ଭୁବନେଶ୍ବର: କୃଷ୍ଣ ଉପରେ ବସି ବୁଲୁଛି କଂସ । ଏକଥା ଶୁଣିବାକୁ କାନକୁ ଟିକେ ଅଡୁଆ ଲାଗୁ ଥାଇପାରେ କିନ୍ତୁ ଏଭଳି ଦେଖିବାକୁ ମିଳିଛି ପ୍ରବାସୀ ଭାରତୀୟ ଦିବସରେ । ଆମେ ଏଠାରେ ଭଗବାନଙ୍କ କୃଷ୍ଣଙ୍କ କଥା କହୁ ନାହୁଁ । ନା ଏହି କୃଷ୍ଣ ନାଟକର ଜଣେ ଚରିତ୍ର । ଏ କୃଷ୍ଣ ହେଉଛି ଏକ ରୋବୋଟିକ ମେସିନ । ଆଜ୍ଞା ହଁ ପ୍ରବାସୀ ଭାରତୀୟଙ୍କୁ ସୁରକ୍ଷା ଦେବାକୁ ଆସିଛି ରୋବୋଟିକ୍ ଫାୟାର ମନିଟର କୃଷ୍ଣ। ଏତେ ବଡ ସମ୍ମିଳନୀରେ କାଳେ କେଉଁଠି ଅଘଟଣ ଘଟିଯିବ ଅଗ୍ନିଶମ ବିଭାଗ ପକ୍ଷରୁ କୃଷ୍ଣକୁ ନିୟୋଜିତ କରାଯାଇଛି । ରାଜଧାନୀରେ ଏବେ ଭିଭିଆଇପିଙ୍କ ଭିଡ। ସମ୍ମିଳନୀର ଉଦଘାଟନୀ ଉତ୍ସବରେ ପ୍ରଧାନମନ୍ତ୍ରୀ ମୋଦି ଯୋଗ ଦେଇଥିବାବେଳେ ଉଦଯାପନୀ ଉତ୍ସବରେ ଯୋଗ ଦେବେ ରାଷ୍ଟ୍ରପତି । ଦେଶ ଓ ବିଦେଶରୁ ଅତିଥି ଭୁବନେଶ୍ବରରେ ପହଞ୍ଚିଥିବା ବେଳେ ସେମାନଙ୍କ ସୁରକ୍ଷା ପାଇଁ ରାଜ୍ୟ ସରକାର ସମସ୍ତ ଉଦ୍ୟମ ଚଳାଇଛନ୍ତି ।
‘କୃଷ୍ଣ’କୁ ଦେଖିବାକୁ ପ୍ରବଳ ଭିଡ
ଫାୟାର ଫାଇଟିଂ ମନିଟର କୃଷ୍ଣକୁ ନିୟୋଜିତ କରିଛି ଅଗ୍ନିଶମ ବିଭାଗ । ଯେଉଁଠି କେହି ପହଞ୍ଚି ପାରିବେନି ସେହି ସ୍ଥାନରେ କେବଳ ପହଞ୍ଚି ପାରିବ କୃଷ୍ଣ । ନା ଅଗ୍ନିଶମର ଗାଡି ନା କର୍ମଚାରୀ ବିନା କାହାର ସହାୟତାରେ ନିଆଁ ଲାଗିଥିବା ସ୍ଥାନରେ ପହଞ୍ଚି ଆୟତ୍ତ କରିଥାଏ ଏହି ରୋବୋଟିକ୍ ମନିଟର । ରିମୋଟ ସହାୟତାରେ ଦୂରରେ ବସି ଏହାକୁ ଅଗ୍ନିଶମ ବିଭାଗ ଚଳାଇ ପାରିବେ । ଓଡିଶାରେ ମୋଟ୍ 24ଟି ରୋବୋଟିକ ମନିଟର ରହିଥିବାବେଳେ ଭୁବନେଶ୍ବର କେବଳ 2ଟି ଅଛି । ଏହି ରୋବୋଟିକ ମନିଟର ରିମୋଟ ସାହାଯ୍ୟରେ ପରିଚାଳିତ ହୋଇଥାଏ । ଛୋଟ ଟ୍ୟାଙ୍କର ସଦୃଶ ଦେଖାଯାଉଥିବା ଏହି ମନିଟରକୁ ଦେଖିବା ପାଇଁ ଜନତା ମଇଦାନରେ ପ୍ରବଳ ଭିଡ ଜମିଥିଲା ।
ରୋବୋଟିକ ଫାୟାର ମନିଟର୍ (ETV Bharat) ଏକ କିଲୋମିଟର ଯାଏଁ ଏହି ରୋବୋଟ ପାଣି ସିଞ୍ଚନ କରିବାର କ୍ଷମତା ରଖୁଛି । ମନିଟର୍କୁ ଥଣ୍ଡା ରଖିବା ପାଇଁ 6ଟି ସ୍ପ୍ରିଙ୍କଲର ରଖାଯାଇଛି । ଗୋଟିଏ ଦମକଳ ଗାଡିର ପାଣି ସ୍ପ୍ରେ କ୍ଷମତା 1800 ଲିଟର ଥିବାବେଳେ ଏହି ରୋବୋଟିକ ମନିଟର କୃଷ୍ଣ ଦୁଇରୁ ଅଢେଇ ହଜାର ଲିଟର ପାଣି ସ୍ପ୍ରେ କରିପାରିବ । ଅନ୍ଧାର କିମ୍ବା ଧୂଆଁ ଭର୍ତ୍ତି ସ୍ଥାନରେ କୌଣସି ପଦାର୍ଥ ବା କେହି ମଣିଷ ରହିଯାଇଥିଲେ ତାକୁ କୃଷ୍ଣରେ ଲାଗିଥିବା ଥର୍ମାଲ କ୍ୟାମେରା ଚିହ୍ନଟ କରିପାରିବ । ଏପରିକି ନିଆଁ ଲାଗିଥିବା ସିଢିରେ ମଧ୍ୟ ଏହା ସହଜରେ ଚଢିଯାଇପାରିବ । ଭୟଙ୍କର ଅଗ୍ନିକାଣ୍ଡ ବେଳେ କାହାକୁ ଘଟଣାସ୍ଥଳକୁ ଯିବାକୁ ପଡିବ ନାହିଁ । ଆତଙ୍କବାଦୀ ଆକ୍ରମଣ ହେଲେ ବି କୃଷ୍ଣର କିଛି କ୍ଷତି କରିପାରିବନି।
ରୋବୋଟିକ ଫାୟାର ମନିଟର୍ କଣ ?
ରୋବୋଟିକ ଫାୟାର ମନିଟର ଛୋଟ ଟ୍ୟାଙ୍କର ସଦୃଶ ଏକ ମେସିନ । ଏହି ମେସିନର ଓଜନ 20ରୁ 25 କିଲୋଗ୍ରାମ ମଧ୍ୟରେ ରହିଥାଏ । ଅପହଞ୍ଚ ଇଲାକାରେ ପହଞ୍ଚିବା ଲକ୍ଷ୍ୟ ନେଇ ମେସିନକୁ ଡିଜାଇନ କରାଯାଇଛି । ଏହି ରୋବୋଟ ସିଢି ଚଢିପାରିବା ସହ ନିଆଁ ଲିଭାଇ ପାରିବ । ଗହଳି ସ୍ଥାନ ହେଉକି ବିପଦପୂର୍ଣ୍ଣ ସ୍ଥାନ ସବୁଠି ପହଞ୍ଚିବାର କ୍ଷମତା ରଖୁଛି । ଜଣେ ସାଧାରଣ ଲୋକ ଯେତିକି ତାପମାତ୍ରାରେ ନିଆଁ ଲିଭାଇବାକୁ ଚେଷ୍ଟା କରେ ତାର ଅଧିକ ତାପମାତ୍ରା ନିଆଁ ଭିତରେ ଯାଇ ନିଆଁ ଲିଭାଇଥାଏ ଏହି ମେସିନ । ଏହି ମେସିନ 20ରୁ 30 ଜଣଙ୍କ କାମ କରିଥାଏ ।
ରୋବୋଟିକ ଫାୟାର ମନିଟର୍ (ETV Bharat) ଅଧିକ ପଢନ୍ତୁ: ସତ୍ୟନଗରରେ ଭୟଙ୍କର ଅଗ୍ନିକାଣ୍ଡ, ଜଳିଗଲା ଇଲେକ୍ଟ୍ରୋନିକ୍ସ ସାମଗ୍ରୀ
