ବ୍ରେନ ଟ୍ୟୁମର ଏକ ଗମ୍ଭୀର ରୋଗ ଅଟେ । ଏଥିରେ ମସ୍ତିଷ୍କ କୋଷିକାଗୁଡିକ ଅସ୍ବାଭାବିକ ବୃଦ୍ଧି ପାଇଥାଏ । ବୟସ୍କଙ୍କଠାରୁ ନେଇ ଛୋଟ ପିଲାଙ୍କ ପର୍ଯ୍ୟନ୍ତ ସବୁ ଶ୍ରେଣୀର ଲୋକଙ୍କୁ ଏହି ରୋଗ ହୋଇପାରେ । ବ୍ରେନ ଟ୍ୟୁମର ହେଲେ କ୍ୟାନ୍ସର ହେବାର ଆଶଙ୍କା ଅଧିକ ଥାଏ । ଏବେ ସମଗ୍ର ବିଶ୍ବର ଏହି ଟ୍ୟୁମର ମାମଲା ବଢି଼ ଚାଲିଛି । ତେବେ ଅନେକ ଲୋକ ବ୍ରେନ ଟ୍ୟୁମର ଲକ୍ଷଣକୁ ସାଧାରଣ ଭାବି ଅବହେଳା କରିଥାନ୍ତି । ଯାହାଫଳରେ ଟ୍ୟୁମର ବୃଦ୍ଧି ପାଇ ଗୁରୁତର ହୋଇଯାଏ ।
ବ୍ରେନ ଟ୍ୟୁମର ଦୁଇ ପ୍ରକାରର କ୍ୟାନ୍ସର ବ୍ରେନ ଟ୍ୟୁମର ଓ ବିନା କ୍ୟାନ୍ସରର ବ୍ରେନ ଟ୍ୟୁମର । କ୍ୟାନ୍ସର ବ୍ରେନ ଟ୍ୟୁମର ମସ୍ତିଷ୍କରେ ବିକାଶ ହୋଇ ଧୀରେ ଧୀରେ ଅନ୍ୟ ଭାଗକୁ ବ୍ୟାପିଥାଏ । ଚିକିତ୍ସା ପରେ ଏହା ପୁଣିଥରେ ହେବାର ସମ୍ଭାବନା ରହିଥାଏ । ତେବେ ସମସ୍ତ ବ୍ରେନ ଟ୍ୟୁମର କ୍ୟାନ୍ସର ହୋଇନଥିଲା ।
ବିନା କ୍ୟାନ୍ସରର ଟ୍ୟୁମର ଧୀର ଧୀରେ ବିକାଶିତ ହୋଇଥାଏ । ଏହାର ଚିକିତ୍ସା କରାଯିବା ପରେ ପୁଣି ଥରେ ଟ୍ୟୁମର ହେବାର ସମ୍ଭାବନା କମ୍ ଥାଏ ।
ବ୍ରେନ ଟ୍ୟୁମର ଲକ୍ଷଣ:
- ବାରମ୍ବାର ମୁଣ୍ଡବିନ୍ଧା ହେବା
- ଝାପ୍ସା ଦେଖାଯିବା
- ଦୂରଦୃଷ୍ଟି ଦୁର୍ବଳ ହେବା
- ସ୍ମରଣ ଶକ୍ତି କମିବା
- ନିଦ୍ରା ସମସ୍ୟା
- ଦୈନିକ ଗତିବିଧିରେ ପରିବର୍ତ୍ତନ
- ଥକ୍କାପଣ ଅନୁଭବ
- ବୁଝିବା ଓ ଭାବିବା କ୍ଷମତା କମିବା
- ବାନ୍ତି ଲାଗିବା/ବାନ୍ତି ହେବା
ଯଦି ଏହିସବୁ ସମସ୍ୟା ନିୟମିତ ଦେଖାଯାଉଛି ତେବେ ଆଦୌ ଅବହେଳା ନକରି ଡାକ୍ତରଙ୍କ ପରାମର୍ଶ ନିଅନ୍ତୁ ।
ବ୍ରେନ ଟ୍ୟୁମରର ବିଭିନ୍ନ କାରଣ ହୋଇପାରେ, ଯେପରିକି:-
ଡିଏନଏରେ ପରିବର୍ତ୍ତନ: ମସ୍ତିଷ୍କ କିମ୍ବା ଏହାର ଆଖପାଖ କୋଷିକାର ଡିଏନଏ ପରିବର୍ତ୍ତନ ହେଲେ ବ୍ରେନ ଟ୍ୟୁମର ହୋଇଥାଏ । ଏହି ପରିବର୍ତ୍ତିତ କୋଷିକା ତୀବ୍ର ଭାବେ ବଢିବାକୁ ଲାଗିଥାଏ ।
ରେଡିଏସନର କୁପ୍ରଭାବ: କୌଣସି ବ୍ୟକ୍ତି ଆୟୋନାଇଜିଂ ରେଡିଏସନ ସମ୍ପର୍କରେ ଆସିଲେ ବ୍ରେନ ଟ୍ୟୁମର ଆଶଙ୍କା ବଢିଥାଏ ।
ଆନୁବଂଶିକ: ଯଦି ପରିବାରରେ ପୂର୍ବରୁ କୌଣସି ସଦସ୍ୟଙ୍କୁ ବ୍ରେନ ଟ୍ୟୁମର ହୋଇଛି ତେବେ ଅନ୍ୟ ସଦସ୍ୟଙ୍କୁ ଏହି ରୋଗ ହେବାର ସମ୍ଭାବନା ଥାଏ ।
ଏଚଆଇଭି ବା ଏଡସ୍: ଯଦି ଆପଣଙ୍କ ଏଚଆଇଭି -ଏଡସ୍ ଥାଏ, ତେବେ ଅନ୍ୟ ଲୋକଙ୍କ ତୁଳନାରେ ଆପଣଙ୍କୁ ବ୍ରେନ ଟ୍ୟୁମର ହେବାର ଆଶଙ୍କା ଅଧିକ ।
ଅସ୍ବାସ୍ଥ୍ୟକର ଲାଇଫଷ୍ଟାଇଲ: ଅତ୍ୟଧିକ ଧୂମପାନ କରିବା, ବ୍ୟାୟାମ ନକରିବା ଓ ଖରାପ ଖାଦ୍ୟାଭ୍ୟାସ ତଥା ଅଧିକ ଚର୍ବିଯୁକ୍ତ ଖାଦ୍ୟ ସେବନ ଇତ୍ୟାଦି ଖରାପ ଲାଇଫଷ୍ଟାଇଲ ଅଟେ । ଏହାଦ୍ବାରା ବ୍ରେନ ଟ୍ୟୁମର ଆଶଙ୍କା ବଢିଥାଏ ।
ବ୍ରେନ ଟ୍ୟୁମର ବଡ ହୋଇଥିଲେ ନ୍ୟୁରୋସର୍ଜନଙ୍କ ଦ୍ବାରା ଅପରେସନ କରିବାକୁ ପଡିଥାଏ ।
Ref- https://pmc.ncbi.nlm.nih.gov/articles/PMC10453020/
(Disclaimer- ଏଠାରେ ଦିଆଯାଇଥିବା ସମସ୍ତ ସ୍ବାସ୍ଥ୍ୟ ସମ୍ବନ୍ଧୀୟ ସୂଚନା କେବଳ ଆପଣଙ୍କ ଜାଣିବା ପାଇଁ । ଏହା ଉପରେ ବିଚାର କରିବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଭଲ ।)
