ଭୁବନେଶ୍ବର: ସକାଳୁ ସକାଳୁ ଥରିଲା ଓଡ଼ିଶାରେ । ରାଜ୍ୟରେ ଭୂମିକମ୍ପ ଝଟ୍କା । ରାଜଧାନୀ ଭୁବନେଶ୍ବର ସମେତ ବିଭିନ୍ନ ଜିଲ୍ଲାରେ ଭୂକମ୍ପ ଅନୁଭୂତ ହୋଇଛି । ବଙ୍ଗୋପସାଗରରେ ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୫.୧ ରେକର୍ଡ କରାଯାଇଛି । ଭୂକମ୍ପ ଫଳରେ ରାଜ୍ୟର ଉପକୂଳବର୍ତ୍ତି ଅଞ୍ଚଳ ଗୁଡ଼ିକରେ କମ୍ପନ ସୃଷ୍ଟି ହୋଇଛି । ପଡ଼ୋଶୀ ରାଜ୍ୟ ପଶ୍ଚିମବଙ୍ଗରେ ମଧ୍ୟ ଭୂମିକମ୍ପ ଅନୁଭୂତ ହୋଇଛି ।
ଓଡ଼ିଶାରେ ଭୂମିକମ୍ପ:
ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର (National Center for Seismology)ର ସୂଚନା ଅନୁସାରେ ଆଜି (ମଙ୍ଗଳବାର) ସକାଳ ୬ଟା ୧୦ ମିନିଟ୍ ୨୫ ସେକେଣ୍ଡ ସମୟରେ ବଙ୍ଗୋପସାଗରରେ ଭୂମିକମ୍ପ ହୋଇଛି । ଭୂମିକମ୍ପର କେନ୍ଦ୍ରସ୍ଥଳ ବଙ୍ଗୋପସାଗର । ବଙ୍ଗୋପସାଗରରେ ୯୧ କିଲୋମିଟର ଗଭୀରତାରେ ଏହି ଭୂମିକମ୍ପ ସୃଷ୍ଟି ହୋଇଛି । ଓଡ଼ିଶାର ଉପକୂଳବର୍ତ୍ତୀ ଜିଲ୍ଲାଗୁଡିକରେ ଭୂମିକମ୍ପ ଝଟ୍କା ବିଶେଷ ଭାବରେ ଦେଖିବାକୁ ମିଳିଛି । ରାଜଧାନୀ ଭୁବନେଶ୍ବର ସହ ପୁରୀ, ବାରିପଦା, ବାଲେଶ୍ବର, ପାରାଦ୍ବୀପ ଓ ବ୍ରହ୍ମପୁରରେ ବି ଭୂକମ୍ପର ଝଟ୍କା ଅନୁଭୂତ ହୋଇଛି । । ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୫.୧ ରେକର୍ଡ କରାଯାଇଛି । ପ୍ରାୟ ୨ରୁ୩ ସେକେଣ୍ଡ ଭୂକମ୍ପ ଝଟ୍କା ଅନୁଭୂତ ହୋଇଛି ।
| ଏହା ମଧ୍ୟ ପଢ଼ନ୍ତୁ... ଦିଲ୍ଲୀରେ ବଡ଼ ଧରଣର ଭୂକମ୍ପ, ଆଲର୍ଟ ରହିବାକୁ ପ୍ରଧାନମନ୍ତ୍ରୀଙ୍କ ପରାମର୍ଶ |