କଟକ:ବାଲିଯାତ୍ରାର ତୃତୀୟ ଦିନରେ ଏକ ବଡ଼ ଅଘଟଣ ଘଟିଛି । ବିଦ୍ୟୁତ ଆଘାତରେ ଜଣେ ଛାତ୍ରଙ୍କ ମୃତ୍ୟୁ ହୋଇଛି । ମୃତ ଛାତ୍ର ଜଣକ ହେଉଛନ୍ତି ବିଶ୍ୱପ୍ରକାଶ ମନ୍ଥନ । ତାଙ୍କ ଘର ଜଗତସିଂହପୁର ଜିଲ୍ଲାର ହୋଇଥିବା ବେଳେ ବୟସ ୧୮ ବର୍ଷ ହେବ । ସେ କଟକରେ ପାଠ ପଢ଼ୁଥିବା ବେଳେ ଛୁଟିରେ ଫେରି କଟକ ବାଲିଯାତ୍ରା ଦେଖିବା ପାଇଁ ଆସିଥଲେ । ଯାତ୍ରା ପଡିଆ ନିକଟରେ ଥିବା ରିଂ-ବନ୍ଧରେ ଲାଗିଥିବା ଲିଚୁ ଲାଇଟ ତାର ସଂସ୍ପର୍ଶରେ ଆସିବାରୁ ତାଙ୍କର ମୃତ୍ୟୁ ହୋଇଛି । ଅନ୍ୟପଟେ ଏହି ଘଟଣାକୁ ନେଇ ତଦନ୍ତ କମିଟି ଗଠନ କରିଛି କଟକ ଜିଲ୍ଲା ପ୍ରଶାସନ । ଯେଉଁଠି ଘଟଣା ଘଟିଥିଲା ସେହି ସ୍ଥାନ ଯାଞ୍ଚ କରିଛି ତଦନ୍ତକାରୀ ଟିମ ।
ବାଲିଯାତ୍ରାରେ ଅଘଟଣ:
ବାଲିଯାତ୍ରା ଇତିହାସରେ ପ୍ରଥମ । ଘଟି ଚାଲିଛି ଗୋଟିଏ ପରେ ଗୋଟିଏ ଅଘଟଣ । ପ୍ରଥମ ଦିନରେ ରାଗିଲେ ମୁଖ୍ୟମନ୍ତ୍ରୀ, ଦ୍ୱିତୀୟ ଦିନରେ ବନ୍ଦ ହେଲା ଅସୀମା ପଣ୍ଡାଙ୍କ କାର୍ଯ୍ୟକ୍ରମ ଆଉ ତୃତୀୟ ଦିନରେ କରେଣ୍ଟ ଲାଗି ଚାଲିଗଲା ଏକ ଛାତ୍ରର ଜୀବନ । ଗତକାଲି(ରବିବାର) ବାଲିଯାତ୍ରାରେ ଲକ୍ଷାଧିକ ଜନସମାଗମ ହୋଇଥିଲା । ଏହି ସମୟରେ କଟକ ତୁଳସୀପୁର ସ୍ଥିତ ସରସ୍ବତୀ ଶିଶୁ ମନ୍ଦିରର +୨ରେ ପଢୁଥିବା ଛାତ୍ର ବିଶ୍ୱ ପ୍ରକାଶ ମନ୍ଥନ ଓ ତାଙ୍କ ସାଙ୍ଗ ବାଲିଯାତ୍ରା ଦେଖିବା ପାଇଁ ଆସିଥିଲେ । କ୍ୟାଣ୍ଟନମେଣ୍ଟ ଥାନା ନିକଟ ରାସ୍ତା ପାସ କରୁଥିଲା ବେଳେ ଲିଚୁ ଲାଇଟ୍ କରେଣ୍ଟ ଲାଗି ଘଟଣା ସ୍ଥଳରେ ପ୍ରାଣ ହରାଇଥିଲେ ବିଶ୍ୱପ୍ରକାଶ ।
ଅଘଟଣ ପାଇଁ ପ୍ରଶାସନକୁ ଦାୟୀ କଲେ ବିଧାୟିକା:
ଗୋଟିଏ ପଟେ ଏହି ଅପମୃତ୍ୟୁ ପାଇଁ ପରିବାର ନ୍ୟାୟ ଦାବି କରିଥିଲା ବେଳେ ଅନ୍ୟପଟେ ଘଟଣା ଘଟିବା ପରେ ପ୍ରଶାସନକୁ ସିଧାସଳଖ ଦାୟୀ କରିଛନ୍ତି ବାରବାଟୀ ବିଧାୟିକା ସୋଫିଆ ଫିର୍ଦୋଷ । ସୋଫିଆ କହିଛନ୍ତି, ‘ପ୍ରଶାସନିକ ଅଧିକାରୀଙ୍କ ବେପରୁଆ ମନୋଭାବ ପାଇଁ ଏଭଳି ଦୃଶ୍ୟ ସାମ୍ନାକୁ ଆସିଛି । ମୃତକଙ୍କ ପରିବାରକୁ ଶୀଘ୍ର କ୍ଷତିପୂରଣ ଦେବା ପାଇଁ ଆମେ ଦାବି କରିଛୁ । କାହାକୁ ଦାୟିତ୍ବ ଦିଆଯାଇଥିଲା । କାହିଁକି ଏମିତି ଦୁଃଖଦ ଘଟଣା ଘଟିଲା ତାହାର ତଦନ୍ତ ହେଉ । ଯିଏ ଦାୟିତ୍ବରେ ଅଛନ୍ତି ତାଙ୍କୁ ନିଲମ୍ବିତ କରାଯାଉ ।’
ଘଟଣାସ୍ଥଳରେ ତଦନ୍ତ କଲା ଟିମ୍: