ଭୁବନେଶ୍ବର:ବିଜେପି ସରକାରର ମହତ୍ତ୍ବାକାଂକ୍ଷୀ ଯୋଜନା 'ସୁଭଦ୍ରା'ର ପ୍ରଥମ କିସ୍ତିର ଦ୍ବିତୀୟ ପର୍ଯ୍ୟାୟର ରାଶି ହିତାଧିକାରୀ ମହିଳାଙ୍କୁ ଖାତାକୁ ଗଲା । ଆଜି ବାରିପଦାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ପ୍ରଥମ କିସ୍ତିର ଏହି ଦ୍ବିତୀୟ ପର୍ଯ୍ୟାୟ ରାଶି ହିତାଧିକାରୀଙ୍କ ଖାତାକୁ ଟ୍ରାନ୍ସଫର କରିଛନ୍ତି । ମହିଳା ସଶକ୍ତିକରଣ କ୍ଷେତ୍ରରେ ଗୋଟିଏ ପାଦ ଆଗରେ ଓଡ଼ିଶାରେ ବିଜେପି ସରକାର । ସୁଭଦ୍ରା ଯୋଜନାର ଶୁଭାରମ୍ଭ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କରିସାରିଥିବା ବେଳେ, ଦ୍ବିତୀୟ ସୋପାନର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଆଜି (ଅକ୍ଟୋବର ୯)ରେ ମୟୂରଭଞ୍ଚ ଜିଲ୍ଲା ବାରିପଦାରେ ସୁଭଦ୍ରା ଟଙ୍କା ବାଣ୍ଟିଛନ୍ତି ମୁଖ୍ୟମନ୍ତ୍ରୀ ।
- ବାରିପଦାରେ 'ସୁଭଦ୍ରା' ବଣ୍ଟନ ସମାରୋହ
ଅକ୍ଟୋବର ୯ ତାରିଖ ଆଉ ଏକ ଗୁରୁତ୍ବପୂର୍ଣ୍ଣ ଦିବସ । ବାରପଦା ଛଉ ପଡ଼ିଆରେ ଅନୁଷ୍ଠିତ ହେବାକୁ ଥିବା ସମାରୋହରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସୁଭଦ୍ରା ଟଙ୍କା ପ୍ରଦାନ କରିବେ । ସରକାରୀ ସୂଚନା ଅନୁସାରେ, ଆସନ୍ତାକାଲି(ବୁଧବାର) ୩୫ ଲକ୍ଷରୁ ଅଧିକ, ପାଖାପାଖି ଆଉ ୪୦ ଲକ୍ଷ ମହିଳା ହିତାଧିକାରୀଙ୍କ ଆାକଉଣ୍ଟକୁ ଯିବ ସୁଭଦ୍ରା ଟଙ୍କା । ପ୍ରଥମ ପର୍ଯ୍ୟାୟରେ ୨୫ ଲକ୍ଷ ମହିଳା ପାଇଥିଲେ ସୁଭଦ୍ରା ଟଙ୍କା ।
ସୁଭଦ୍ରା ପଞ୍ଜିକରଣ ୧ କୋଟି
ରାଜ୍ୟ ସରକାରଙ୍କ ମହିଳା ଓ ଯୁବତୀଙ୍କ ପାଇଁ ଉଦ୍ଦିଷ୍ଟ 'ସୁଭଦ୍ରା' ଯୋଜନାରେ ହୋଇଛି ରେକର୍ଡ ପଞ୍ଜିକରଣ । ସୋମବାର ସୁଦ୍ଧା ରାଜ୍ୟରେ ୧ କୋଟି ୨୦ ହଜାର ମହିଳା ହିତାଧିକାରୀ ସୁଭଦ୍ରା ଯୋଜନାରେ ପଞ୍ଜିକରଣ କରିଛନ୍ତି । ଉପ-ମୁଖ୍ୟମନ୍ତ୍ରୀ ତଥା ରାଜ୍ୟ ମହିଳା ଓ ଶିଶୁ ବିକାଶ ମନ୍ତ୍ରୀ ପ୍ରଭାତୀ ପରିଡ଼ାଙ୍କ ସୂଚନା ଅନୁସାରେ ପ୍ରତିଦିନ ପାଖାପାଖି ୩୦ ହଜାର ହିତାଧିକାରୀ ସୁଭଦ୍ରା ଯୋଜନାରେ ପଞ୍ଜିକରଣ କରୁଛନ୍ତି ।
' ସୁଭଦ୍ରା ଆମ ପାଇଁ ଆହ୍ୱାନ ଥିଲା '
ସୁଭଦ୍ରା ଯୋଜନାକୁ ନେଇ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡାଙ୍କ ପ୍ରତିକ୍ରିୟା 'ଘରେ ଘରେ ସୁଭଦ୍ରା ପହଞ୍ଚାଇବା ଆମ ପାଇଁ ବଡ଼ ଆହ୍ୱାନ ଥିଲା । ଏକ ମାସରୁ କମ ସମୟ ମଧ୍ୟରେ ହିତାଧିକାରୀଙ୍କ ସଂଖ୍ୟା ଏତେ ଶୀଘ୍ର ୧ କୋଟି ଛୁଇଁବା ଇତିହାସ ସୃଷ୍ଟି କରିବା ସଦୃଶ । ଆସନ୍ତାକାଲି ୯ ତାରିଖରେ ସବୁଠୁ ଅଧିକ ସୁଭଦ୍ରା ହିତାଧିକାରୀଙ୍କ ପାଖରେ ଯୋଜନା ପହଞ୍ଚିବ। '
'ସୁଭଦ୍ରା' ଶୁଭାରମ୍ଭ କରିଥିଲେ ପ୍ରଧାନମନ୍ତ୍ରୀ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କର କମଳରେ ଶୁଭାରମ୍ଭ ହୋଇଥିଲା ଯୁଗାନ୍ତକାରୀ 'ସୁଭଦ୍ରା' ଯୋଜନା । ସେପ୍ଟେମ୍ବର ୧୭ ତାରିଖରେ ସୁଭଦ୍ରା ଯୋଜନାର ହୋଇଥିଲା ଶୁଭାରମ୍ଭ । ପ୍ରଧାନମନ୍ତ୍ରୀ ନିଜ ଜନ୍ମଦିନରେ ଓଡ଼ିଶା ଆସିଥିଲେ ଏବଂ ଭୁବନେଶ୍ବରରେ ଲୋକପ୍ରିୟ ସୁଭଦ୍ରା ଯୋଜନାରେ ହିତାଧିକାରୀଙ୍କୁ ପ୍ରଥମ କିସ୍ତିର ଟଙ୍କା ବାଣ୍ଟିଥିଲେ । ସେପ୍ଟେମ୍ବର ୧୭ ତାରିଖରେ ୨୫ ଲକ୍ଷ ୧୧ ଜଣ ମହିଳାଙ୍କୁ ସୁଭଦ୍ରା କିସ୍ତି ମିଳିଥିଲା । ପ୍ରଥମ କିସ୍ତିରେ ସରକାର ୧,୨୫୦ କୋଟି ଟଙ୍କା ପ୍ରଦାନ କରିଥିଲେ ।