‘ବିଜେଡି-ବିଜେପି ଶାସନରେ ଉପେକ୍ଷିତ ଲୋକଙ୍କ ସମର୍ଥନ କଂଗ୍ରେସକୁ ଜିତାଇବ’ - Yasir Nawaz

ଭୁବନେଶ୍ବର: ଭୁବନେଶ୍ବର ସଂସଦୀୟ କ୍ଷେତ୍ରରେ କଂଗ୍ରେସ ଯୁବ ଚେହେରା ତଥା ରାଜ୍ୟ ଛାତ୍ର କଂଗ୍ରେସ ସଭାପତି ୟାସିର ନଓ୍ବାଜଙ୍କୁ ଚଳିତଥର ପ୍ରାର୍ଥୀ କରିଛି । ନୂଆ କରି ନିର୍ବାଚନରେ ପ୍ରବେଶ କରିଥିବା ୟାସିର ନିଜର ପ୍ରଚାର ଆରମ୍ଭ କରିଦେଇଛନ୍ତି । ବିଜେଡି-ବିଜେପି ଶାସନରେରେ ଉପେକ୍ଷିତ ଅତ୍ୟାଚାରିତ ଲୋକଙ୍କ ସମର୍ଥନ କଂଗ୍ରେସକୁ ଜିତାଇବ । ତାଙ୍କର ବିଜୟ ସାଧାରଣ ଲୋକଙ୍କ ବିଜୟ ହେବ ବୋଲି ୟାସିର କହିଛନ୍ତି । କଂଗ୍ରେସ ଦଳର ଗ୍ୟାରେଣ୍ଟି ଓ ଲୋକଙ୍କ ମୌଳିକ ସମସ୍ୟାକୁ ମୁଦ୍ଦା କରି ସେ ଲୋକଙ୍କ ପାଖକୁ ଯାଉଥିବା ବେଳେ ଲଢେଇ ଏଥର ଜୋରଦାର ହେବ । ବିଶେଷ କରି ଉଭୟ ସରକାରଙ୍କ ଦ୍ୱାରା ଉପେକ୍ଷିତ ଓ ଅତ୍ୟାଚାରିତ ହୋଇଥିବା ଲୋକେ ତାଙ୍କ ସହ ଅଛନ୍ତି ଓ ତାଙ୍କୁ ନେଇ ସେ ନିର୍ବାଚନ ଲଢ଼ିବେ ଓ ଜିତିବେ ମଧ୍ୟ । ସେହିପରି ସେ ବିଜେଡିରୁ ଲୋକସଭା ପ୍ରାର୍ଥୀ ହୋଇଥିବା ନିଜର ପ୍ରତିଦ୍ବନ୍ଦ୍ବୀ ମନ୍ମଥ ରାଉତରାୟଙ୍କୁ ମଧ୍ୟ ପରୋକ୍ଷ ଟାର୍ଗେଟ କରିଛନ୍ତି । ପରିବାର ବିରୋଧରେ ଯାଇଥିବା ବ୍ୟକ୍ତିଙ୍କୁ ଲୋକେ କିପରି ଗ୍ରହଣ କରିବେ ବୋଲି ପ୍ରଶ୍ନ କରିଛନ୍ତି । ତାଙ୍କ ସହ ଅଧିକ ଆଲୋଚନା କରିଛନ୍ତି ‘ଇଟିଭି ଭାରତ’ର ସମ୍ବାଦଦାତା ଦେବସ୍ମିତା ରାଉତ ।