ଭୁବନେଶ୍ୱର:ରାଜଧାନୀ ଭୁବନେଶ୍ୱରର ଏକ ହଷ୍ଟେଲରୁ ଜଣେ ଯୁବତୀଙ୍କ ମୃତଦେହ ଉଦ୍ଧାର କରାଯାଇଛି । ମୃତ ଯୁବତୀ କେନ୍ଦ୍ରାପଡା ଅଞ୍ଚଳର ଓ ସେ ଜଣେ ଫୁଡ ବ୍ଲଗର ଭାବେ ଜଣାଶୁଣା ଥିଲେ । ଇନଫୋସିଟି ଥାନା ଅଞ୍ଚଳରେ ଥିବା ଏକ ଘରୋଇ ମହିଳା ହଷ୍ଟେଲ ମୃତଦେହ ଉଦ୍ଧାର କରାଯାଇଛି । ଯୁବତୀ ଜଣକ ଜୀବନ ହାରିଥିବା ନେଇ ହଷ୍ଟେଲ କର୍ତ୍ତୃପକ୍ଷ କହୁଥିବା ବେଳେ ମୃତକଙ୍କ ପରିବାର ହତ୍ୟା ଅଭିଯୋଗ ଆଣିଛନ୍ତି । ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
- ଫୁଡ ବ୍ଲଗରଙ୍କ ମୃତଦେହ ଉଦ୍ଧାର
ପୋଲିସର ପ୍ରାଥମିକ ତଦନ୍ତ ଅନୁସାରେ, ମୃତ ଯୁବତୀଙ୍କ ଘର କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଅଞ୍ଚଳରେ । ବେଳେ ସେ ୪ ବର୍ଷ ହେଲା ଇନଫୋସିଟି ଥାନା ଅଞ୍ଚଳର ଏକ ଘରୋଇ ହଷ୍ଟେଲରେ ରହିଆସୁଥିଲେ । ଗତକାଲି (ରବିବାର) ସେ ଦିନ ସାରା ହଷ୍ଟେଲ ବାହାରକୁ ବାହାରି ନଥିବା ବେଳେ ଆଜି (ସୋମବାର) ବାଥରୁମରୁ ତାଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବତୀଜଣକ ଏକ ବିଲଡର ସଂସ୍ଥାରେ କାମ କରିବା ସହ ସୋସିଆଲ ମିଡିଆରେ ଜଣେ ଫୁଡ ବ୍ଲଗର ଭାବେ ବେଶ ପରିଚିତ ଥିଲେ ।
- ହତ୍ୟା ଅଭିଯୋଗ ଆଣିଲେ ମୃତ ଯୁବତୀଙ୍କ ବାପା
ମୃତ ଯୁବତୀଙ୍କ ବାପା କହିଛନ୍ତି,"ରବିବାର ଦିନ ସାରା ଝିଅ ହଷ୍ଟେଲ ଭିତରେ ଥିବା ନେଇ ହଷ୍ଟେଲ କର୍ତ୍ତୃପକ୍ଷ କହିଛନ୍ତି । ରବିବାର ଦିନ ସେ ରୁମରୁ ବାହାରକୁ ବାହାରିନଥିଲା । ହଷ୍ଟେଲ କର୍ତ୍ତୃପକ୍ଷ ଏନେଇ କାହିଁକି ଯାଞ୍ଚ କଲେ ନାହିଁ । ତାଙ୍କୁ ହତ୍ୟା କରାଯାଇଛି ।’’
| ଏହାମଧ୍ୟ ପଢନ୍ତୁ... |