ପ୍ରବାସୀ ଭାରତୀୟ ସମ୍ମିଳନୀ, 27 ପ୍ରବାସୀଙ୍କୁ ସମ୍ମାନିତ କଲେ ରାଷ୍ଟ୍ରପତି
135 ଅଗ୍ନିଶମ ଗାଡି ନିୟୋଜିତ
ପ୍ରବାସୀ ଭାରତୀୟ ଦିବସରେ ଅନେକ ହେବିଓ୍ବେଟ ସାମିଲ ହେଉଥିବାରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଆତଙ୍କୀ ହମଲା କିମ୍ବା ସେଭଳି କିଛି ଘଟଣା ଘଟିଲେ ଏହାର ମୁକାବିଲା କରିବା ପାଇଁ ପ୍ରସ୍ତୁତ ହୋଇ ରହିଛି ଅଗ୍ନିଶମ ବିଭାଗ । ଜନତା ମଇଦାନର ଚତୁଃପାର୍ଶ୍ୱରେ ସେଭଳି କିଛି ଅଘଟଣ ଘଟିଲେ ତାର କିଭଳି ମୁକାବିଲା କରିହେବ ସେଥିପାଇଁ ସମସ୍ତେ ପ୍ରସ୍ତୁତ । ଅଗ୍ନିଶମ ବିଭାଗର 300 ରୁ ଅଧିକ କର୍ମଚାରୀ ନିୟୋଜିତ ଥିବାବେଳେ ଘଟଣାସ୍ଥଳରେ 135ଟି ଅଗ୍ନିଶମ ଗାଡି ରହିଛି । ସେହିପରି 3ଟି ରୋବୋଟିକ ଫାୟାର ମନିଟର କୌଣସି ଦୁର୍ଘଟମାକୁ ଏଡାଇବା ପାଇଁ ମହଜୁଦ ରହିଛି । ପ୍ରବାସୀ ଭାରତୀୟଙ୍କ ସମସ୍ୟା ବୁଝିବା ପାଇଁ 24 ଘଣ୍ଟିଆ କଣ୍ଟ୍ରୋଲ ରୁମ୍ର ବ୍ୟବସ୍ଥା କରାଯାଇଛି । ଅଗ୍ନିଶମ ବିଭାଗ ଭଳି ଟେରୋରିଷ୍ଟ ସ୍କ୍ୱାର୍ଡ, ସ୍ପେଶାଲ ଟାକ୍ଟିକାଲ ୟୁନିଟ୍, ବମ୍ ସ୍କ୍ୱାର୍ଡ, ଡଗ ସ୍କ୍ୱାର୍ଡ ପ୍ରବାସୀ ଭାରତୀୟ ସୁରକ୍ଷା ଦାୟିତ୍ବ ରହିଛନ୍ତି ।
ପ୍ରବାସୀ ଭାରତୀୟ ଦିବସରେ ଅଗ୍ନିଶମ ବିଭାଗ (ETV Bharat) କୃଷ୍ଣ ଉପରେ ବସି ବୁଲୁଛି କଂସ
ସେହି ଠାଣି ସେହି ଚାହାଣୀ । ହାତରେ ବିଶାଳ ଗଦା । ଯିଏ କଂସ ମହାରାଜଙ୍କୁ ଦେଖୁଛି ଘଡିଏ ଅଟକି ଯାଉଛି । ବରଗଡରେ ଚାଲିଛି ବିଶ୍ବ ପ୍ରସିଦ୍ଧ ଧନୁଯାତ୍ରା । କିନ୍ତୁ ଧନୁଯାତ୍ରା ଛାଡି ପ୍ରବାସ ଭାରତୀୟ ଦିବସରେ କଣ କରୁଛନ୍ତି କଂସ ମହାରାଜ । ବୋଧ ହୁଏ ପ୍ରବାସୀ ଭାରତୀୟ ଦିବସର ଚାକଚକ୍ୟ ଦେଖି କଂସ ମହାରାଜଙ୍କୁ ଆଉ ବରଗଡରେ ମନ ଲାଗୁନି । ସେପଟେ ମହାରାଜ କଂସଙ୍କୁ ଅଗ୍ନିଶମ ବିଭାଗର ରୋବୋଟିକ ମେସିନ କୃଷ୍ଣରେ ବୁଲୁଥିବା ଦେଖିବାକୁ ମିଳୁଛି । କଂସକୁ ଏଭଳି ଅବସ୍ଥାରେ ଦେଖିବା ପରେ ପ୍ରବାସୀଙ୍କ ପାଟିରେ କେବଳ ଗୋଟିଏ କଥା କୃଷ୍ଣଙ୍କ ଉପରେ ବସି ବୁଲୁଛନ୍ତି କଂସ ମାମୁଁ।
ରୋବୋଟିକ ଫାୟାର ମନିଟର୍ (ETV Bharat) ପ୍ରକୃତରେ କଂସ ମାମୁଁ ଅଗ୍ନିକାଣ୍ଡ ଦୁର୍ଘଟଣା ସମୟରେ କୃଷ୍ଣ ରୋବଟର ଗୁରୁତ୍ବପୂର୍ଣ୍ଣ ଭୂମିକା ବିଷୟରେ ଲୋକଙ୍କୁ ସଚେତନ କରିଛନ୍ତି । କିଭଳି ଅଗ୍ନିକାଣ୍ଡରୁ ନେଇ ଦୁର୍ବିପାକ ଯାଏଁ ଅଗ୍ନିଶମ ବାହିନୀ ଆମ ସେବାରେ ଲାଗିଛନ୍ତି ସେନେଇ ବୁଲି ବୁଲି ପ୍ରଶଂସା କରିଛନ୍ତି କଂସ ମାମୁଁ । ‘‘ଧନଜୀବନ ରକ୍ଷା କରିବାରେ ଉଦାହରଣ ସାଜିଛନ୍ତି ଆମ ଅଗ୍ନିଶମ ବାହିନୀ । ଆଉ ଏହି ବାହିନୀରେ ରୋବଟ କୃଷ୍ଣ ଯୋଡି ହେବା ପରେ ଅଗ୍ନିଶମ ବାହିନୀ ଆଉ ଏକ ପାଦ ଆଗକୁ ବଢିଥିବା’’ ସେ କହିଛନ୍ତି ।
ସତ୍ୟନଗର ଗୋଦାମ ନିଆଁ ଲିଭାଇଥିଲା ରୋବୋଟ
ଗତ ଡିସେମ୍ବରରେ ଭୁବନେଶ୍ୱରରେ ଭୟଙ୍କର ଅଗ୍ନିକାଣ୍ଡରେ ଜଳିଯାଇଥିଲା ଗୋଦାମ । ଅଗ୍ନିଶମ ବାହିନୀର ମୋଟ 250 କର୍ମଚାରୀଙ୍କ ସମେତ ମୋଟ 15 ଟି ଗାଡିର ବ୍ୟବହାର ହୋଇଥିଲା ନିଆଁ ଆୟତ୍ତ ପାଇଁ । କିନ୍ତୁ ଗୋଦାମ ବହୁତ୍ ବଡ଼ ଏବଂ ଗୋଦାମ ମଧ୍ୟରେ ଅନେକ ଯାନ୍ତ୍ରିକ ଉପକରଣ ରହିଥିବାରୁ ନିଆଁ ଅଧିକ ଜୋରରେ ପରିବ୍ୟାପ୍ତ ହୋଇଥିଲା। ସେପଟେ ଗୋଦାମ ବହୁତ୍ ବଡ଼ ଅଞ୍ଚଳରେ ହୋଇଥିବାରୁ ଗୋଦାମର ମଝିରେ ପାଣି ପଡ଼ିପାରୁ ନଥିଲା । ଯେଉଁଥିପାଇଁ ନିଆଁକୁ ଆୟତ କରିବାକୁ ବେଶୀ ସମୟ ଲାଗିଥିଲା । ତେବେ ପ୍ରଥମ ଥର ପାଇଁ ନିଆଁ ଲିଭାଇବାରେ ରୋବୋଟିକ ଫାୟାର ଫାଇଟର ବ୍ୟବହାର କରାଯାଇଥିଲା ।
