਹੋ।
ਘੱਟੋ-ਘੱਟ ਅਤੇ ਅਧਿਕਤਮ ਡਿਪਾਜ਼ਿਟ
ਸਰਪ੍ਰਸਤ ਨੂੰ ਇੱਕ ਸਾਲ ਵਿੱਚ ਘੱਟੋ-ਘੱਟ ਸ਼ੁਰੂਆਤੀ 250 ਰੁਪਏ ਜਮ੍ਹਾ ਕਰਵਾਉਣੇ ਪੈਂਦੇ ਹਨ ਜਦਕਿ ਇੱਕ ਵਿੱਤੀ ਸਾਲ ਵਿੱਚ ਵੱਧ ਤੋਂ ਵੱਧ 1,50,000 ਰੁਪਏ ਜਮ੍ਹਾ ਕੀਤੇ ਜਾ ਸਕਦੇ ਹਨ। ਮਾਤਾ-ਪਿਤਾ ਬੱਚੀ ਦੇ ਖਾਤੇ ਵਿੱਚ ਖਾਤਾ ਖੋਲ੍ਹਣ ਦੀ ਮਿਤੀ ਤੋਂ ਲੈ ਕੇ 21 ਸਾਲ ਦੀ ਉਮਰ ਪੂਰੀ ਹੋਣ ਤੱਕ ਪੈਸੇ ਜਮ੍ਹਾਂ ਕਰਵਾ ਸਕਦੇ ਹਨ। ਜਮ੍ਹਾਂ ਦੀ ਅਧਿਕਤਮ ਮਿਆਦ ਖਾਤਾ ਖੋਲ੍ਹਣ ਦੀ ਮਿਤੀ ਤੋਂ 15 ਸਾਲ ਹੈ।
ਜੇਕਰ ਤੁਸੀਂ ਕਿਸੇ ਵੀ ਸਾਲ ਘੱਟੋ-ਘੱਟ ਰਕਮ ਜਮ੍ਹਾ ਨਹੀਂ ਕਰਵਾ ਸਕਦੇ ਹੋ, ਤਾਂ ਤੁਸੀਂ ਪ੍ਰਤੀ ਸਾਲ 50 ਰੁਪਏ ਜੁਰਮਾਨਾ ਅਦਾ ਕਰਕੇ ਘੱਟੋ-ਘੱਟ ਰਕਮ ਨਾਲ ਖਾਤਾ ਖੋਲ੍ਹ ਸਕਦੇ ਹੋ। ਭਾਰਤ ਸਰਕਾਰ ਤਿਮਾਹੀ ਆਧਾਰ 'ਤੇ ਖਾਤੇ ਵਿੱਚ ਜਮ੍ਹਾ ਰਾਸ਼ੀ 'ਤੇ ਵਿਆਜ ਦਰ ਦਾ ਐਲਾਨ ਕਰਦੀ ਹੈ। ਮਾਤਾ-ਪਿਤਾ ਇਨਕਮ ਟੈਕਸ ਐਕਟ 1961 ਦੀ ਧਾਰਾ 80C ਦੇ ਤਹਿਤ ਆਮਦਨ ਕਰ ਛੋਟ ਪ੍ਰਾਪਤ ਕਰ ਸਕਦੇ ਹਨ।
ਕੀ ਖਾਤਾ ਸਮੇਂ ਤੋਂ ਪਹਿਲਾਂ ਬੰਦ ਕੀਤਾ ਜਾ ਸਕਦਾ ਹੈ?
ਜਮਾਂਕਰਤਾ ਦੀ ਮੌਤ ਜਾਂ ਕੇਂਦਰ ਸਰਕਾਰ ਦੇ ਹੁਕਮਾਂ ਦੁਆਰਾ ਅਧਿਕਾਰਿਤ ਜਾਨਲੇਵਾ ਬਿਮਾਰੀਆਂ ਵਿੱਚ ਡਾਕਟਰੀ ਸਹਾਇਤਾ ਦੀ ਸਥਿਤੀ ਵਿੱਚ ਖਾਤਿਆਂ ਨੂੰ ਸਮੇਂ ਤੋਂ ਪਹਿਲਾਂ ਬੰਦ ਕਰਨ ਦੀ ਇਜਾਜ਼ਤ ਹੈ।
ਸਮੇਂ ਤੋਂ ਪਹਿਲਾਂ ਕਢਵਾਉਣਾ
ਲੜਕੀ ਦੇ 18 ਸਾਲ ਦੀ ਉਮਰ ਵਿੱਚ ਪਹੁੰਚਣ ਤੋਂ ਬਾਅਦ ਉਹ ਉੱਚ ਸਿੱਖਿਆ ਜਾਂ ਵਿਆਹ ਦੇ ਉਦੇਸ਼ ਲਈ ਪਿਛਲੇ ਵਿੱਤੀ ਸਾਲ ਦੇ ਅੰਤ ਵਿੱਚ ਖਾਤੇ ਵਿੱਚ ਖੜ੍ਹੀ ਰਕਮ ਦਾ 50 ਫੀਸਦੀ ਕਢਵਾ ਸਕਦੀ ਹੈ।
ਸਕੀਮ ਨਾਲ ਜੁੜੀਆਂ ਮੁੱਖ ਗੱਲਾਂ
- ਘੱਟੋ-ਘੱਟ ਜਮ੍ਹਾਂ ਰਕਮ 250 ਰੁਪਏ
- ਵੱਧ ਤੋਂ ਵੱਧ ਜਮ੍ਹਾਂ ਰਕਮ 1.5 ਲੱਖ ਰੁਪਏ (ਵਿੱਤੀ ਸਾਲ ਵਿੱਚ)
- ਬੱਚੀ ਦੀ 10 ਸਾਲ ਦੀ ਉਮਰ ਤੱਕ ਖਾਤਾ ਖੋਲ੍ਹਿਆ ਜਾ ਸਕਦਾ ਹੈ।
- ਲੜਕੀ ਦੇ ਨਾਂ 'ਤੇ ਸਿਰਫ ਇੱਕ ਖਾਤਾ ਖੋਲ੍ਹਿਆ ਜਾ ਸਕਦਾ ਹੈ।
- ਖਾਤੇ ਡਾਕਘਰਾਂ ਅਤੇ ਅਧਿਕਾਰਿਤ ਬੈਂਕਾਂ ਵਿੱਚ ਖੋਲ੍ਹੇ ਜਾ ਸਕਦੇ ਹਨ।
- ਉੱਚ ਸਿੱਖਿਆ ਦੇ ਉਦੇਸ਼ ਲਈ ਵਾਪਸ ਲੈਣ ਦੀ ਇਜਾਜ਼ਤ।
- 18 ਸਾਲ ਦੀ ਉਮਰ ਤੋਂ ਬਾਅਦ ਲੜਕੀ ਦੇ ਵਿਆਹ ਦੇ ਮਾਮਲੇ ਵਿੱਚ ਖਾਤਾ ਸਮੇਂ ਤੋਂ ਪਹਿਲਾਂ ਬੰਦ ਕੀਤਾ ਜਾ ਸਕਦਾ ਹੈ।
- ਸੁਕੰਨਿਆ ਸਮ੍ਰਿਧੀ ਖਾਤਾ ਭਾਰਤ ਵਿੱਚ ਕਿਤੇ ਵੀ ਇੱਕ ਡਾਕਘਰ ਜਾਂ ਬੈਂਕ ਤੋਂ ਦੂਜੇ ਡਾਕਘਰ ਜਾਂ ਬੈਂਕ ਵਿੱਚ ਟ੍ਰਾਂਸਫਰ ਕੀਤਾ ਜਾ ਸਕਦਾ ਹੈ।
- ਖਾਤਾ ਖੋਲ੍ਹਣ ਦੀ ਮਿਤੀ ਤੋਂ 21 ਸਾਲ ਪੂਰੇ ਹੋਣ 'ਤੇ ਖਾਤਾ ਪਰਿਪੱਕ ਹੋ ਜਾਵੇਗਾ।
- ਇਨਕਮ ਟੈਕਸ ਐਕਟ ਦੀ ਧਾਰਾ 80-ਸੀ ਦੇ ਤਹਿਤ ਜਮ੍ਹਾ 'ਤੇ ਆਮਦਨ ਟੈਕਸ ਛੋਟ।
1000 ਰੁਪਏ ਪ੍ਰਤੀ ਮਹੀਨਾ ਜਮ੍ਹਾ ਕਰਨ 'ਤੇ ਤੁਹਾਨੂੰ ਕਿੰਨਾ ਰਿਟਰਨ ਮਿਲੇਗਾ?
ਜੇਕਰ ਤੁਸੀਂ ਸੁਕੰਨਿਆ ਸਮ੍ਰਿਧੀ ਯੋਜਨਾ ਦੇ ਤਹਿਤ ਖੋਲ੍ਹੇ ਗਏ ਖਾਤੇ ਵਿੱਚ ਹਰ ਮਹੀਨੇ 1000 ਰੁਪਏ ਜਮ੍ਹਾ ਕਰਦੇ ਹੋ ਤਾਂ ਇੱਕ ਸਾਲ ਵਿੱਚ ਕੁੱਲ 12000 ਰੁਪਏ ਜਮ੍ਹਾ ਹੋਣਗੇ। ਇਸੇ ਤਰ੍ਹਾਂ 15 ਸਾਲਾਂ ਵਿੱਚ ਕੁੱਲ 1.8 ਲੱਖ ਰੁਪਏ ਜਮ੍ਹਾ ਕੀਤੇ ਜਾਣਗੇ। ਅੰਦਾਜ਼ਨ ਵਿਆਜ ਦੇ ਨਾਲ ਇਹ ਰਕਮ 15 ਸਾਲਾਂ ਵਿੱਚ ਕੁੱਲ 3.4 ਲੱਖ ਰੁਪਏ ਹੋਵੇਗੀ। ਜਦੋਂ ਖਾਤਾ ਪੂਰਾ ਹੋ ਜਾਂਦਾ ਹੈ ਤਾਂ ਇਹ ਰਕਮ 5 ਲੱਖ ਰੁਪਏ ਤੋਂ ਥੋੜ੍ਹੀ ਜ਼ਿਆਦਾ ਹੋਵੇਗੀ। ਮਤਲਬ ਕਿ ਤੁਹਾਨੂੰ ਲਗਭਗ 3 ਲੱਖ ਰੁਪਏ ਦਾ ਰਿਟਰਨ ਮਿਲੇਗਾ।
ਇਹ ਵੀ ਪੜ੍ਹੋ:-
