ଛେଣ୍ଡିପଦାରେ ବିଜେଡି ମିଶ୍ରଣ ପର୍ବ: ଶଙ୍ଖ ଧରିଲେ ବିଜେପି ଓ କଂଗ୍ରେସ ନେତା ଓ କର୍ମୀ - BJD Mishran Parba
Published : Feb 23, 2024, 2:34 PM IST
BJD Mishran Parba: ଅନୁଗୋଳ: ନିର୍ବାଚନ ସମୟ ପାଖେଇ ଆସୁଥିବାବେଳେ ଦଳ ଡିଆଁ ପର୍ବ ଜାରି ରହିଛି । ନେତା ଓ କର୍ମୀଙ୍କ ଦଳ ପରିବର୍ତ୍ତନ ଓ ଅନ୍ୟ ଦଳରେ ମିଶ୍ରଣ ପର୍ବ ଦିନକୁ ଦିନ ବଢି ବଢି ଚାଲିଛି । ଅନୁଗୋଳ ଜିଲ୍ଲା ଛେଣ୍ଡିପଦା ନିର୍ବାଚନ ମଣ୍ଡଳୀରେ ବିଜେଡିରେ ସାମିଲ ହେଉଛନ୍ତି ଅନ୍ୟ ଦଳର ନେତା ଓ କର୍ମୀ । ଯାହାକୁ ନେଇ ବିଜେଡି ଶିବିରରେ ଉତ୍ସାହ ଦେଖା ଦେଇଛି । ଅନୁଗୋଳ ଜିଲ୍ଲାର ଛେଣ୍ଡିପଦା ବିଧାନସଭା ନିର୍ବାଚନ ମଣ୍ଡଳୀରେ ସଶକ୍ତ ହୋଇଛି ବିଜେଡି ।
ଏହା ବି ପଢନ୍ତୁ...ବିଜେଡିରେ ଯୋଗଦେଲେ ସୁକାନ୍ତ କୁମାର ପାଣିଗ୍ରାହୀ
ଗତ କିଛି ଦିନ ହେଲା ଏହି ନିର୍ବାଚନ ମଣ୍ଡଳୀ ଅନ୍ତର୍ଗତ ବିଭିନ୍ନ ପଞ୍ଚାୟତରେ ବିଧାୟକ ସୁଶାନ୍ତ ବେହେରାଙ୍କ ଉପସ୍ଥିତିରେ ଶତାଧିକ କଂଗ୍ରେସ ଓ ବିଜେପି କର୍ମୀ ବିଜେଡିରେ ମିଶୁଛନ୍ତି । ପ୍ରତ୍ୟକ ଦିନ କେଉଁଠି ନା କେଉଁଠି ଏଭଳି ମିଶ୍ରଣ ପର୍ବ ଦେଖିବାକୁ ମିଳୁଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଛ ଓ ନିର୍ମଳ ଶାସନ ତଥା ବିଭିନ୍ନ ଜନ ହିତକର ଯୋଜନାରେ ଆକର୍ଷିତ ହୋଇ ବିଜେଡିରେ ଯୋଗ ଦେଇଥିବା କହିଛନ୍ତି କର୍ମୀ । ଆଗକୁ ନିର୍ବାଚନ ଥିବାରୁ ଏଭଳି ମିଶ୍ରଣ ଦଳକୁ ଆହୁରି ଶକ୍ତିଶାଳୀ କରିବ ବୋଲି ବିଧାୟକ ଆଶା ପ୍ରକଟ କରିଛନ୍ତି ।
ଇଟିଭି ଭାରତ, ଅନୁଗୋଳ