ହାଇଦ୍ରାବାଦ:ଡିଜିଟାଲ ଯୁଗରେ ହ୍ବାଟ୍ସଆପ ଯୋଗାଯୋଗର ଏକ ପ୍ରମୁଖ ମାଧ୍ୟମ କହିଲେ ଅତ୍ୟୁକ୍ତି ହେବ ନାହିଁ । ହେଲେ ଆପଣଙ୍କ ହ୍ବାଟ୍ସଆପ ଆକାଉଣ୍ଟକୁ ଆପଣଙ୍କ ଅଜାଣତରେ ଆଉ କେହି ବି ବ୍ୟବହାର କରିପାରେ । ଏକା ସମୟରେ ଏହା ସମ୍ଭବ । ଯଦି ଆପଣଙ୍କ ଆକାଉଣ୍ଟକୁ ଅନ୍ୟ କେହି ଚଲଉଛି, ତେବେ ଆପଣଙ୍କ କିଛି ସହଜ ଷ୍ଟେପ ଅନୁସରଣ କରି ଏହା ଜାଣିପାରିବେ । ମୁଖ୍ୟତ ଆପଣଙ୍କୁ ପ୍ରାଇଭେସି ଓ ସିକ୍ୟୁରିଟି ଚେକ୍ କରିବା ଆବଶ୍ୟକ ।
ଯଦି ଆପଣ କିଛି ଅଜଣା ମେସେଜ, କଣ୍ଟାକ୍ଟସ୍ ଦେଖୁଛନ୍ତି, ତେବେ ସତର୍କ ହୋଇଯାଆନ୍ତୁ । ହ୍ବାଟ୍ସଆପର ସିକ୍ୟୁରିଟି ବ୍ୟବସ୍ଥା ବେଶ ଉଚ୍ଚକୋଟୀର ଥିବାରୁ ଆପଣଙ୍କ ଆକାଉଣ୍ଟ ସହିତ ଅନ୍ୟ କୌଣସି ଡିଭାଇସ ଲିଙ୍କ ଅଛି, ସେ ସମ୍ପର୍କରେ ଆପଣ ଜାଣିପାରିବେ ।
WhatsApp Security (ETV Bharat) Step 1:ଆପଣଙ୍କ ଡିଭାଇସରେ ହ୍ବାଟ୍ସଆପ ଖୋଲନ୍ତୁ । ଏହାପରେ ଡାହାଣ ପାର୍ଶ୍ବର ଉପରି ଭାଗରେ ଥିବା ଥ୍ରି-ଡଟ୍ ଅପସନ ଉପରେ ଟାପ୍ କରନ୍ତୁ ।
Step 2:ଏହାପରେ ଡ୍ରପଡାଉନ ମେନ୍ୟୁରେ ଆପଣଙ୍କୁ 'Linked Device' ଅପସନ ଦେଖିବାକୁ ମିଳିବ । ଏହା ଉପରେ କ୍ଲିକ କରି ଆପଣ ଆକାଉଣ୍ଟ ସହିତ ଅନ୍ୟ କୌଣସି ଡିଭାଇସ ଲିଙ୍କ ହୋଇଛି ତାହା ଆପଣ ଜାଣିପାରିବେ ।
Step 3 :Linked Device ପେଜରେ ଆପଣଙ୍କ ଆକାଉଣ୍ଟ ସହ ଲିଙ୍କ ହୋଇଥିବା ଡିଭାଇସଗୁଡ଼ିକ ଦୃଶ୍ୟମାନ ହେବ ।
Step 4:ସେଥିରେ ଏକାଧିକ ଡିଭାଇସ ଲିଙ୍କ ହୋଇଥିଲେ ସେଠାରେ ଆପଣଙ୍କୁ ଉକ୍ତ ଡିଭାଇସର ନାମ ସହିତ Last date ଓ ଟାଇମ ଦେଖାଇବ ।
Step 5:ତାଲିକାରେ ଥିବା ସମସ୍ତ ଡିଭାଇସକୁ ଆପଣ ଭଲ ଭାବେ ଯାଞ୍ଚ କରନ୍ତୁ । ଏହାପରେ ଉକ୍ତ ଡିଭାଇସରୁ Log out ଅପସନ ଉପରେ ଟାପ୍ କରି ଏହାକୁ ବନ୍ଦ କରନ୍ତୁ । ଏହାପରେ ଉକ୍ତ ବ୍ୟକ୍ତି ଜଣକ ଆପଣଙ୍କ ହ୍ବାଟ୍ସଆପ ଆକାଉଣ୍ଟ ଆକ୍ସେସ ନିଜ ପାଖରେ ରଖିପାରିବ ନାହିଁ ।
WhatsApp Security (ETV Bharat) କିପରି ଏଥିରୁ ବର୍ତ୍ତିବେ ?
- ନିଜ ହ୍ବାଟ୍ସଆପ ଆକାଉଣ୍ଟକୁ ସୁରକ୍ଷିତ ରଖିବାକୁ ହେଲେ ସମୟେ ସମୟେ 'Linked Device'କୁ ଯାଞ୍ଚ କରନ୍ତୁ । ଯଦି ଅନ୍ୟ ଆକାଉଣ୍ଟ ଲିଙ୍କ ହୋଇଥିବ ତେବେ ତାହା ଏଠାରେ ଦୃଶ୍ୟମାନ ହେବ ।
- ହ୍ବାଟ୍ସଆପ ୱେବର ଆକ୍ଟିଭ ସେସସକୁ ଯାଞ୍ଚ କରନ୍ତୁ ।
- ଆପଣଙ୍କ ପ୍ରୋଫାଇଲ ଫଟୋଠୁ ଆରମ୍ଭ କରି ମେସେଜ ଉପରେ ନଜର ରଖନ୍ତୁ । ୟଦି ଆପଣ କିଛି ପରିବର୍ତ୍ତନ ଦେଖନ୍ତି, ତେବେ ଅନ୍ୟ କେହି ଆପଣଙ୍କ ହ୍ବାଟ୍ସଆପ ଆକାଉଣ୍ଟ ବ୍ୟବହାର କରୁଛି ବୋଲି ଆପଣ ଜାଣିପାରିବେ ।
