ଦିନିକିଆ ବୌଦ୍ଧ ଗସ୍ତରେ ପଶ୍ଚିମ ଓଡିଶା ବିକାଶ ପରିଷଦ ଅଧ୍ୟକ୍ଷ

ଦିନିକିଆ ବୌଦ୍ଧ ଜିଲ୍ଲା ଗସ୍ତରେ ଆସି ପହଞ୍ଚିଛନ୍ତି ପଶ୍ଚିମ ଓଡିଶା ବିକାଶ ପରିଷଦ ଅଧ୍ୟକ୍ଷ ସୁବାସ ସିଂ ଚୌହାନ । ଅଧିକ ପଢନ୍ତୁ ...

ବୌଦ୍ଧ: ଦିନିକିଆ ବୌଦ୍ଧ ଜିଲ୍ଲା ଗସ୍ତରେ ଆସି ପହଞ୍ଚିଛନ୍ତି ପଶ୍ଚିମ ଓଡିଶା ବିକାଶ ପରିଷଦ ଅଧ୍ୟକ୍ଷ ସୁବାସ ସିଂ ଚୌହାନ । ପଶ୍ଚିମ ଓଡିଶାର ସମସ୍ତ ଜିଲ୍ଲା ପରିଦର୍ଶନ ପରେ ଶେଷରେ ଏକ ସରକାରୀ ଗସ୍ତରେ ସୋମବାର ବୌଦ୍ଧ ଜିଲ୍ଲାରେ ଆସି ପହଞ୍ଚିଛନ୍ତି ସୁବାସ । ଏହି ଅବସରରେ ବିଭିନ୍ନ ପ୍ରସଙ୍ଗରେ ଆଲୋଚନା କରିବା ସହ ସେ ଇଟିଭି ଭାରତକୁ ଦେଇଛନ୍ତି ଏକ ସ୍ବତନ୍ତ୍ର ସାକ୍ଷାତକାର ।

ସୁବାସଙ୍କ କହିବା ଅନୁଯାୟୀ ପଶ୍ଚିମ ଓଡିଶାର ଗେଟ ୱେ ହେଉଛି ବୌଦ୍ଧ ଜିଲ୍ଲା । ବିଶେଷ ଭାବରେ ଜିଲ୍ଲାର ଅପହଞ୍ଚ ଇଲାକା, ଯୁବବର୍ଗଙ୍କ କର୍ମନିଯୁକ୍ତି, ଶିକ୍ଷା, ପାନୀୟ ଓ ଚାଷ ପାଇଁ ଜଳ ଭଳି 5ଟି ବିନ୍ଦୁ ଉପରେ ପରିଷଦ ଗୁରୁତ୍ବ ଦେଉଥିବା ସେ କହିଛନ୍ତି । କିନ୍ତୁ ବୌଦ୍ଧ ଜିଲ୍ଲା ଦକ୍ଷିଣାଞ୍ଚଳ ରାଜସ୍ବ ବିଭାଗ ଅଧିନରେ ରହିବା ପ୍ରସଙ୍ଗ ଓ ରେଳ ଚଳାଚଳ ପ୍ରସଙ୍ଗକୁ କଥା ଛଳରେ ସେ ଏଡାଇ ଯାଇଥିଲେ ।

ତେବେ ସୋମବାର ଜିଲ୍ଲା ପ୍ରଶାସନର କାର୍ଯ୍ୟ ସମୀକ୍ଷା କରିବା ପରେ ରାଜବାଟୀରେ ଥିବା ମାହେଶ୍ବରୀଙ୍କ ଦର୍ଶନ କରିଥିଲେ ସୁବାସ । ସେଠାରେ ଯୁବ ଡୁମାଳ ବିକାଶ ପରିଷଦ ଓ ଅନ୍ୟ ସଙ୍ଗଠନ ପକ୍ଷରୁ ତାଙ୍କୁ ସମ୍ବର୍ଦ୍ଧିତ କରାଯାଇଥିଲା ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭ ଭାରତ