ଏଥର ଏକ ପଖିଆ ନିର୍ବାଚନ, ବିଜେଡି ସପକ୍ଷରେ ହେବ: ଭୃଗୁ - CM CAMPAIGN IN GANJAM
Published : May 9, 2024, 6:42 PM IST
CM CAMPAIGN IN GANJAM : ବ୍ରହ୍ମପୁର: ସଂସଦୀୟ କ୍ଷେତ୍ରର ଗୋପାଳପୁରରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରି ବିରୋଧୀଙ୍କୁ ଟାର୍ଗେଟ କଲେ ନବୀନ । ନିର୍ବାଚନ ତାରିଖ ପାଖେଇ ଆସୁଥିବା ବେଳେ ଶାସକ ବିଜେଡି ଦଳୀୟ ପ୍ରଚାରକୁ ଜୋରଦାର କରିଛି । ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ଭିକେ ପାଣ୍ଡିଆନ ରାଜ୍ୟ ସାରା ଘନଘନ ପ୍ରଚାର କରି ବିରୋଧୀଙ୍କୁ ସିଧାସଳଖ ଟାର୍ଗେଟ କରୁଛନ୍ତି । ଆଜି ପୁଣି ବ୍ରହ୍ମପୁର ସଂସଦୀୟ କ୍ଷେତ୍ରର କନିଷିକୁ ପ୍ରଚାର ପାଇଁ ଆସିଥିଲେ ନବୀନ ଏବଂ ପାଣ୍ଡିଆନ । ତେବେ ନାମ ନନେଇ ସେ ବିଜେପି ପ୍ରାର୍ଥୀଙ୍କୁ କରିଥିଲେ ଟାର୍ଗେଟ । ନବୀନ ପଟ୍ଟନାୟକ ଭଲ ପ୍ରାର୍ଥୀଙ୍କୁ ଭୋଟ ଦେବା ପାଇଁ ଅପିଲ କରିବା ସହିତ ଚୋର ପ୍ରାର୍ଥୀଙ୍କୁ ଆଶୀର୍ବାଦ କରନ୍ତୁ ନାହିଁ ବୋଲି କହିଥିଲେ ।
ବ୍ରହ୍ମପୁର ସଂସଦୀୟ କ୍ଷେତ୍ରର ବିଜେଡି ପ୍ରାର୍ଥୀ ଭୃଗୁବକ୍ସି ପାତ୍ର କହିଛନ୍ତି ," ମୁଖ୍ୟମନ୍ତ୍ରୀଙ୍କ ପ୍ରତିଥିବା ଜନ ସମର୍ଥନକୁ ଦେଖିଲେ ଜଣାପଡୁଛି ଏକ ପାଖିଆ ନିର୍ବାଚନ ହେବ ବିଜେଡି ସପକ୍ଷରେ ହେବ । ଲୋକେ ମନ ସ୍ଥିର କରି ସାରିଲେଣି 2019 ନିର୍ବାଚନ ଠାରୁ ଆହୁରି ଭଳ ଫଳାଫଳ ବାହାରିବ ।" ସେହିପରି ବ୍ରହ୍ମପୁର ବିଧାୟକ ପ୍ରାର୍ଥୀ କହିଛନ୍ତି," କଥାରେ ନୁହେଁ କାମରେ ବିଶ୍ବାସ କରୁ । ପ୍ରଧାନମନ୍ତ୍ରୀ ମୁଖ୍ୟମନ୍ତ୍ରୀଙ୍କୁ ପ୍ରଂଶସା କରିଥିଲେ ଏବେ ନିର୍ବାଚନୀ ସମୟରେ ମିଛ କଥା କହି ଯାଇଛନ୍ତି । ଏହାର ପ୍ରଭାବ ପଡିବନି । "
ଇଟିଭି ଭାରତ, ବ୍ରହ୍ମପୁର