ଧାଡିରେ ଆସି ଭୋଟ ଦେଲେ ଏସ ସୋମନାଥ, କହିଲେ ମତଦାନ ପାଇଁ କରନ୍ତୁନି କୁଣ୍ଠାବୋଧ - LOK SABHA ELECTION 2024 - LOK SABHA ELECTION 2024
Published : Apr 26, 2024, 1:32 PM IST
ଥିରୁଅନନ୍ତପୁରମ୍: ଲୋକସଭା ନିର୍ବାଚନର ଦ୍ବିତୀୟ ପର୍ଯ୍ୟାୟ ମତଦାନ ଜାରି ରହିଛି । 12ଟି ରାଜ୍ୟ ଏବଂ ଗୋଟିଏ କେନ୍ଦ୍ରଶାସିତ ଅଞ୍ଚଳର ମୋଟ 88 ଆସନରେ ଭୋଟ ଦେଉଛନ୍ତି ଜନତା । କେରଳର ସମସ୍ତ 20 ଆସନରେ ମତଦାନ ହେଉଛି । ଏହି କ୍ରମରେ ଧାଡିରେ ଛିଡା ହୋଇ ଗଣତନ୍ତ୍ରର ମହାପର୍ବରେ ସାମିଲ ହୋଇଛନ୍ତି ଭାରତୀୟ ମହାକାଶ ଗବେଷଣା ଅନୁସନ୍ଧାନ ସଂସ୍ଥା ଇସ୍ରା ମୁଖ୍ୟ ଏସ ସୋମନାଥ । କେରଳର ଥିରୁଅନନ୍ତପୁରମରେ ସେ ଭୋଟ ଦେଇଛନ୍ତି । ତେବେ ଭୋଟ ଦେବା ସମୟରେ ସେ ଅତ୍ୟନ୍ତ ଖୁସି ନଜର ଆସିଛନ୍ତି । ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି, "ମୁଁ ଆଜି ଭୋଟ ଦେଇ ଅତ୍ୟନ୍ତ ଖୁସି ରହିଛି । ସମସ୍ତଙ୍କ ଭୋଟ ମହତ୍ତ୍ବପୂର୍ଣ୍ଣ । ଭୋଟ ଦେବା ପାଇଁ କୁଣ୍ଠାବୋଧ କରନ୍ତୁ ନାହିଁ । ସମସ୍ତେ ଆସି ଭୋଟ ଦିଅନ୍ତୁ ।"