ଝାରସୁଗୁଡ଼ା: କାରଖାନାରେ ବଡ଼ ଧରଣର ଦୁର୍ଘଟଣା । ଝାରସୁଗୁଡ଼ା ସହର ଉପକଣ୍ଠରେ ଥିବା ଓଡ଼ିଶା ମେଟାଲିକ୍ସରେ ଘଟିଛି ଭୟଙ୍କର ଦୁର୍ଘଟଣା । କାରଖାନାରେ ଭେନିଫିକେସନ ଫିଲ୍ଟର ପ୍ରେସ ସାଇଡ୍ ଭୁଶୁଡ଼ି ପଡ଼ିବା ଫଳରେ ଘଟଣାରେ ୨ ଜଣଙ୍କ ମୃତ୍ୟୁ ଘଟିଛି । ୫ରୁ ଉର୍ଦ୍ଧ୍ବ ଗୁରୁତର ଆହତ ହୋଇ ଚିକିତ୍ସିତ ହେଉଛନ୍ତି । ତେବେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
କେମିତି ହେଲା ଦୁର୍ଘଟଣା:
ସୂଚନା ଅନୁସାରେ, ଝାରସୁଗୁଡା ବୁଡ଼ିପଦର ସ୍ଥିତ ଓଡ଼ିଶା ମେଟାଲିକ ପ୍ରାଇଭେଟ ଲିମିଟେଡ଼ କମ୍ପାନୀ ଆଜି ଦିନ ପ୍ରାୟ ୧୧ଟା ପାକାପାଖି ସମୟରେ କିଛି ଶ୍ରମିକ କାମ କରୁଥିଲେ । ଏହି ସମୟରେ କାରଖାନାରେ ଭେନିଫିକେସନ ଫିଲ୍ଟର ପ୍ରେସ ସାଇଡର ଏକ ମେଟାଲ ପ୍ଲେଟ ସେମାନଙ୍କ ଉପରେ ଭୁଶୁଡ଼ି ପଡ଼ିଥିଲା । ଫଳରେ ଏହା ଭିତରେ ଅନେକ ଶ୍ରମିକ ଫସି ଯାଇଥିଲେ । ସେଠାରୁ ୭ ଜଣ ଶ୍ରମିକଙ୍କୁ ଉଦ୍ଧାର କରାଯାଇଥିଲା । ସେମାନଙ୍କ ମଧ୍ୟରୁ ୨ ଜଣଙ୍କ ମୃତ୍ୟୁ ଘଟିଥିବା ବେଳେ ୫ ଜଣ ଗୁରୁତର ଆହତ ହୋଇ ଚିକିତ୍ସିତ ହେଉଛନ୍ତି । ତେବେ ମୃତ ୨ ଜଣ ହେଲେ ଗଞ୍ଜାମ ଜିଲ୍ଲାର ୩୪ ବର୍ଷୀୟ ପୂର୍ଣ୍ଣଚନ୍ଦ୍ର ଜେନା ଓ ଝାଡ଼ଖଣ୍ଡର ୩୯ ବର୍ଷୀୟ ଅଲେଖ ଦେଓ ସାହୁ ।
| ଏହା ମଧ୍ୟ ପଢ଼ନ୍ତୁ...ଏନଏଚ-୫୫ରେ ସିରିଜ ଦୁର୍ଘଟଣା: ଜଣେ ମୃତ, ଜଣେ ଗୁରୁତର, ଉତ୍ତ୍ୟକ୍ତ ଲୋକଙ୍କ ହାବୁଡରେ ପଡ଼ି ହଟହଟା ହେଲେ ମନ୍ତ୍ରୀ - ROAD ACCIDENT IN DHENKANAL |
ପୋଲିସର ତଦନ୍ତ ଜାରି: