କାନକଟା ଘାଟିରେ ଓଲଟିଲା ଆମ୍ବ ବୋଝୋଇ ପିକଅପ୍, 2 ମୃତ
mango loaded pickup van accident (ETV Bharat Odisha)
Published : Jun 14, 2024, 8:05 AM IST
ବ୍ରହ୍ମପୁର:ଘାଟିରେ ଓଲଟିଲା ଆମ୍ବ ବୋଝୋଇ ପିକଅପ୍ ଗାଡି । ଏହି ଦୁର୍ଘଟଣାରେ ଦୁଇ ମୃତ ଓ ଦୁଇ ଗୁରୁତର । ଗଜପତି ଜିଲ୍ଲାର ରାମଗିରୀ ଅଞ୍ଚଳରୁ ଏକ ପିକଅପ୍ ଗାଡି ଯୋଗେଁ ଆମ୍ବ ବୋଝେଇ କରି ଗଞ୍ଜାମ ଜିଲ୍ଲାର ପାତ୍ରପୁର ବ୍ଲକ ଅଞ୍ଚଳକୁ ଆସୁଥିବା ବେଳେ କାନକଟା ଘାଟିରେ ଦୁର୍ଘଟଣାଗ୍ରସ୍ତ ହୋଇଥିବା ସୂଚନା । ଏଥିରେ ଦୁଇ ଜଣଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇ ଜଣ ଗୁରୁତର ହୋଇଛନ୍ତି । ଜରଡା ଥାନା ଅନ୍ତର୍ଗତ କାନକଟା ଘାଟିରେ ଏହି ଦୁର୍ଘଟଣା ଘଟିଥିବା ବେଳେ ଗଜପତିରୁ ଖାରିଆଗୁଡ଼ା ଫେରିବା ବେଳେ ଭାରସାମ୍ୟ ହରାଇ ଓଲଟି ପଡ଼ିଛି ଗାଡ଼ିଟି । ତେବେ ମୃତକ ଦୁଇ ଜଣ ହେଲେ ପାତ୍ରପୁର ବ୍ଳକ ଖାରିଆଗୁଡ଼ା ପଞ୍ଚାୟତର ଗାଡ଼ି ଚାଳକ ସୁଶାନ୍ତ ସାହୁ (୩୫) ଏବଂ କୁରେଶୁ ବାଡତ୍ୟା (୪୫) । ଘଟଣା ସ୍ଥଳରେ ପୋଲିସ ପହଞ୍ଚି ଛାନଭିନ ଆରମ୍ଭ କରିଛି ।