ହାଇଦ୍ରାବାଦ:ଚାଇନିଜ ମୋବାଇଲ ନିର୍ମାତା କମ୍ପାନୀ ସାଓମି ଏହାର ପ୍ରଥମ 5ଜି ସ୍ମାର୍ଟଫୋନ ଲଞ୍ଚ ନେଇ ଘୋଷଣା କରିଛି । ଯାହାକି ଚଳିତ ମାସ 20 ତାରିଖରେ ଭାରତରେ ଲଞ୍ଚ ହେବାକୁ ଯାଉଛି । ଭାରତୀୟ ମୋବାଇଲ କଂଗ୍ରେସ (IMC) 2024ରେ ଏହି ହ୍ୟାଣ୍ଡସେଟ୍ ସାର୍ବଜନୀନ କରାଯାଇଛି । କ୍ବାଲକମର ଲାଟେଷ୍ଟ ସ୍ନାପଡ୍ରାଗନ 4s ଜେନେରେସନ ଚିପସେଟ୍ ସହିତ ଏହି ଫୋନ ଆସୁଛି । ସବୁଠୁ ଖାସ କଥା ହେଉଛି ସାଓମି ନିଜର ପ୍ରଥମ 5ଜି ସ୍ମାର୍ଟଫୋନକୁ 10ହଜାର ଟଙ୍କା ତଳେ ଲଞ୍ଚ କରିବାକୁ ଯାଉଥିବା ରିପୋର୍ଟରୁ ଜଣାପଡ଼ିଛି । ଏହି ସ୍ମାର୍ଟଫୋନର ନାଁ ହେଉଛି Redmi A4 5G ଫୋନ ।
Global Debut at IMC 24 (Credit- Redmi India) Redmi A4 5G ଲଞ୍ଚ ଓ କେଉଁଠି କିଣିବେ ?
ସାଓମି ଇଣ୍ଡିଆ ଓ ରେଡମି ଇଣ୍ଡିଆ ସୋସିଆଲ ମିଡିଆ ପୋଷ୍ଟ ଅନୁସାରେ ରେଡମି ଏ4 5ଜି ସ୍ମାର୍ଟଫୋନ ଭାରତରେ ନଭେମ୍ବର 20 ତାରିଖରେ ଲଞ୍ଚ ହେବ । ଏହି ଫୋନ ବ୍ଲାକ୍ ଓ ହ୍ବାଇଟ କଲର ସହିତ ଉପଲବ୍ଧ ରହେବ । ଗ୍ରାହକ ଏହାକୁ କମ୍ପାନୀର ଅଫିସିଆଲ ୱେବସାଇଟ, ଆମାଜନରୁ କିଣିପାରିବେ ।
Redmi A4 5g (Credit- Redmi India) Redmi A4 5G ଫିଚର ଓ ଡିଜାଇନ:-
ରେଡମି A4 5G ସ୍ନାପଡ୍ରାଗନ୍ 4s ଜେନ 2 SoC ଦ୍ବାରା ଚାଳିତ ବୋଲି ନିଶ୍ଚିତ ହୋଇଛି । ଏହି ଚିପସେଟ୍ ସହିତ ଏହା ଦୁନିଆର ପ୍ରଥମ ଫୋନ୍ ବୋଲି କୁହାଯାଉଛି । ଅଫିସିଆଲ୍ ମାଇକ୍ରୋସାଇଟ୍ ପ୍ରକାଶ କରିଛି ଯେ ଫୋନ୍ 120Hz ରିଫ୍ରେସ ରେଟ୍ ସହିତ 6.88-ଇଞ୍ଚ ଡିସପ୍ଲେ ପ୍ରଦାନ କରିବ । ସାଓମି ନିଶ୍ଚିତ କରିଛି ଯେ ରେଡମି A4 5Gକୁ 50 ମେଗା ପିକ୍ସେଲର ଡୁଆଲ୍ ରିଅର କ୍ୟାମେରା ୟୁନିଟ୍ ସହିତ ସଜାଯିବ । ପଛ ବୃତ୍ତାକାର କ୍ୟାମେରା ମଡ୍ୟୁଲ୍ ପ୍ୟାନେଲର ଉପର ଆଡକୁ ମଝିରେ ରଖାଯାଇଛି । ଫୋନ୍ ଏକ ଡୁଆଲ୍-ଟୋନ୍ ଫିନିସ୍ ସହିତ ଆସିବ, ଯାହାକୁ 'ସାଣ୍ଡୱିଚ୍ ଡିଜାଇନ୍' ବୋଲି କମ୍ପାନୀ ପରିଚିତ କରିଛି ।
Redmi A4 5g (Credit- Redmi India) ରେଡମି A4 5G ଦ୍ରୁତ ଚାର୍ଜିଂ ପାଇଁ ସମର୍ଥନ ସହିତ 5,160mAh ବ୍ୟାଟେରୀ ପ୍ୟାକ୍ ସହିତ ଆସିବ । ଏହି ହ୍ୟାଣ୍ଡସେଟ୍ 18W ୱେୟାର୍ଡ ଚାର୍ଜିଂକୁ ସମର୍ଥନ କରିବ । ଏହି ଫୋନକୁ 8 ମେଗାପିକ୍ସେଲର ସାମ୍ନା କ୍ୟାମେରା ମିଳିବାର ସମ୍ଭାବନା ଅଛି । ଏହି ସ୍ମାର୍ଟଫୋନରେ ସାଇଡ୍-ମାଉଣ୍ଟେଡ୍ ଫିଙ୍ଗର ପ୍ରିଣ୍ଟ ସେନ୍ସର ଏବଂ ଏକ USB ଟାଇପ୍-ସି ପୋର୍ଟ ରହିବ ବୋଲି ଆଶା କରାଯାଉଛି ।
ଦାମ କେତେ ରହିବ ?
- ସାଓମି ପୂର୍ବରୁ ଏହି ସ୍ମାର୍ଟଫୋନର ଦାମ 10ହଜାର ଟଙ୍କା ତଳେ ରଖିବ ବୋଲି ସ୍ପଷ୍ଟ କରିଛି ।
- 4GB + 128GB ଅପସନ ଲାଗି ଏହି ହ୍ୟାଣ୍ଡସେଟର ଦାମ Rs. 8,499 ଟଙ୍କା ରହିପାରେ ।
- 10ହଜାର ଟଙ୍କା ତଳେ 5G ସ୍ମାର୍ଟଫୋନ ମିଳିବାକୁ ନେଇ ବଜାରରେ ବେଶ ଚର୍ଚ୍ଚା ହେଉଛି ।
