କେନ୍ଦୁଝର: ନାବାଳିକା ଦୁଷ୍କର୍ମ ମାମଲାରେ ଦୁଇ ଅଭିଯୁକ୍ତଙ୍କୁ ସଜ୍ଜା। ୩୦ ବର୍ଷ ସଶ୍ରମ କାରାଦଣ୍ଡ ଶୁଣାଇଲେ ଅଦାଲତ। ଏହି ଦୁଷ୍କର୍ମ ଘଟଣା ପଛରେ ପୀଡ଼ିତାଙ୍କ ଆଈର ହାତ ଥିବା ଜଣାପଡ଼ିଛି । ଏହି ମାମଲାରେ ଦୁଇ ଅଭିଯୁକ୍ତଙ୍କୁ 30 ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ କରାଯାଇଛି। ସୂଚନା ଅନୁସାରେ, କେନ୍ଦୁଝର ଜିଲ୍ଲା ଯୋଡ଼ା ଥାନା ଅଞ୍ଚଳର ଜଣେ ନାବାଳିକା ବାପାଙ୍କ ଦେହାନ୍ତ ପରେ ମାମୁଁ ଘରେ ରହୁଥିଲେ। ସମ୍ପୃକ୍ତ ନାବାଳିକାଙ୍କ ଅଜା ଦ୍ୱିତୀୟ ବିବାହ କରିଥିଲେ । ୨୦୧୮ ମସିହା ଜୁନ 22 ତାରିଖରେ ନାବାଳିକାଙ୍କ ସାବତ ଆଈ ତାର ସାଙ୍ଗ ସାହାଦତ ଅଲ୍ଲୀର ଘରକୁ ଆଣି ପୀଡ଼ିତା ସହ ଦୁଷ୍କର୍ମ କରାଇଥିଲା।
ସେପରି ଘେରେ କେହି ନଥିବା ବେଳେ ପୀଡ଼ିତାର ଆଈ ଏଭଳି ବାରମ୍ବାର ଦୁଷ୍କର୍ମ କରାଉଥିଲା। ଏପରିକି ଦିନେ ପୀଡ଼ିତାଙ୍କର ମା' ଆସି ଝିଅକୁ ନେବା ପାଇଁ କହିଥିଲେ ମଧ୍ୟ ସାବତ ଆଈ ତାକୁ ଛାଡି ନଥିଲା। ଫଳରେ ପୀଡ଼ିତାର ମା' ନୂଆମୁଣ୍ଡିରେ ଥିବା ନିଜ ମାମୁଁଙ୍କୁ ଏ ବିଷୟରେ ଜଣାଇଥିଲେ। ଏହାପରେ ମାମୁଁ ମାଇଁ ଆସି ତାଙ୍କୁ ଘରକୁ ନେଇ ଯାଇଥିବାବେଳେ ସେଠାରେ ସବୁ ଘଟଣା ବିଷୟରେ ପ୍ରକାଶ କରିଥିଲେ ପୀଡ଼ିତା। ପରେ ପୀଡ଼ିତାଙ୍କ ପରିବାର ପକ୍ଷରୁ ଯୋଡ଼ା ଥାନାରେ ମାମଲା ହୋଇଥିଲା । ଏହି ଘଟଣାର ଦୁଇ ଅଭିଯୁକ୍ତ ସାହାଦତ ଅଲ୍ଲୀ ଓ ପୀଡ଼ିତାଙ୍କ ଆଈକୁ ଗିରଫ କରାଯାଇଥିଲା। ଆଉ 6 ବର୍ଷ ପରେ ଶେଷରେ ନ୍ୟାୟ ପାଇଛନ୍ତି ପୀଡ଼ିତା। ତେବେ ପୀଡିତାଙ୍କ ଆଈ ସମେତ ଅନ୍ୟ ଜଣେ ଅଭିୟୁକ୍ତକୁ ୩୦ ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ କରିଛନ୍ତି ଅଦାଲତ ।
ଏହା ମଧ୍ୟ ପଢନ୍ତୁ...ରାଉରକେଲାରେ ଗୋଟିଏ ଦିନରେ 2 ଦୁଷ୍କର୍ମ ମାମଲା, ପୋଲିସର ତଦନ୍ତ ଜାରି