ଭୁବନେଶ୍ବର:ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ IDCOର ଜୁନିୟର ମ୍ୟାନେଜର ଘରେ ରେଡ କରିଛି ଭିଜିଲାନ୍ସ । ସରକାରୀ ବାବୁ ବିଜୟ କୁମାର ଉଦୟ ସିଂ ଘରେ ରେଡ ବେଳେ ଘରେ ପଶିବା ପୂର୍ବରୁ ଭିଜିଲାନ୍ସ ଟିମକୁ ହେବାକୁ ପଡ଼ିଛି ନାକେଦମ୍ । କାରଣ ଏମିତି ସେମିତି ନୁହେଁ ରିମୋର୍ଟ ମନିଟରିଂ ଲକ୍ ସିଷ୍ଟମ୍ ଘରେ ରହୁଥିଲେ ବାବୁ ବିଜୟ । ଘରେ ଲୁଚାଇଥିବା ଗହଣା ଟଙ୍କା ମଧ୍ୟ ଇଣ୍ଟିଗ୍ରେଟେଡ ଲକରରୁ ଠାବ କରିଛି ଭିଜିଲାନ୍ସ ।
ରିମୋର୍ଟରେ ଖୋଲୁଥିଲା ମୁଖ୍ୟ ଫାଟକ :
ଭୁବନେଶ୍ୱର IDCO ଟାଓ୍ବାରେ ଚାକିରି କରୁଥିବା ଏହି ବାବୁଙ୍କ ୬ଟି ସ୍ଥାନରେ ରେଡ କରିଥିଲା ଭିଜିଲାନ୍ସ । ୯ ଜଣ ଡ଼ିଏସପି, ୯ ଜଣ ଇନସ୍ପେକ୍ଟର ଓ ଅନ୍ୟ କର୍ମଚାରୀଙ୍କ ଜରିଆରେ ରେଡ କରିଥିଲେ ଭିଜିଲାନ୍ସ । ତେବେ ଭୁବନେଶ୍ୱର ସମେତ ପୁରୀ ଓ ଖୋର୍ଦ୍ଧାରେ ବାବୁଙ୍କ ସମ୍ପତ୍ତି ଦେଖି ଭିଜିଲାନ୍ସ ଆଶ୍ଚର୍ଯ୍ୟ ହୋଇଛି । ଚଢ଼ାଉ ବେଳେ ଘରର ଲକ୍ ସିଷ୍ଟମ୍ ଯାହାକୁ ଦେଖି ତାଜୁବ ହୋଇଥିଲେ ଭିଜିଲାନ୍ସ ଅଫିସର । କାରଣ ହାଇ ସିକୁରିଟ ଲକ୍ ଭିତରେ ରହୁଥିଲେ ସରକାରୀ ବାବୁ ଜଣଙ୍କ । ରିମୋର୍ଟରେ ଖୋଲୁଥିଲା ଘରର ମୁଖ୍ୟ ଫାଟକ ଏବଂ ଭିତର ଗେଟ୍ । ଯାଞ୍ଚ ବେଳେ ମିଳିଛି ଭୁବନେଶ୍ୱରରେ 3.22 କୋଟି ଟଙ୍କାର ଚାରି ମହଲା ଘର । ଘର ଭିତରକୁ ପ୍ରବେଶ କରିବା ଗେଟଠୁ ଆରମ୍ଭ କରି ଘରର କବାଟ ସେନସର ଜୋନରେ ରହିଥିବା ଦେଖିବାକୁ ମିଳିଛି ।
ଅମାପ ସମ୍ପତ୍ତି ଠାବ :
ଭିଜିଲାନ୍ସ ପକ୍ଷରୁ ଦିଆଯାଇଥିବା ସୂଚନା ଅନୁସାରେ, ଆର୍ଯ୍ୟ ବିହାରରେ ଏକ ଆଲିସାନ ଘର ରହିଛି । ଯାହାର ଦାମ ୩କୋଟି ୨୨ ଲକ୍ଷ ଟଙ୍କା । ଏହାସହ ଗୋଟିଏ ବଡ ଫ୍ଲାଟ ସାଙ୍ଗକୁ ଭୁବନେଶ୍ୱର ଓ ଖୋର୍ଦ୍ଧାରେ 3ଟି ଉଚ୍ଚ ଦରର ପ୍ଲଟ ମଧ୍ୟ ଠାବ ହୋଇଛି । ଏଥିସହ 33 ଲକ୍ଷ ଟଙ୍କାର ବ୍ୟାଙ୍କ ଡିପୋଜିଟ୍ ମଧ୍ୟ ଠାବ କରିଛି ଭିଜିଲାନ୍ସ । ଘରୁ କେବଳ ନଗଦ ଜବତ ହୋଇଛି 4.5 ଲକ୍ଷ ଟଙ୍କା । ଏଥିସହ ଗାଡି ଓ ଗହଣା ସହ କିଛି ଗୁରୁତ୍ଵପୂର୍ଣ୍ଣ କାଗଜ ମଧ୍ୟ ଜବତ ହୋଇଛି । ଘର ଭିତରେ ମିନେରାଲ ପାଣି ପିଇବା ପାଇଁ ବ୍ୟବସ୍ଥା କରିଥିଲେ ।ଏନେଇ ଲଗାଇ ଥିଲେ ଦାମି ମେସିନ ।