ବରଗଡ଼:ସଡ଼କ ଦୁର୍ଘଟଣାରେ ଚାଲିଗଲା ୩ଜଣଙ୍କ ଜୀବନ । ବରଗଡ଼ ଜିଲ୍ଲା ଲୁହୁରାଚଟି ଠାରେ ଜାତୀୟ ରାଜପଥରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଅଜଣା ଗାଡ଼ି ଧକ୍କା ଦେବା ଫଳରେ ୩ଜଣଙ୍କ ମୃତ୍ୟୁ ହୋଇଛି । ମୃତ ୩ଜଣ ଯୁବକ ଅଶୋକା ବିଲିକନ କମ୍ପାନୀର କର୍ମଚାରୀ ବୋଲି ଜଣାପଡିଛି l ଦୁର୍ଘଟଣା ଘଟାଇଥିବା ଗାଡ଼ିଟି ଫେରାର ଥିବା ବେଳେ ଖବର ପାଇ ସୋହେଲା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିିଛି ।
ସୂଚନା ଅନୁଯାୟୀ, ଗତକାଲି(ବୁଧବାର) ରାତିରେ ବରଗଡ଼ ଜିଲ୍ଲା ସୋହେଲା ଥାନା ଅନ୍ତର୍ଗତ ଲୁହୁରାଚଟି ଠାରେ ଜାତୀୟ ରାଜପଥ ଉପରେ ଏକ ଟ୍ରକର ବ୍ରେକଡାଉନ ହୋଇଥିଲା l ତେବେ ଉକ୍ତ ବ୍ରେକଡାଉନ ଗାଡିଟି ରାସ୍ତା ଉପରେ ଥିବାରୁ ଅନ୍ୟ ଯାନବାହାନ ପ୍ରତି ଯେପରି ରାତିରେ ବିପଦ ନହୁଏ ସେଥିପାଇଁ ଏମାନେ ଉକ୍ତ ବ୍ରେକଡାଉନ ଟ୍ରକଟିର ଚାରିପଟେ ବ୍ୟାରିକେଟର ବ୍ୟବସ୍ଥା କରୁଥିଲେ l କିନ୍ତୁ ଏହି ସମୟରେ ୩ଜଣ ଦୁର୍ଘଟଣାର ଶିକାର ହୋଇଥିଲେ । ଦ୍ରୁତ ଗତିରେ ଆସୁଥିବା ଏକ ଅଜଣା ଗାଡ଼ି ସେମାନଙ୍କ ଉପରକୁ ମାଡିଯାଇଥିଲା । ଫଳରେ ଘଟଣା ସ୍ଥଳରେ ହିଁ ୩ଜଣଙ୍କ ମୃତ୍ୟୁ ଘଟିଥିଲା ।