ନୂଆଦିଲ୍ଲୀ:ଶାନ୍ତି ସ୍ବରୂପ ଭଟନାଗର ଆଓ୍ବାର୍ଡ ଜିତିଲେ ଦୁଇ ଓଡିଆ ବୈଜ୍ଞାନିକ । ମହାକାଶ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ପାଇଁ ଡକ୍ଟର ଦିଗେନ୍ଦ୍ରନାଥ ସ୍ବାଇଁ ଏବଂ କୃଷି ବୈଜ୍ଞାନିକ ସ୍ବରୂପ କୁମାର ପରିଡାଙ୍କୁ ଏହି ସମ୍ମାନରେ ସମ୍ମାନିତ କରିଛନ୍ତି ରାଷ୍ଟ୍ରପତି ମୁର୍ମୁ । ବିଜ୍ଞାନ କ୍ଷେତ୍ରରେ ସର୍ବୋଚ୍ଚ ସମ୍ମାନଜନକ ଶାନ୍ତି ସ୍ବରୂପ ଭଟନାଗର ପୁରସ୍କାର ଜିତି ରାଜ୍ୟ ପାଇଁ ଗୌରବ ଆଣିଛନ୍ତି ଓଡିଶା ମାଟିର ଦୁଇ ସୁଯୋଗ୍ୟ ସନ୍ତାନ । ଯାନ୍ତ୍ରିକ ବିଜ୍ଞାନ ଓ ପ୍ରଯୁକ୍ତି କ୍ଷେତ୍ରରେ ଅବଦାନ ପାଇଁ ଶାନ୍ତି ସ୍ବରୂପ ଭଟନାଗର ପୁରସ୍କାରରେ ସମ୍ମାନିତ ହୋଇଛନ୍ତି ଦିଗେନ୍ଦ୍ରନାଥ ସ୍ବାଇଁ ।
Digendranath Swain (@rashtrapatibhvn) ଗୁରୁବାର ରାଷ୍ଟ୍ରପତି ଭବନ ଗଣତନ୍ତ୍ର ମଣ୍ଡପରେ ଆୟୋଜିତ ପୁରସ୍କାର ବିତରଣ ସମାରୋହରେ ବିଜ୍ଞାନ କ୍ଷେତ୍ରରେ ସର୍ବୋଚ୍ଚ ତଥା ସମ୍ମାନଜନକ ପୁରସ୍କାର ପ୍ରଦାନ କରିଛନ୍ତି ରାଷ୍ଟ୍ରପତି ଦୌପଦୀ ମୁର୍ମୁ । ଓଡିଶା ମାଟିର ଦୁଇ ସୁଯୋଗ୍ୟ ସନ୍ତାନ ଏହି ସମ୍ମାନଜନକ ଶାନ୍ତି ସ୍ବରୂପ ଭଟନାଗର ପୁରସ୍କାର ପାଇଛନ୍ତି ।
ଏହା ବି ପଢନ୍ତୁ- 33ଜଣଙ୍କୁ ରାଷ୍ଟ୍ରୀୟ ବିଜ୍ଞାନ ପୁରସ୍କାର, ଦେଖନ୍ତୁ କେଉଁ କ୍ଷେତ୍ରରେ କାହାକୁ ମିଳିଲା ସମ୍ମାନ ? - Rashtriya Vigyan Puraskar
ମହାକାଶ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା କ୍ଷେତ୍ରରେ ଉଲ୍ଲେଖନେୟ ଅବଦାନ ପାଇଁ ଓଡିଆ ବୈଜ୍ଞାନିକ ଦିଗେନ୍ଦ୍ରନାଥ ସ୍ବାଇଁଙ୍କୁ ଏହି ସମ୍ମାନ ମିଳିଛି । ଡକ୍ଟର ସ୍ବାଇଁ ବର୍ତ୍ତମାନ କେରଳ ଥିରୁଅନନ୍ତପୁରମ ସ୍ଥିତ EXMD/STR, ବିକ୍ରିମ ସାରାଭାଇ ସ୍ପେଶ୍, ସେଣ୍ଟର ଇସ୍ରୋରେ କାର୍ଯ୍ୟରତ । ଡକ୍ଟର ସ୍ବାଇଁ ଲଞ୍ଚ ଯାନ ସଂରଚନାର ପରୀକ୍ଷାମୂଳକ କଠିନ ଯାନ୍ତ୍ରିକ କାର୍ଯ୍ୟରେ ପାରଦର୍ଶୀତା ଲାଭ କରିଛନ୍ତି । DIC ବ୍ୟବହାର କରି ଗଠନମୂଳକ ଯୋଗ୍ୟତା ପରୀକ୍ଷଣକୁ ସମର୍ଥନ କରିବାରେ ଉଲ୍ଲେଖନୀୟ ଅବଦାନ ରହିଛି । ସିଷ୍ଟମ୍, ଡିଜିଟାଲ୍ ଶିଆରୋଗ୍ରାଫି ସିଷ୍ଟମ୍, ଅପ୍ଟିକାଲ୍ କୌଶଳ ବ୍ୟବହାର କରି ବିନାଶକାରୀ ପରୀକ୍ଷଣ, ଇତ୍ୟାଦି କ୍ଷେତ୍ରରେ ତାଙ୍କର ଅଭିଜ୍ଞତା ରହିଛି ।
ଏହା ବି ପଢନ୍ତୁ- ଦେଶ ପାଳୁଛି ପ୍ରଥମ ଜାତୀୟ ମହାକାଶ ଦିବସ, ଜାଣନ୍ତୁ ଚନ୍ଦ୍ରଯାନ-3ର ଇତିହାସ - National Space Day 2024
ଅନ୍ୟପଟେ କୃଷି ବିଜ୍ଞାନୀ ସ୍ବରୂପ କୁମାର ପରିଡା ମଧ୍ୟ ଏହି ସମ୍ମାନ ଜନକ ପୁରସ୍କାର ପାଇଛନ୍ତି । ସେ ବର୍ତ୍ତମାନ ନୂଆଦିଲ୍ଲୀ ସ୍ଥିତ, ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ପ୍ଲାଣ୍ଟ ଜେନୋମି ରିସର୍ଚ୍ଚ (NIPGR)ରେ କାର୍ଯ୍ୟରତ । ଇଣ୍ଟିଗ୍ରେଟେଡ୍ ପରବର୍ତ୍ତି ପିଢୀ ମୋଲେକୁଲାର ପ୍ରଜନନ କ୍ଷେତ୍ରରେ ତାଙ୍କର ଭୂମିକା ଅତୁଳନୀୟ । ଏହାକୁ ମଧ୍ୟ ବିକାଶରେ ଡାକ୍ଟର ପରିଡା ପ୍ରମୁଖ ଭୂମିକା ଗ୍ରହଣ କରିଥିଲେ । ମଲିକୁଲାର ପ୍ରଜନନ ଏବଂ ଜଟିଳ ଚାପର ଦକ୍ଷ ଜେନେଟିକ୍ ବିଚ୍ଛେଦ ପାଇଁ ଏହା ନିୟୋଜିତ ହୋଇଥାଏ । ଫସଲର ଉନ୍ନତିକୁ ତ୍ବରାନ୍ବିତ କରିବା ପାଇଁ ସହନଶୀଳତା, ଅମଳ ଏବଂ ଉଦ୍ଭିଦ ସ୍ଥାପତ୍ୟ ଗୁଣ, ଚାଉଳ ଏବଂ ଛେନା, ତିନୋଟି ଶୀଘ୍ର ପରିପକ୍ୱ, ମରୁଡ଼ି ସହନଶୀଳ, ଉଚ୍ଚ ଅମଳ କିସମ ସୃଷ୍ଟି କରିଛନ୍ତି ।
