ତନ୍ତ୍ରସାଧନର ପର୍ବ 'କରମସାନୀ ଉତ୍ସବ', ସପ୍ତମାତୃକା ଉପାସନା କଲେ ଆଦିବାସୀ ସମ୍ପ୍ରଦାୟ - Karamsani Festival

ବୌଦ୍ଧ: ତନ୍ତ୍ର ସାଧନାର ଅନନ୍ୟ ପର୍ବ କରମସାନୀ ଦେବୀଙ୍କ ଉତ୍ସବ । ନିଷ୍ଠା ଓ କାଷ୍ଠାର ସହିତ ଉଜାଗରର ଏହି ପ୍ରାଚୀନ ପର୍ବ ଆଦିବାସୀ ସମ୍ପ୍ରଦାୟର ଅନ୍ୟତମ ମହାନ ପର୍ବ ଭାବରେ ପରିଗଣିତ ହୋଇଥାଏ । ଜାଗର, ଜୁଗାର ଓ ଉଜାଗରର ଅନନ୍ୟ ପର୍ବ କରମସାନୀ ଦେବୀଙ୍କ ଉତ୍ସବ । ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଭାଦ୍ରବ ଏକାଦଶୀ ତିଥିରେ ଆଦିବାସୀ ଶ୍ରଦ୍ଧାଳୁମାନେ ଦେବୀ କରମସାନୀଙ୍କ ପୂଜାର୍ଚ୍ଚନା କରିଥାନ୍ତି । ରାତି ତମାମ ଉଜାଗର ରହି ପାଳନ କରିଛନ୍ତି । ସାତଜଣ କୁମାରୀଙ୍କ ଦ୍ବାରା ଭାଦ୍ରବ ଷଷ୍ଠୀ ଦିନ ନିକଟରେ ଥିବା ମହାନଦୀରୁ ବାଲି କଢ଼ା ପର୍ବ ଅନୁଷ୍ଠିତ ହୋଇଥାଏ । ସେଥିରେ ୭ ପ୍ରକାରର ଫୁଲ ଓ ୭ ପ୍ରକାରର ଶସ୍ୟ ରଖି କୋଠିଘରେ ପୂଜାର୍ଚ୍ଚନା କରାଯାଇଥାଏ ।

ଦଶମୀ ତିଥିରେ ରାତି ତମାମ ଉଜାଗର ରହି କରମସାନୀ ଦେବୀଙ୍କ ଉତ୍ସବ ପାଳନ କରିଥାନ୍ତି ଶ୍ରଦ୍ଧାଳୁ । ଦ୍ଵାଦଶୀ ଦିନ ସକାଳୁ କୁମାରୀ କନ୍ୟାମାନେ ଦେବୀ କରମସାନୀଙ୍କ ଘଟକୁ ମାଦଳର ତାଳେ ତାଳେ ମହାନଦୀ କୂଳରେ ସ୍ବତନ୍ତ୍ର ପୂଜାପାଠ ପରେ ଡାଳ ଉହୁଳା କରିଥାନ୍ତି । ସେଠାରେ ଦେବୀ ମହିଳା ବରୁଆଙ୍କ ଦେହରେ ଆବିର୍ଭାବ ହୋଇଥାନ୍ତି ବୋଲି ବିଶ୍ବାସ ରହିଛି । ବୌଦ୍ଧର ବାପୁଜୀ ନଗରଠାରେ ଏହି ସପ୍ତମାତୃକା ଉପାସନାର ପର୍ବ କାହିଁ କେଉ ଆବାହମାନ କାଳରୁ ଚାଲିଆସୁଛି । 

ଇଟିଭି ଭାରତ, ବୌଦ୍ଧ