ଓଡ଼ିଶାରେ ବିପୁଳ ବିଜୟ ପାଇଁ ବାଲୁକା କଳାରେ ମୋଦିଙ୍କୁ ଶୁଭେଚ୍ଛା - Sudarsan Pattnaik Sand Art - SUDARSAN PATTNAIK SAND ART

ପୁରୀ: ଲୋକସଭା ଓ ଓଡ଼ିଶା ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇଛି  । ଓଡ଼ିଶାରେ ୨୪ ବର୍ଷର ବିଜେଡି ସରକାରକୁ ହରାଇ ବୃହତ୍ ବିଜୟ ହାସଲ କରିଛି ବିଜେପି  । ମୋଦି ମ୍ୟାଜିକ ଦେଖିବାକୁ ମିଳିଛି ଓଡ଼ିଶାରେ । କେନ୍ଦ୍ରରେ ମଧ୍ୟ ପୁଣିଥରେ ବିଜେପି ନେତୃତ୍ବାଧୀନ ଏନଡିଏ ସରକାର ଗଠନ କରିବାକୁ ଯାଉଛି  । ଏହି ଅବସରରେ ଅନ୍ତର୍ଜାତୀୟ ବାଲୁକା ଚିତ୍ରଶିଳ୍ପୀ ସୁଦର୍ଶନ ପଟ୍ଟନାୟକ ଏକ ଆକର୍ଷଣୀୟ ବାଲୁକା କଳା ଜରିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଶୁଭେଚ୍ଛା ଜଣାଇଛନ୍ତି  । ପୁରୀ ବେଳାଭୂମିରେ ସେ ମୋଦିଙ୍କ ଏକ ବାଲୁକା ଚିତ୍ରକଳା ପ୍ରସ୍ତୁତ କରି ସାଧାରଣ ନିର୍ବାଚନରେ ବିଜୟ ପାଇଁ ତାଙ୍କୁ ଅଭିନନ୍ଦନ ଜଣାଇଛନ୍ତି  । ସେ ବାଲିରେ ନରେନ୍ଦ୍ର ମୋଦିଙ୍କ ଚିତ୍ରକଳା ସହିତ ଅନେକ ଫୁଲକୁ ସ୍ଥାନିତ କରିଛନ୍ତି  । ଏହି ସୁନ୍ଦର ବାଲୁକା କଳା ଦେଖିବାକୁ ବେଳାଭୂମିରେ ପର୍ଯ୍ୟଟକଙ୍କ ବେଶ୍ ଭିଡ ଜମିଛି । ଦେଖନ୍ତୁ ଏହି ଆକର୍ଷଣୀୟ ବାଲୁକା ଚିତ୍ରକଳା

ଇଟିଭି ଭାରତ, ପୁରୀ