ଅଲମ୍ପିଆନ ମନୁ ଓ ସରବଜୋତଙ୍କ ସହ କଳିକେଶ ସିଂହଦେଓ; ଭିଡିଓ ଜାରି କରି କହିଲେ ଏମିତି - Kalikesh shares video message - KALIKESH SHARES VIDEO MESSAGE
Published : Aug 1, 2024, 10:30 PM IST
ବଲାଙ୍ଗୀର: ଭାରତୀୟ ଦଳର ଡେପୁଟି ଚିଫ୍ ଡି ମିଶନ ତଥା ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂହଦେଓଙ୍କ ଭିଡିଓ ବାର୍ତ୍ତା । ଉଭୟ ପଦକ ବିଜେତା ମନୁ ଭାକର ଓ ସରବଜୋତ ସିଂହଙ୍କ ସହ ଦେଶବାସୀଙ୍କ ପାଇଁ ଏକ ଭିଡିଓ ବାର୍ତ୍ତା ଜାରି କରିଛନ୍ତି କଳିକେଶ । ଚଳିତ ପ୍ୟାରିସ ଅଲିମ୍ପିକ୍ସରେ ମନୁ ଭାକର ଓ ସରବଜୋତ ସିଂହ ଭାରତ ପାଇଁ ମେଡାଲ ଜିତି ଦେଶବାସୀଙ୍କୁ ବିଶ୍ବ ସ୍ତରରେ ଗୌରବାନ୍ବିତ କରିଛନ୍ତି । ଏହି ଭିଡିଓରେ କଳିକେଶ ଉଭୟ ଖେଳାଳିଙ୍କ ଗହଣରେ ରହି ଉଭୟଙ୍କୁ ଦେଶର ଚମ୍ପିଆନ କହିବା ସହ ସେମାନେ ଦେଶ ପାଇଁ ମେଡାଲ ଜିତିଥିବାର କହିଛନ୍ତି ।
ଗତ ମଙ୍ଗଳବାର ପ୍ୟାରିସ ଅଲିମ୍ପିକ୍ସରେ ଦକ୍ଷିଣ କୋରିଆକୁ ୧୬–୧୦ରେ ପରାସ୍ତ କରି 10 ମିଟର ଏୟାର ପିସ୍ତଲ ଯୁଗଳ ବର୍ଗ ଇଭେଣ୍ଟରେ ଭାରତର ଷ୍ଟାର ସୁଟର ମନୁ ଭାକର ଏବଂ ସରବଜୋତ ସିଂହ ବ୍ରୋଞ୍ଜ ପଦକ ଜିତିଥିଲେ । ମନୁ ଭାକର ଏହା ପୂର୍ବରୁ ମହିଳାଙ୍କ ୧୦ ମିଟର ଏୟାର ପିସ୍ତଲ ଇଭେଣ୍ଟରେ ବ୍ରୋଞ୍ଜ ପଦକ ସହିତ ପ୍ୟାରିସ ଅଲିମ୍ପିକ୍ସରେ ଭାରତର ଖାତା ଖୋଲିଥିଲେ । କଳିକେଶ ଜାରି କରିଥିବା ଭିଡିଓରେ ମନୁ ଭାକର କହିଛନ୍ତି, "ଏହି ମେଡାଲ ଦେଶ ପାଇଁ ଓ ଦେଶବାସୀଙ୍କର । ଏହିପରି ଆଗକୁ ମଧ୍ୟ ପରିଶ୍ରମ ଜାରି ରଖିବି ।"
ଇଟିଭି ଭାରତ, ବଲାଙ୍ଗୀର