ନିମାପଡା: ବାଜୁଛି ଡିଜେ, ଚାଲିଛି ମନ୍ତ୍ରପାଠ । ବୈଦିକ ରୀତିନୀତି ହେଉଛି ବିବାହ । ଆଉ ଗାଁଲୋକଙ୍କ ପାଇଁ ହୋଇଛି ଭୋଜି ଭାତର ଆସର । ପୂରା ଗାଁ ବାହାଘରରେ ଝୁମି ଉଠୁଛି । ଭାବୁଛନ୍ତି କି ବିନା ବିବାହ ତିଥିରେ କେଉଁଠି ଚାଲିଛି ଏମିତି ବିବାହ । ଆୟୋଜନ ସତ ହେଲେ । କୁମାର ପୂର୍ଣ୍ଣିମାରେ ଚାଲିଛି କଣ୍ଢେଇ ବିବାହ । ଏମିତି ଏକ ନିଆରା ବିବାହ ଦେଖିବାକୁ ମିଳିଛି ପୁରୀ ଜିଲ୍ଲା ପିପିଲି ଭାରତୀପୁର ଗ୍ରାମରେ । ସାମାଜିକ ବାର୍ତ୍ତା ଦେବାକୁ ଏଭଳି ବିବାହର ଆୟୋଜନ କରୁଛନ୍ତି ଗାଁ ଲୋକେ ।
କୁମାର ପୂର୍ଣ୍ଣିମାରେ କଣ୍ଢେଇ ବିବାହ:
କୁଆରୀ ଝିଅ ମାନେ ସକାଳୁ ସୂର୍ଯ୍ୟ ପୂଜା ରୀତିନୀତିରେ ପୂଜାର୍ଚ୍ଚନା କରିବା ପରେ ସନ୍ଧ୍ୟାରେ ହୁଏ କଣ୍ଢେଇ ବାହାଘର । କଣ୍ଢେଇ ବାହାଘର ଅର୍ଥ ଦୁଇ କୁମାରୀଙ୍କ ମଧ୍ୟରେ ବିବାହ କରାଯାଏ । ଲକ୍ଷ୍ମୀ ପୂରାଣନୁସାରେ ଯେଉଁ ଦିନ ଲକ୍ଷ୍ମୀ ନାରାୟଣଙ୍କ ବିବାହ ତିଥି ଥାଏ ଉକ୍ତ ଦିନ ଗ୍ରାମର ଦୁଇଜଣ କୁମାରୀ କନ୍ୟାଙ୍କ ମଧ୍ୟରେ ବୈଦିକ ରିତୀନୀତିନୁସାରେ ବିବାହ କାର୍ଯ୍ୟ ହୋଇଥାଏ ।
ରୀତିନୀତିରେ ହୁଏ ବିବାହ:
ବରପକ୍ଷ ଶୋଭାଯାତ୍ରାରେ ଆସି କନ୍ୟା ଘରେ ପହଁଚିବା ପରେ ଆରମ୍ଭ ହୋଇଥାଏ ବିବାହ କାର୍ଯ୍ୟ । ବୈଦିକ ରୀତି ଭଳି ଦୁଇ ଜଣ ଝିଅଙ୍କ ମଧ୍ୟରେ ବିବାହ କାର୍ଯ୍ୟ ସମ୍ପୂର୍ଣ୍ଣ ହେବା ପରେ ଵନ୍ଦାପନା ମଧ୍ୟ କରାଯାଇ ଥାଏ ନବ ବଧୁଙ୍କୁ । କୁମାରୀ ଝିଅ ମାନଙ୍କ ଦ୍ଵାରା ପ୍ରସ୍ତୁତ କରାଯାଇ ଥିବା ଭୋଜିରେ ଆପାୟିତ ହୋଇଥାନ୍ତି ସମସ୍ତେ । ଏହି ନିଆରା ଉତ୍ସବରେ ସାମିଲ ହେବା ପାଇଁ ବନ୍ଧୁ ଵର୍ଗଙ୍କୁ ନିମନ୍ତ୍ରଣ କରାଯାଇଥାଏ ।
ଯୌତୁକ ପ୍ରଥା ବନ୍ଦ ପାଇଁ ବାର୍ତ୍ତା:
ବିଶେଷ କରି ସମାଜର କଳୁଷିତ ଯୌତୁକ ପ୍ରଥା ବନ୍ଦ କରିବା ଏହି କଣ୍ଡେଇ ବିବାହ ହୁଏ । ଗ୍ରାମର ଝିଅ ମାନେ ଏକାଠି ହୋଇ ଗତ ଦଶ ବର୍ଷଧରି କରି ଆସୁଥିଲା ବେଳେ ଯୌତୁକ ବିନା ବିବାହ ସମ୍ଭବ ମୁଖ୍ୟ ଉଦ୍ଦେଶ୍ୟ ରଖି ଏହି ପରମ୍ପରାକୁ ଉଜ୍ଜୀବିତ ରଖିଛନ୍ତି । ଭାରତୀପୁର ଗ୍ରାମର ଝିଅଙ୍କ ଏହି ପ୍ରୟାସ ନୂଆ ସମାଜ ଗଠନରେ ସହାୟକ ହେବ ବୋଲି ଆଶା କରାଯାଉଛି ।
ଆଡମ୍ବରରେ ପାଳନ ହୁଏ କୁମାର ପୂର୍ଣ୍ଣିମା: