ਤਾਮਿਲਨਾਡੂ/ਧਰਮਪੁਰੀ: ਤਾਮਿਲਨਾਡੂ ਵਿੱਚ ਬਜ਼ੁਰਗ ਮਹਿਲਾ ਮਜ਼ਦੂਰਾਂ ਨਾਲ ਛੂਆ ਛੂਤ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਿਸ ਨੇ ਪੀੜਤਾਂ ਦੀ ਸ਼ਿਕਾਇਤ 'ਤੇ ਮਾਮਲਾ ਦਰਜ ਕਰਕੇ ਮੁਲਜ਼ਮ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਸ਼ਿਕਾਇਤ ਅਨੁਸਾਰ ਮਜ਼ਦੂਰ ਵਜੋਂ ਕੰਮ ਕਰਦੇ ਸਮੇਂ ਪੀੜਤਾਂ ਨੂੰ ਪੀਣ ਲਈ ਨਾਰੀਅਲ ਦੇ ਛਿਲਕਿਆਂ 'ਚ ਚਾਹ ਦਿੱਤੀ ਗਈ ਜਦਕਿ ਮਾਲਕ ਖੁਦ ਚਾਂਦੀ ਦੇ ਗਿਲਾਸ 'ਚ ਚਾਹ ਪੀਤੀ।
ਕੇਸ ਦੇ ਅਨੁਸਾਰ, ਧਰਮਪੁਰੀ ਜ਼ਿਲੇ ਦੇ ਮੋਰਾਪੁਰ ਦੇ ਕੋਲ ਆਰ.ਗੋਪੀਨਾਥਮਪੱਟੀ ਨੇੜੇ ਪਲਯਾਮਪੱਲੀ ਪਿੰਡ ਤੋਂ ਅਨੁਸੂਚਿਤ ਸਮੁਦਾਇ ਦੀਆਂ 5 ਬਜ਼ੁਰਗ ਔਰਤਾਂ ਮਜ਼ਦੂਰੀ ਲਈ ਮਾਰੱਪਨਾਈਕੇਨਪੱਟੀ ਗਈਆਂ ਸਨ। ਜਾਣਕਾਰੀ ਮੁਤਾਬਿਕ ਭੁਵਨੇਸ਼ਵਰਨ ਦੀ ਵਾਹੀਯੋਗ ਜ਼ਮੀਨ ਵਿੱਚ ਕੰਮ ਕਰਦੇ ਸਮੇਂ ਜਾਇਦਾਦ ਦੀ ਮਾਲਕ ਵੱਲੋਂ ਇਨ੍ਹਾਂ ਪੰਜ ਔਰਤਾਂ ਨੂੰ ਨਾਰੀਅਲ ਦੇ ਛਿਲਕਿਆਂ ਵਿੱਚ ਚਾਹ ਪਰੋਸੀ ਗਈ। ਜਦਕਿ ਜਾਇਦਾਦ ਦੇ ਮਾਲਕ ਨੇ ਚਾਂਦੀ ਦੇ ਗਲਾਸ ਵਿੱਚੋਂ ਚਾਹ ਪੀਤੀ।
ਜਿਸ ਨੂੰ ਲੈ ਕੇ ਪੀੜਤ ਚੇਲੀ ਨੇ ਕੰਬੀਨਲੂਰ ਪੁਲਿਸ ਸਟੇਸ਼ਨ 'ਚ ਸ਼ਿਕਾਇਤ ਦਰਜ ਕਰਵਾਈ ਹੈ। ਆਪਣੀ ਸ਼ਿਕਾਇਤ ਵਿੱਚ ਉਸ ਨੇ ਕਿਹਾ ਕਿ ਅਨੁਸੂਚਿਤ ਜਾਤੀ ਦੀਆਂ ਪੰਜ ਔਰਤਾਂ, ਜੋ ਕਿ ਮਜ਼ਦੂਰ ਵਜੋਂ ਕੰਮ ਕਰਨ ਗਈਆਂ ਸਨ, ਜਿੰਨਾਂ ਨੂੰ ਨਾਰੀਅਲ ਦੇ ਛਿਲਕੇ (ਨਾਰੀਅਲ ਦਾ ਲੱਕੜੀ ਦਾ ਬਾਹਰੀ ਹਿੱਸਾ) ਵਿੱਚ ਚਾਹ ਪਿਲਾ ਕੇ ਜ਼ਲੀਲ ਕੀਤਾ ਗਿਆ। ਇਸ ਸ਼ਿਕਾਇਤ ਦੇ ਆਧਾਰ ’ਤੇ ਥਾਣਾ ਅਰੂੜ ਦੇ ਉਪ ਪੁਲਿਸ ਕਪਤਾਨ ਜਗਨਾਥਨ ਦੀ ਅਗਵਾਈ ਹੇਠ ਪੁਲਿਸ ਨੇ ਚਾਹ ਵਿਕਰੇਤਾ ਧਾਰਨੀ ਅਤੇ ਸੱਸ ਚਿੰਨਥਾਈ ਦੋਵਾਂ ਖ਼ਿਲਾਫ਼ ਕੇਸ ਦਰਜ ਕਰਕੇ ਜਾਂਚ ਕੀਤੀ।
ਜਾਂਚ ਤੋਂ ਬਾਅਦ, ਧਾਰਾਨੀ ਅਤੇ ਚਿਨਾਥਾਈ ਦੇ ਖਿਲਾਫ ਅੱਤਿਆਚਾਰ ਰੋਕੂ ਸੋਧ ਐਕਟ 2015 ਦੇ ਤਹਿਤ ਐਸਸੀ ਅਤੇ ਐਸਟੀ ਧਾਰਾ ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਸੀ ਅਤੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਸੀ। ਬਾਅਦ ਵਿਚ ਉਸ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਜਿੱਥੋਂ ਉਸ ਨੂੰ ਨਿਆਇਕ ਹਿਰਾਸਤ ਵਿਚ ਸਲੇਮ ਕੇਂਦਰੀ ਜੇਲ੍ਹ ਵਿਚ ਬੰਦ ਕਰ ਦਿੱਤਾ ਗਿਆ।
