ସମ୍ବଲପୁର IIMରେ ପାଠ ପଢାଇବେ AI ପ୍ରଫେସର, ୧୦ ମାସରେ କାର୍ଯ୍ୟକ୍ଷମ - AI Professor In IIM Sambalpur

AI Professor In IIM Sambalpur: ଦେଶର ପ୍ରଥମ ଶିକ୍ଷାନୁଷ୍ଠାନ ଭାବେ ରେକର୍ଡ କରିବ ସମ୍ବଲପୁର ‘ଆଇଆଇଏମ’ । କ୍ଲାସରେ ପାଠ ପଢ଼ାଇବେ AI ପ୍ରଫେସର । ଆଗାମୀ ୧୦ ମାସ ମଧ୍ୟରେ କାର୍ଯ୍ୟକ୍ଷମ ହେବ ଏହି ହାଇଟେକ ଶିକ୍ଷାଦାନ ବ୍ୟବସ୍ଥା ।

ସମ୍ବଲପୁର:ଦିନକୁ ଦିନ କୃତ୍ରିମ ବୁଦ୍ଧିମତ୍ତା (AI)ର ବ୍ୟବହାର ପ୍ରତିକ୍ଷେତ୍ରରେ ବୃଦ୍ଧି ପାଇବାରେ ଲାଗିଛି । ତେବେ ଏହି ଅତ୍ୟାଧୁନିକ ଜ୍ଞାନକୌଶଳ ଏବେ ଭାରତୀୟ ଶିକ୍ଷା ବ୍ୟବସ୍ଥାରେ ମଧ୍ୟ ପ୍ରବେଶ କରିଛି । ଏହି କ୍ଷେତ୍ରରେ ଦେଶର ପ୍ରଥମ ଶିକ୍ଷାନୁଷ୍ଠାନ ଭାବେ ରେକର୍ଡ କରିବାକୁ ଯାଉଛି ଭାରତୀୟ ପ୍ରବନ୍ଧନ ସଂସ୍ଥାନ (ଆଇଆଇଏମ) ସମ୍ବଲପୁର । ସଂସ୍ଥାନରେ AI ପ୍ରଫେସରଙ୍କୁ ନିଯୁକ୍ତି କରାଯିବ । ସମ୍ବଲପୁର ‘ଆଇଆଇଏମ’ରେ ଛାତ୍ରଛାତ୍ରୀଙ୍କୁ ପାଠ ପଢାଇବେ ଏହି AI ପ୍ରଫେସର । ସହଜ ହେବ ପାଠପଢା ଓ କମ ସମୟରେ ଅଧିକ ଜ୍ଞାନ ଆହରଣ କରିବେ ବିଦ୍ୟାର୍ଥୀ । ସଂସ୍ଥାନର 10ବର୍ଷ ପୂର୍ତ୍ତି ଅବସରରେ ନିର୍ଦ୍ଦେଶକ ମହାଦେବ ପ୍ରାସାଦ ଜୟଶ୍ବାଲ ଏହି ସୂଚନା ଦେଇଛନ୍ତି ।

• ପାଠ ପଢାଇବେ AI ପ୍ରଫେସର:

ଦେଶର ପ୍ରଥମ ଶିକ୍ଷାନୁଷ୍ଠାନ ଭାବରେ ସମ୍ବଲପୁର ‘ଆଇଆଇଏମ’ କ୍ଲାସରେ AI ଟେକ୍ନୋଲୋଜି ଲାଗୁ କରିବାକୁ ଯାଉଛି । ଏହା ଏକ ଡିଜିଟାଲ ପ୍ଲାଟଫର୍ମ ହୋଇଥିବା ବେଳେ ଆମେରିକାର ଏକ କମ୍ପାନୀ ଏଥିପାଇଁ ସମ୍ବଲପୁର ଆଇଆଇଏମକୁ ସହଯୋଗ କରିବାକୁ ଅନୁବନ୍ଧିତ ହୋଇଛି l ଏହି କମ୍ପାନୀ ଆମେରିକାର କେତେକ ପ୍ରମୁଖ ଶିକ୍ଷା ଅନୁଷ୍ଠାନଗୁଡିକୁ ମଧ୍ୟ ଏହି କ୍ଷେତ୍ରରେ ସହଯୋଗ କରିଆସୁଛି ।

କେମିତି ହେବ ପାଠପଢା ?

ଏହି ଟେକ୍ନୋଲୋଜିରେ ଯେ କୌଣସି କେସ ଦେଲେ ସେ ପ୍ରଥମେ ଏହାକୁ ଭିଡିଓରେ କନଭର୍ଟ କରିବ । ଏହାକୁ ଛାତ୍ରଛାତ୍ରୀ ପ୍ରଥମେ ପଢିବେ l ପରେ AI ପ୍ରଫେସର କୁଇଜ ଓ ପରୀକ୍ଷା ମାଧ୍ୟମରେ ମନିଟର କରିବ ଯେ, ଛାତ୍ର ଅଥବା ଛାତ୍ରୀ କେତେ ପଢ଼ିଛନ୍ତି ଓ କେତେ ବୁଝିଛନ୍ତି । କେହି ଯଦି କୌଣସି ବିଷୟ ବୁଝି ପାରି ନଥିବ ତାହେଲେ ଛାତ୍ର ଛାତ୍ରୀଙ୍କୁ AI ପ୍ରଫେସର ଜଣାଇଦେବେ ଆପଣ ନପଢିଲେ ଫେଲ ହୋଇଯିବେ ।

IIM Sambalpur (ETV BHARAT ODISHA)

ଫାକଲଟି ସ୍ଥାନରେ AI ପ୍ରଫେସର :

ଏହି ପ୍ରକ୍ରିୟା ଚାଲିଥିବା ସମୟରେ କ୍ଲାସରେ ଅନ୍ୟ କୌଣସି ପ୍ରଫେସର ଅଥବା ଫାକଲଟି ମଧ୍ୟ ରହିବେ ନାହିଁ । ଏହାର ଅର୍ଥ ଏହି ଟେକ୍ନୋଲୋଜି ଜଣେ ମାନବ ପ୍ରଫେସର ଅଥବା ଫାକଲଟିଙ୍କୁ ରିପ୍ଲେସ କରିବ । ଏହି ଭଳି ଭାବରେ ସମ୍ବଲପୁର ‘ଆଇଆଇଏମ’ ଶିକ୍ଷା କ୍ଷେତ୍ରରେ AI ଟେକନୋଲୋଜିକୁ ଦେଶର ପ୍ରଥମ ଶିକ୍ଷା ଅନୁଷ୍ଠାନ ଭାବରେ ଲାଗୁ କରିବାକୁ ଯାଉଛି ଓ ଏହି ପ୍ରକ୍ରିୟା ଦ୍ୱାରା ଛାତ୍ରଛାତ୍ରୀଙ୍କ ଲର୍ଣ୍ଣିଂ କାପାସିଟି ବୃଦ୍ଧି ପାଇବ ବୋଲି କହିଛନ୍ତି ବୋଲି କହିଛନ୍ତି ସମ୍ବଲପୁର ‘ଆଇଆଇଏମ’ର ନିର୍ଦ୍ଦେଶିତ ମହାଦେବ ପ୍ରାସାଦ ଜଏସ୍ଵାଲ କହିଛନ୍ତି ।

IIM Sambalpur (ETV BHARAT ODISHA)

କେଲଜ ନିର୍ଦ୍ଦେଶକଙ୍କ କହିବା ମୁତାବକ,ବର୍ତ୍ତମାନ ଆମେ 5ଟା କେସ ନେଇଛୁ, ଯାହା ପାଇଲଟ କରୁଛି, ଏହା ଟ୍ରାଏଲ ହେବ । ଏହା ଉପରେ ଆଧାର କରି ଆମେ ସବୁ ପ୍ରୋଗ୍ରାମରେ ରୋଲ ଆଉଟ କରିବୁ । ଏହା ଇଣ୍ଡିଆର ପ୍ରଥମ ଇନଷ୍ଟିଚ୍ୟୁଟ ହେବ ଯାହା AI ଇନେବଲ ଲର୍ଣ୍ଣିଂ ସିଷ୍ଟମ ଲାଗୁ କରିବ ମ୍ୟାନେଜମେଣ୍ଟ ସ୍କୁଲରେ । 10 ମାସ ମଧ୍ୟରେ ଏପରି କରିବା ନେଇ ଯୋଜନା ରହିଛି ।"

IIM Sambalpur (ETV BHARAT ODISHA)

ସମ୍ବଲପୁର IIMକୁ 10 ବର୍ଷ ପୂରଣ :

