ନିମାପଡ଼ା:ପୁରୀ ଜିଲ୍ଲା ନିମାପଡ଼ାରେ ନିର୍ବାଚନୀ ହିଂସା । କଂଗ୍ରେସ କାର୍ଯ୍ୟାଳୟ ଭଙ୍ଗାରୁଜା, ପୋଡ଼ିଲେ କଂଗ୍ରେସ ବ୍ୟାନର ।ରାଜ୍ୟ ରାଜନୀତିରେ ନିମାପଡ଼ା ନିର୍ବାଚନ ମଣ୍ଡଳୀ ସବୁବେଳେ ଚର୍ଚ୍ଚାରେ ରହି ଆସିଛି । ଏବେ ଠାରୁ ୨୦୨୪ ସାଧାରଣ ନିର୍ବାଚନ ପାଇଁ ରାଜନୈତିକ ବାତାବରଣ ସରଗରମ ହେବାରେ ଲାଗିଛି । ନିର୍ବାଚନ ସମୟ ଯେତିକି ପାଖେଇ ଆସୁଛି ଆଶାୟୀ ପାର୍ଥୀମାନଙ୍କ ଉତ୍କଣ୍ଠା ସେତିକି ବଢ଼ିବାରେ ଲାଗିଛି । କିଭଳି ନିର୍ବାଚନ ବୈତରଣୀ ପାରି ହେବେ ରଣନୀତି ସେଥି ପାଇଁ ସବୁ ଦଳ ପ୍ରସ୍ତୁତ ଚଳାଇ ଥିଲାବେଳେ ଏବେ ନିମାପଡ଼ାରେ ଦେଖା ଦେଲାଣି ରାଜନୈତିକ ହିଂସା । କଂଗ୍ରେସ ଅଫିସ ଆଗରେ କିଛି ଦୁର୍ବୃତ୍ତ କଂଗ୍ରେସ ବ୍ୟାନର ପୋଡ଼ିବା ସହ ବ୍ୟପକ ଭଙ୍ଗାରୁଜା କରିଥିବା ଅଭିଯୋଗ ହୋଇଛି ।
ଶ୍ୟାମସୁନ୍ଦରପୁରରେ ଥିବା କଂଗ୍ରେସ କାର୍ଯ୍ୟାଳୟ ଭଙ୍ଗାରୁଜା । ଗତକାଲି ବିଳମ୍ବିତ ରାତିରେ କିଛି ଯୁବକ କାର୍ଯ୍ୟାଳୟରେ ଭଙ୍ଗାରୁଜା କରିବା ସହିତ କଂଗ୍ରେସ ବ୍ୟାନର ପୋଡ଼ିଥିବା ଅଭିଯୋଗ ହୋଇଛି । କଂଗ୍ରେସ କାର୍ଯ୍ୟାଳୟକୁ ଭଙ୍ଗା ରୁଜା କରିଛନ୍ତି ଦୁର୍ବୁତ୍ତ । ଦୁର୍ବୁତ୍ତ ମାନେ ଥଣ୍ଡା ଓ ମଦ ବୋତଲ କଂଗ୍ରେସ କାର୍ଯ୍ୟାଳୟକୁ ଫିଙ୍ଗି ଥିବାବେଳେ କାର୍ଯ୍ୟାଳୟ ଭିତରେ ଥିବା ଜଣେ କର୍ମଚାରୀ ଭୟଭୀତ ହୋଇ ପଡ଼ିଥିଲେ । ଏ ନେଇ ନିମାପଡ଼ା ଥାନାରେ ଅଭିଯୋଗ କରିଛନ୍ତି କଂଗ୍ରେସ ନେତା ସିଦ୍ଧାର୍ଥ ରାଉତରାୟ ।
ବିଜେଡ଼ି ନିର୍ବାଚନ ହାରିଯିବା ଭୟରେ ଏଭଳି ହୀନ କାର୍ଯ୍ୟ କରିଥିବା କହିଛନ୍ତି ସିଦ୍ଧାର୍ଥ ରାଉତରାୟ । ଏଭଳି ଅପରାଧୀକ କାର୍ଯ୍ୟକଳାପ ଘଟଣାଇ କ'ଣ ବିଜେଡ଼ି ଜିତି ଯିବ କି ବୋଲି ପ୍ରଶ୍ନ କରିଛନ୍ତି ସେ । ସେପଟେ ଥାନା ଅଧିକାରୀ ବାମଦେବ ସ୍ବାଇଁ ଘଟଣାସ୍ଥଳକୁ ଯାଇ ଅନୁସନ୍ଧାନ କରିବା ସହିତ ଶୀଘ୍ର ଅପରାଧୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣା କରାଯିବ ବୋଲି ପ୍ରତିଶୃତି ଦେଇଛନ୍ତି । ଏହି ଘଟଣାକୁ କଂଗ୍ରେସ ନେତା ସିଦ୍ଧାର୍ଥ ରାଉତରାୟ ଦୃଢ଼ ନିନ୍ଦା କରିଛନ୍ତି ।