ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ: କଟକରେ ୫ ହଜାର ମହିଳାଙ୍କ କଳସ ଶୋଭାଯାତ୍ରା - କଟକରେ ୫ ହଜାର ମହିଳାଙ୍କ କଳସ ଯାତ୍ରା

Kalash Shobha Yatra:କଟକ:ମର୍ଯ୍ୟାଦା ପୁରୁଷ ପ୍ରଭୁ ଶ୍ରୀ ରାମଚନ୍ଦ୍ରଙ୍କ ପ୍ରାଣ ପ୍ରତିଷ୍ଠା ଅବସରରେ ରାମମୟ ପରିବେଶ ସୃଷ୍ଟି ହୋଇଛି ସାରା ଭାରତ ବର୍ଷରେ । ଏଥିରୁ ବାଦ ପଡି ନାହିଁ କଟକ ସହର । ସମସ୍ତ ସ୍ଥାନରେ ଜୟ ଶ୍ରୀରାମ ଧ୍ୱନିରେ ପ୍ରକମ୍ପିତ ହୋଇ ଉଠିଛି । ଦଳବଳ ନିର୍ବିଶେଷରେ ଭାଇଚାରାର ସହର କଟକରେ ଭାଇଚାରା ଭାବରେ ପ୍ରଭୁ ଶ୍ରୀରାମଙ୍କ ପୂଜାର୍ଚ୍ଚନା କରାଯାଇଛି । ସହରରେ ଭକ୍ତିମେୟ ପରିବେଶ ସୃଷ୍ଟି ହୋଇଛି । ସମସ୍ତ ମନ୍ଦିରରେ ମଧ୍ୟ ପୂଜାର୍ଚ୍ଚନା କରାଯାଇଛି ।

କଟକ ରାଯାବଗିଚାରେ ୫ ହଜାର ମହିଳା କଳସ ଶୋଭାଯାତ୍ରା କରିଛନ୍ତି । ନଦୀରେ ପୂଜାର୍ଚ୍ଚନା କରିବା ପରେ ୫ ହଜାର ମହିଳା ଲମ୍ବା ଲାଇନରେ କଳସ ଶୋଭାଯାତ୍ରାରେ ବାହାରିଥିଲେ । ଏହି ଅବସରରେ ହୋମଯଜ୍ଞର ମଧ୍ୟ ଆୟୋଜନ କରାଯାଇଥିଲା । କେବଳ ସେତିକି ନୁହେଁ, ସହରବାସୀଙ୍କ ପାଇଁ ଦର୍ଶନ ପାଇଁ ସ୍ୟାଣ୍ଡ ଆର୍ଟ ମାଧ୍ୟମରେ ଅଯୋଧ୍ୟା କରାଯାଇଥିଲା । ଯାହାକି କଟକବାସୀ ଦର୍ଶନ କରି ଭାବ ବିହୁଳ ହୋଇ ପଡ଼ିଥିଲେ । ସେହିପରି ବିଭିନ୍ନ ସ୍ଥାନରେ ସଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଯେଉଁଥିରେ ପ୍ରଭୁ ରାମଚନ୍ଦ୍ରଙ୍କ ଭଜନରେ ଯୁବକମାନେ ଭାବବିହ୍ବଳ ହୋଇ ନୃତ୍ୟ ପରିବେଷଣ କରିଥିଲେ । 

ଏହା ମଧ୍ୟ ପଢନ୍ତୁ .....ଭେଦଭାବ ଦୂର କରି ଏକାଠି ହୁଅ, ଆସୁଛି ରାମରାଜ୍ୟ: ସଂଘ ପ୍ରମୁଖ

ଇଟିଭି ଭାରତ, କଟକ