ହାଇଦ୍ରାବାଦ: ଦେଶରେ ପାର୍ବଣ ଋତୁ ଆରମ୍ଭ ହୋଇଛି । ଏଥିଲାଗି ଟାଟା ମୋଟର୍ସ ଗ୍ରାହକଙ୍କୁ ଦମଦାର ଫେଷ୍ଟିଭାଲ୍ ଅଫର ପ୍ରଦାନ କରିଛି । ଘରୋଇ କାର ନିର୍ମାତା କମ୍ପାନୀ ଟାଟା ମୋଟର୍ସ କାର ଫେଷ୍ଟିଭାଲର ଶୁଭାରମ୍ଭ ଅବସରରେ ଏହାର କାର ଏବଂ ଏସୟୁଭିର ମୂଲ୍ୟରେ ବଡ଼ ରିହାତି ପ୍ରଦାନ କରିଛି । ଆପଣ 31 ଅକ୍ଟୋବର ପର୍ଯ୍ୟନ୍ତ ଟାଟା ମୋଟର୍ସ କାର୍ ଫେଷ୍ଟିଭାଲ୍ ଅଫରର ଲାଭ ଉଠାଇ ପାରିବେ । ଟାଟା ମୋଟର୍ସର ଶସ୍ତା କାର ଟିଆଗୋର ପୂର୍ବ ଶୋ’ରୁମ୍ ମୂଲ୍ୟ ବର୍ତ୍ତମାନ 5 ଲକ୍ଷରୁ କମ୍ ହୋଇଛି । ଗ୍ରାହକମାନେ କ୍ରୟ ଉପରେ ପ୍ରାୟ 45,000 ଟଙ୍କା ପର୍ଯ୍ୟନ୍ତ ରିହାତି ପାଇପାରିବେ । ତେଣୁ ଯଦି ଆପଣ ନିଜ ପାଇଁ ଏକ ନୂତନ କାର କିଣିବାକୁ ଚିନ୍ତା କରୁଛନ୍ତି ତେବେ ଆପଣ ନିଶ୍ଚିତ ଭାବରେ ଏହି ଅଫର୍ ସହିତ ଏକ ଟାଟା କାର୍ ବିଷୟରେ ବିଚାର କରିବା ଉଚିତ ।
Tata Tiagoରେ କେତେ ଡିସକାଉଣ୍ଟ ?
ଟାଟା ଟିଆଗୋର ମୂଲ୍ୟ ପ୍ରାୟ 65 ହଜାର ଡିସକାଉଣ୍ଟ ରହିଛି । ଏହାର ଏକ୍ସ-ଶୋ ରୁମ ମୂଲ୍ୟ ଏବେ 4 ଲକ୍ଷ 99 ହଜାର 900 ଟଙ୍କା ରହିଛି । ଟାଟାର ଏହି ଅଫରକୁ ବଡ଼ ଫେଷ୍ଟିଭ ଅଫର ବୋଲି କୁହାଯାଉଛି ।
ଏହା ବି ପଢନ୍ତୁ- ମାର୍କେଟକୁ ଆସିଲା ଆଉ ଏକ ଦମଦାର କାର; ଲଞ୍ଚ ହେଲା Hyundai ALCAZAR
- Tata Nexon: ଟାଟା ମୋଟର୍ସର ଲୋକପ୍ରିୟ ସବ୍ -4 ମିଟର କମ୍ପାକ୍ଟ ଏସୟୁଭି Nexonର ପେଟ୍ରୋଲ ଏବଂ ଡିଜେଲ ଭାରିଏଣ୍ଟର ମୂଲ୍ୟ 80,000 ଟଙ୍କା ହ୍ରାସ ପାଇଛି । ଟାଟା ନେକ୍ସନର ନୂଆ ଏକ୍ସ-ଶୋରୁମ୍ ମୂଲ୍ୟ ବର୍ତ୍ତମାନ 7 ଲକ୍ଷ 99 ହଜାର 990 ଟଙ୍କାରୁ ଆରମ୍ଭ ହୋଇଛି ।
Tata Altroz (Tata Motors) - Tata Altrozରେ ବଡ଼ ଡିସକାଉଣ୍ଟ:- 'ଫେଷ୍ଟିଭାଲ୍ ଅଫ କାର୍' ଅଫର୍ ଅନୁଯାୟୀ ଟାଟା ମୋଟର୍ସ ପ୍ରିମିୟମ୍ ହ୍ୟାଚବ୍ୟାକ୍ ଅଲଟ୍ରୋଜର ମୂଲ୍ୟ 45 ହଜାର ଟଙ୍କା ହ୍ରାସ କରାଯାଇଛି । ନୂତନ ଏକ୍ସ-ଶୋ’ରୁମ୍ ମୂଲ୍ୟ ବର୍ତ୍ତମାନ 6 ଲକ୍ଷ 49 ହଜାର 900 ଟଙ୍କାରୁ ଆରମ୍ଭ ହେଉଛି ।
Tata Safari (Tata Motors) - Tata Safari ପ୍ରାଇସ ଡ୍ରପ୍:-ଏହି ଅଫର ସମୟ ମଧ୍ୟରେ ଟାଟା ମୋଟର୍ସର ସବୁଠାରୁ ଶକ୍ତିଶାଳୀ ଏସୟୁଭି ସଫାରିର ମୂଲ୍ୟ 1.80 ଲକ୍ଷ ଟଙ୍କା ହ୍ରାସ କରାଯାଇଛି । ନୂତନ ଏକ୍ସ-ସୋରୁମ୍ ମୂଲ୍ୟ ବର୍ତ୍ତମାନ 15.49 ଲକ୍ଷ ଟଙ୍କାରୁ ଆରମ୍ଭ ହୋଇଛି ।
- Tata Harrier:ଫେଷ୍ଟିଭ ଅଫର ଅନୁଯାୟୀ ଟାଟା ମୋଟର୍ସର ଶକ୍ତିଶାଳୀ ମିଡ ସାଇଜ୍ ଏସୟୁଭି Harrier ର ମୂଲ୍ୟ 1.60 ଲକ୍ଷ ଟଙ୍କା ହ୍ରାସ କରାଯାଇଛି । Harrierର ନୂତନ ଏକ୍ସ-ସୋରୁମ୍ ମୂଲ୍ୟ ବର୍ତ୍ତମାନ 14 ଲକ୍ଷ 99 ହଜାରରୁ ଆରମ୍ଭ ହୋଇଛି ।
- Tata Tigor:ଟାଟା ମୋଟର୍ସର ଏଣ୍ଟ୍ରି ଲେଭଲ୍ ସେଡାନ୍ Tigorର ମୂଲ୍ୟ 30,000 ଟଙ୍କା ପର୍ଯ୍ୟନ୍ତ ହ୍ରାସ କରାଯାଇଛି । ବର୍ତ୍ତମାନ ନୂତନ ଏକ୍ସ-ଶୋ’ରୁମ୍ ମୂଲ୍ୟ 5 ଲକ୍ଷ 99 ହଜାର 900 ଟଙ୍କାରୁ ଆରମ୍ଭ ହୋଇଛି । ଟାଇଗରର ପେଟ୍ରୋଲ ଏବଂ ସିଏନଜି ଭାରିଏଣ୍ଟର ମୂଲ୍ୟ ମଧ୍ୟ ହ୍ରାସ କରାଯାଇଛି ।
