ଜଗତସିଂହପୁର: ବନ୍ଦର ନଗରୀ ପାରାଦ୍ୱୀପରେ ମାଳ ମାଳ ଚାଇନା ପାର୍ଟ୍ସ । ଖବର ପାଇବା ପରେ ସମ୍ପୃକ୍ତ କମ୍ପାନୀରେ ଚଢାଉ କରିଛି ପୋଲିସ୍ । ପାରାଦ୍ୱୀପ ପୋଲିସ ପକ୍ଷରୁ ସହରର ଦୋଛକି ନିକଟରେ ଥିବା ଏକ ସୋ ରୁମରେ ଚଢାଉ କରି ନକଲି ଚାଇନା ସ୍ପେୟାର ପାର୍ଟ୍ସଗୁଡିକୁ ଜବତ କରାଯାଇଛି ।
- ପାରାଦ୍ବୀପ ପୋଲିସର ଚଢାଉ:
ରବିବାର ବିଳମ୍ବିତ ରାତିରେ ପୋଲିସ ଚଢ଼ାଉ କରିଥିବାବେଳେ ଆଜି ମଧ୍ୟ ରେଡ୍ ହୋଇଛି । ପାରାଦ୍ୱୀପ ଲକ ଥାନା ଅଧିକାରୀ ରଶ୍ମି ରଞ୍ଜନ ଦାସଙ୍କ କହିବା ମୁତାବକ,"ପାରାଦ୍ୱୀପରେ CAT କମ୍ପାନୀର ଫିଲଟର ଦୀର୍ଘ 6 ମାସ ହେବ ଗୋଟିଏ ବି ପିସ ବିକ୍ରି ହୋଇନଥିଲା । ଏହା କ'ଣ ପାଇଁ ବିକ୍ରି ହେଉନାହିଁ ସେନେଇ କମ୍ପାନୀର ମାର୍କେଟିଂ ଏଜେନ୍ସି ଓ ସାମଗ୍ରୀ ବିତରଣ କରୁଥିବା ସଂସ୍ଥା ଖୋଳତାଡ଼ କରିଥିଲେ । ପରେ ଜାଣିବାକୁ ପାଇଥିଲେ ଯେ, ପାରାଦ୍ୱୀପର ଜେକେ ଇଂଜିନିୟରିଂ ଚାଇନାରୁ ନକଲି କାର୍ଟର ଫିଲଟର ଆଣି ତା ଉପରେ CAT ଲୋଗୋ ଲଗାଇ ବିକ୍ରି କରୁଛନ୍ତି । ପରେ ପାରାଦ୍ୱୀପ ଲକ ଥାନାରେ ଏହାକୁ ନେଇ କମ୍ପାନୀ ପକ୍ଷରୁ ଅଭିଯୋଗ କରାଯାଇଥିଲା । ଅଭିଯୋଗ ପାଇ ଲକ ଥାନା ପୋଲିସ ସେଠାରେ ଚଢ଼ାଉ କରିଛି । ସେହି ସ୍ଥାନରୁ ବିପୁଳ ପରିମାଣର ଚାଇନା କାର୍ଟର ଫିଲଟର ଜବତ କରାଯାଇଛି ।"
| ଏହା ବି ପଢନ୍ତୁ... |