ଚଳିତ ବର୍ଷ ସମ୍ବଲପୁର ଆଇଆଇଏମ 10 ବର୍ଷ ପୂରଣ ହୋଇଥିହା ବେଳେ ଏହାରି ମଧ୍ୟରେ ଅନେକ ସଫଳତା ଓ ଉପଲବ୍ଧି ହାସଲ କରିଛି । ଆଗକୁ ସମ୍ବଲପୁର ‘ଆଇଆଇଏମ’ ବିଶ୍ୱସ୍ତରୀୟ ମହିଳା ଶସକ୍ତୀକରଣ ସମ୍ମିଳନୀ ଆୟୋଜନ କରିବାକୁ ଯାଉଛି । ଏହା ସହ କ୍ୟାମ୍ପସର ଭିତ୍ତିଭୂମିକୁ ଦ୍ବିଗୁଣିତ କରାଯିବ । ସମ୍ବଲପୁର ‘ଆଇଆଇଏମ’ର ଆନ୍ତର୍ଜାତୀୟ ମାନ୍ୟତା । ପାଇଁ ମଧ୍ୟ ପ୍ରକ୍ରିୟା ଆରମ୍ଭ ହୋଇଛି l ଏହି ପ୍ରକ୍ରିୟା 3 ରୁ 5 ବର୍ଷ ସମୟ ଲାଗିବ । ଏତଦବ୍ୟତୀତ ଆଗକୁ ଏଠାରେ 3ଟି ସେଣ୍ଟର ଖୋଲିବ । ଏଗୁଡିକ ହେଲା ସେଣ୍ଟର ଅଫ ରେସପନସିବିଲିଟି ବିଜନେସ ( Centre of Responsibility Business), ସେଣ୍ଟର ଅଫ ପ୍ରଡକ୍ଟ ମ୍ୟାନେଜ ମେଣ୍ଟ (Centre Of product management), ଓ ସେଣ୍ଟର ଅଫ ଡିଜିଟାଲ ମାଇନିଙ୍ଗ ଓ ଡିଜିଟାଲ ଲଜିଷ୍ଟିକ (Centre of digital mining and digital logistics)।

IIM Sambalpur (ETV BHARAT ODISHA)

ସମ୍ବଲପୁର ‘ଆଇଆଇଏମ’ ସମ୍ପର୍କରେ:-

IIM Sambalpur (ETV BHARAT ODISHA)

ସମ୍ବଲପୁର ‘ଆଇଆଇଏମ’ ଆରମ୍ଭ ହେବା ସମୟରେ ଏଠାରେ ପ୍ରଥମେ 49ଜଣ ଛାତ୍ରଛାତ୍ରୀ ଶିକ୍ଷା ଗ୍ରହଣ ଆରମ୍ଭ କରିଥିଲେ । ପରବର୍ତ୍ତୀ ସମୟରେ ସଂଖ୍ୟା ବୃଦ୍ଧି ହୋଇଥିଲା । ଏବେ ଏହି ସଂଖ୍ୟା 320 ରେ ପହଞ୍ଚିଛି l MBA ବାଦ୍‌ Executive MBAରେ 100 ଜଣ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି । ଏହା ସହିତ ସମ୍ବଲପୁର IIMର ଦିଲ୍ଲୀରେ ଥିବା ବ୍ରାଞ୍ଚରେ ଓ୍ବାର୍କିଂ ପ୍ରଫେସନାଲ ଏମବିଏରେ 50ଜଣ ଛାତ୍ରଛାତ୍ରୀ ପାଠ ପଢୁଛନ୍ତି । ମୁମ୍ବାଇ IIMର ସହଯୋଗରେ ଚାଲିଥିବା PGPX କୋର୍ସରେ 40 ଛାତ୍ରଛାତ୍ରୀ, 22ଜଣ ଫୁଲଟାଇମ PHD ଛାତ୍ରଛାତ୍ରୀ, 100 ଜଣ ‘ଏକଜୁକେଟିଭ ପିଏଚଡି’ ଛାତ୍ରଛାତ୍ରୀ ରହିଛନ୍ତି ।

ବର୍ତ୍ତମାନ ସମ୍ବଲପୁର IIMରେ 45 ଜଣ ଫାକଲଟି ଥିବା ବେଳେ ଏଥିରେ 50 ପ୍ରତିଶତ ମହିଳା ରହିଛନ୍ତି । 50 ଜଣ ଷ୍ଟାଫ୍ ମଧ୍ୟ ଅଛନ୍ତି l IIMରେ 75 ପ୍ରତିଶତ ଛାତ୍ରୀ ଅଛନ୍ତି, ଯାହାକି ଦେଶର ‘ଆଇଆଇଏମ’ ଗୁଡିକ ମଧ୍ୟରେ ସର୍ବାଧିକ । ସମ୍ବଲପୁର ‘ଆଇଆଇଏମ’ରେ ବିଶ୍ୱସ୍ତରୀୟ କ୍ୟାମ୍ପସ ଥିବା ବେଳେ ଏଥିରେ 4ଟି ହେଲିପ୍ୟାଡ ରହିଛି l ଏହା ସହ ଦିଲ୍ଲୀରେ ଏହାର ସାଟେଲାଇଟ୍ କ୍ୟାମ୍ପସ ମଧ୍ୟ ରହିଛି ।

ଇଟିଭି ଭାରତ, ସମ୍ବଲପୁର