କଟକ: ଚର୍ଚ୍ଚ ଉପରକୁ ବୋମାମାଡ ! କଟକରେ ପୁଣି ଫୁଟିଲା ବୋମା । କଟକ ସୁତାହାଟ ଅଞ୍ଚଳରେ ଥିବା ବାପଟିଷ୍ଟ ଚର୍ଚ୍ଚ ଉପରକୁ ବୋମା ମାଡ଼ କରାଯାଇଥିବା ଅଭିଯୋଗ ହୋଇଛି । ଏହି ବୋମାମାଡରେ କୌଣସି କ୍ଷୟକ୍ଷତି ହୋଇନଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ କିଏ ଓ କେଉଁ କାରଣରୁ ବୋମା ମାଡ଼ କରିଛି ତାହା ଏଯାବତ ଅସ୍ପଷ୍ଟ ରହିଛି । ତେବେ ଖୁବଶୀଘ୍ର ଘଟଣାରୁ ପରଦା ଉଠିବ ବୋଲି କହିଛନ୍ତି ଏସିପି ଗିରିଜା ଚକ୍ରବର୍ତ୍ତୀ ।
Cuttack Bomb blast (ETV Bharat Odisha)
ଗତକାଲି (ଶୁକ୍ରବାର) ରାତିରେ କଟକ ଜିଲ୍ଲା ସୁତାହାଟ ଅଞ୍ଚଳରେ ଥିବା ବାପଟିଷ୍ଟ ଚର୍ଚ୍ଚ ଉପରକୁ ବୋମା କରାଯାଇଥିବା ଖବର ସାମ୍ନାକୁ ଆସିଛି । କିଛି ସ୍ଥାନୀୟ ଲୋକେ ଚର୍ଚ୍ଚ ପରିସରରେ ଥିବା ସମୟରେ ଏକ ବୋମା ଫୁଟିବାର ଶବ୍ଦ ଶୁଣିଥିଲେ । ଏନେଇ ତୁରନ୍ତ ସ୍ଥାନୀୟ ପୋଲିସକୁ ଜଣାଇଥିଲେ । ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା ।